தற்போதைய குழந்தை சட்டம் 2001க்கு மாற்றாக விரைவில் இயற்றப்படவிருக்கும் புதிய சட்டத்தின் கீழ் குழந்தைகளை பிரம்பால் அடிப்பது கிரிமினல் குற்றமாக்கப்படலாம் என்று மகளிர், குடும்பம் மற்றும் சமூக மேம்பாட்டு அமைச்சர் ரோஹாணி அப்துல் கரிம் கூறினார்.
மலேசியாவில் குழந்தைகளை நல்வழிப்படுத்துவதற்கு பிரம்படி கொடுப்பது வழக்கமானது என்றாலும், நாடு அனைத்துலக சட்டங்களுக்கு ஏற்ப செயல்படுவது அவசியமாகிறது என்றார் அமைச்சர்.
“குழந்தைகளுக்கு பிரம்படி கொடுப்பது நமது கலாச்சாரத்தின் ஓர் அங்கம் என்றாலும், நாம் குழந்தையின் உரிமைகள் பற்றிய அனைத்துலக ஒப்பந்தப்படி (சிஆர்சி) செயல்பட வேண்டியுள்ளது. சிஆர்சி இவ்விவகாரத்தைக் கடுமையாகக் கருதுகிறது”, என்று அமைச்சர் இன்று கூறியதாக உத்துசான் ஓன்லைன் தெரிவிக்கிறது.
இக்குற்றத்திற்கு முன்மொழியப்படவிருக்கும் தண்டனை என்ன என்பதை ரோஹாணி தெரிவிக்கவில்லை.
பள்ளி மாணவர்களை காலணியால் அடிப்பதையும் கடுமையான கிரிமினல் குற்றமாக்கப்பட வேண்டும்.
மலாய்க்கார ஆசிரியர்கள் தான் நம் பிள்ளைகளை காலனிகளால் அடித்திருக்கின்றனர்.
வணக்கம். ஏற்கனவே பள்ளியில் பிரம்பால் அடிப்பதை தடை செய்தார்கள், அதனால் பிள்ளைகளின் தவறு அதிகரித்து விட்டது. இதனை எத்தனை பேர் பள்ளியில் சென்று கவனிக்கிறார்கள். இன்று வீட்டிலும் தடை செய்தால் நிலைமை இன்னும் சீர் கெட்டு போகும். முதலில் பள்ளியில் பிள்ளைகளை செருப்பால் அடிப்பதை கிரிமினல் சட்டத்தின் கீழ் கொண்டு வாருங்கள். பிள்ளைகளை பிரம்பால் அடிப்பதை முழுமையாக தடை செய்வதை காட்டிலும் ஒரு வரைமுறைக்குள் கொண்டுவரலாம். அதுவே சரியான வழி.
ஜாதி வெறி கொண்ட எவரும் அடுத்தவரை கேவலபடுதாமல் இருந்ததில்லை . அது எந்த தொழில் உள்ளவராக இருந்தாலும் யாரகவே இருந்தாலும் அந்த இன வெறி போகாது . அது மலாய் பள்ளிகளாகவே இருந்தாலும்
தமிழ் பள்ளிகளில் ஆசிரியர்கள் யாரையும் கேவலபடுதியதே இல்லைய. பத்திரிக்கையில் பார்த்ததில்லையா? முக புத்தகத்தில் பாருங்க சம்மந்தமே இலாதவன் குட அடுத்தவன் வீடு பெண்ணை கேவலபடுதுவதையும் ஆதையும் ஒரு கூட்டமெ லைக் பண்ணுவதையும் .
பெற்றோர்கள் தங்கள் குழந்தைகளை பிரம்பால் அடிப்பது தவறில்லை ஆனால் தங்கள் குழந்தைகளுக்கு உடலில் ஏந்த பாதிப்பும் ஏற்படாமல் பார்து கொள்ளவேண்டும் manasigan
ஆறில் வளையாதது அறுபதில் வளையாது. அடுத்தவர் நாட்டை பிடித்து பணம் சேர்த்து இன்று மேலை நாடுகள் கலாச்சார சீர்கேட்டை உருவாக்கி அதை தங்கள் பணத்தால் மூடுகின்றனர், அவர்கள் கருத்தை கேட்டு, நம் கலாச்சார சீர்கேட்டை உருவாகுவது, எரியும் நெருப்பில் எண்ணையை ஊற்றுவது போலத்தான். நாம பிள்ளைகளை எப்படி வளர்ப்பது என்பதை , கலாச்சாரம் என்றால் என்ன என்று தெரியாதவர் களிடம் கற்பது கேவலமானது. மேற்கத்திய ஆதிகட்டில் இருக்கும் ஐநா சபை, அதன் கருத்தை தினிது கொண்டிருக்கும், விளைவை நாம் அல்லவா அனுபவிக்கனும்.
“அனைத்து உலக சட்டங்களுக்கு”..ஆமாம், எந்த காலத்தில் நீங்கள் அனைத்து உலக சட்டங்களை மதித்திருக்கிறீர்கள்! ஷாரியா சட்டம் ஏற்றுக்கொண்ட ஒரு சட்டத்தை உங்களால் புறக்கணிக்க முடியுமா!
ஒரு குறிப்பிட்ட வயது வரை குழந்தைகளை கண்டிக்கவும், தண்டிக்கவும் பெற்றோர்க்கு உரிமை உண்டு. அது குழந்தைகளை நல்வழிப்படுத்தத்தான் என்பதை மலேசிய அரசு உணர வேண்டும். அது கூட முடியாது என்றால் எதற்கு பெற்றோர்? அதில்லாமல் பெற்றோர்க்கு வேறு என்னதான் உரிமை? அனைத்துலக சட்டம் எல்லாமே நமக்குப் பொருந்தும் சட்டம் ஆகிட முடியாது. அப்படிப்பட்ட சட்டம் மலேசியர்களுக்குத் தேவையும் இல்லை. முதலில் குற்றவாளிகளையும், குற்றமற்றவர்களையும் போலிசார் கண்டபடி சுட்டுக் கொல்வதை கிரிமினல் குற்றம் ஆக்க சட்டம் கொண்டுவாருங்கள். அது சரி. அனைத்துலக சட்டப்படி குற்றவாளிகளையும் சந்தேகப்பேர்வழிகளயும் காலில் மட்டும் சுட வேண்டுமா? அல்லது சுட்டுக் கொல்லவும் முடியுமா? முடியும் என்றால் அந்த சட்ட விதி என்ன என்று உங்களுக்குத் தெரியுமா சமூக மேம்பாட்டு அமைச்சரே?