எதிரணித்  தலைவர்கள்மீது  அடுத்தடுத்து  தேச நிந்தனைக் குற்றம்  சாட்டப்படுவது  நீதிமன்றம்  சம்பந்தப்பட்ட  விவகாரம் என்றும்  அதற்கும்  அரசாங்கத்துக்கும்  சம்பந்தமில்லை என்றும்  பிரதமர்துறை  அலுவலகம்  இன்று  கூறியது.

“தேச  நிந்தனைச் சட்டத்தின்கீழ்  குற்றம்  சாட்டுவதை  நீதிமன்றங்கள்  தீர்மானிக்கின்றன.  மலேசிய  நீதித்துறை சுயேச்சையாக  செயல்படுவது.  அது பல  வழக்குகளில்  அளித்த  தீர்ப்பே  இதற்குச்  சான்று” என  அது  ஓர் அறிக்கையில்  கூறியது.

தேசிய  நிந்தனைச்  சட்டம் பரவலாக  பயன்படுத்தப்பட்டாலும் அதை  அகற்றிவிட்டு  அதனிடத்தில்  தேசிய  நல்லிணக்கச்  சட்டம்  கொண்டுவரப்படுவது  உறுதி  என்றும்  அந்த  அறிக்கை  கூறியது.

“புதிய  சட்டம்  வரும்வரை, நடப்பில் உள்ள  சட்டங்களைத்தான் பயன்படுத்த  வேண்டியுள்ளது”, என்று  அது  கூறிற்று.