வான் அஸிசாவுக்கு 30 சட்டமன்ற உறுப்பினர்கள் ஆதரவு

 

PKR - Aziza majorityசிலாங்கூர் மாநில சட்டமன்றத்தின் இரு பாஸ் கட்சி உறுப்பினர்கள் பிகேஆர் தலைவர் வான் அஸிசாவுக்கு ஆதரவு தெரிவித்துள்ளதாக இன்று பின்னேரத்தில் அவர் செய்தியாளர்களிடம் கூறினார்.

பாஸ் கட்சியின் மோரிப் பிரதிநிதி ஹான்சுல் பஹாருடின் மற்றும் உலுகிளாங் பிரதிநிதி ஷாஆரி சுங்கிப் ஆகிய அவ்விருவரும் இன்று சுபாங் ஜெயாவில் எம்பயர் ஹோட்டலில் நடந்த வான் அஸிசாவின் செய்தியாளர் கூட்டத்தில் இருந்தனர்.

வான் அஸிசா பெற்றுள்ள அவ்விரு பாஸ் கட்சி பிரதிநிதிகளின் ஆதரவோடு அவர் PKR - Aziza majority1சிலாங்கூர் சட்டமன்றத்தில் 30 உறுப்பினர்களின் ஆதரவைப் பெற்றுள்ளார்.

தற்போது சுயேட்சை மந்திரி புசாராக இருக்கும் காலிட் இப்ராகிமுக்கு 26 உறுப்பினர்களின் ஆதரவு மட்டுமே இருக்கிறது. அதுவும் எஞ்சியுள்ள பாஸ் கட்சியின் சட்டமன்ற உறுப்பினர்கள் அவருக்கு தொடர்ந்து ஆதரவு அளிப்பதைப் பொறுத்துள்ளது.

“இத்துடன், 30 பக்கத்தான் ரக்யாட் சட்டமன்ற உறுப்பினர்கள், என்னையும் சேர்த்து, மந்திரி புசார் என்ற முறையில் காலிட் மீது நம்பிக்கை இழந்து விட்டனர்.

“அவர்கள் (சட்டமன்ற உறுப்பினர்கள்) நான் மந்திரி புசார் பதவியை ஏற்றுக்கொள்வதற்கு ஆதரவு தெரிவித்துள்ளனர்”, என்று காஜாங் தொகுதி சட்டமன்ற உறுப்பினருமான வான் அஸிசா கூறினார்.