கையூட்டு பெற்றதாக சந்தேகிக்கப்படும் போலீஸ்காரர்களை விசாரிக்கும் பொறுப்பை எப்போதுமே மலேசிய ஊழல்-தடுப்பு ஆணையத்திடம் (எம்ஏசிசி) ஒப்படைத்து விடுவதாக போலீஸ் கூறியது.
குற்றமிழைக்கும் அதிகாரிகளை போலீஸ் பாதுகாப்பதில்லை, உடனடி நடவடிக்கைக்காக எம்ஏசிசி-இடம் ஒப்படைக்கப்படுவதாக தேசிய போலீஸ் படைத் தலைவர் காலிட் அபு பக்கார் தெரிவித்தார்.
“ஒழுங்குவிதி மீறல்கள், நடைமுறை மீறல்கள் போன்றவற்றை மட்டுமே போலீஸ் விசாரிக்கிறது”, என்றாரவர்.
2012-இலிருந்து 273 போலீஸ்காரர்கள் கையூட்டுப் பெற்ற சந்தேகத்தின்பேரில் கைது செய்யப்பட்டிருக்கிறார்கள். அவர்களில் 43-பேர் நீதிமன்றத்தில் நிறுத்தப்பட்டனர். 168 பேர்மீது இன்னமும் விசாரணை நடந்து வருகிறது என்றவர் கூறினார்.
-பெர்னாமா
அப்படியே விசாரணைக்கு வந்தாலும்,நீதிமன்றதுக்கு கொண்டு
வரும்போது முகத்தை நன்கு மூடி கொண்டு வருவார்கள், பிறகு
அவன் மறுமுறையும் வேலைக்கு வந்து சேர்ந்தால்,மக்களுக்கு
அறவே தெரியாது.
சின்னாக் கொன்னி மீனைப் புடிசிட்டோம், சுறா மீனையும், திமிங்கலத்தையும் விட்டுட்டோம் என்று சொல்லாமல் சொல்கின்றார்கள்.
எண்ணிக்கை நம்பும் படியாக இல்லை.
இனத்தையும் ,மதத்தையும் முன் வைக்கும் இவர்களுக்கு இதுவெல்லாம் ஒரு கண் துடிப்பு நாடகம்தான்
கைது செய்துவிட்டோம் என்று தான் கூறினார்கள். ஆனால் உண்மையில் என்ன நடந்தது என்று கூறமுடியுமா? எத்தனை பேர் சிறைக்கு சென்றார்கள்? எல்லாம் கண் துடிப்பு.பேருக்கு தற்காலிகமாக வேளையில் இருந்து நிறுத்தி வாய்த்த பின் திரும்ப வேளையில் சேர்த்து விடுவார்கள் அத்துடன் பத்தி உயர்வுமிருக்கும்.காரணம் எதுவே அவர்களின் வழிமுறைகள்.