மலேசிய பிரதமர் அலுவலகம் மற்றும் அதன் வளாகத்திற்குள் செல்வதற்கு மலேசியாகினிக்கு மீண்டும் இன்று தடை விதிக்கப்பட்டது.

துணைப் பிரதமர் முகைதின் யாசின் பங்கேற்கும் ஒரு நிகழ்ச்சியில் பங்கேற்பதற்காக  சென்ற போது அங்கிருந்த பாதுகாவலர்கள் மலேசியாகினியை உள்ளே விட உடனடியாக மறுத்து விட்டனர்.

“மலேசியாகினி உள்ளே செல்லவே முடியாது”, என்று ஒரு போலீஸ் பணியாளர் கூறினார்.

பிரதமர் அலுவலக வளாகத்தினுள் நடப்பது எந்த அமைச்சரின் நிகழ்ச்சியாக இருந்தாலும் சரி விதிக்கப்பட்டுள்ள தடை நிலைநிறுத்தப்படுகிறது என்பதை அங்கிருந்த அதிகாரிகள் உறுதிப்படுத்தினர்.