தம் கொள்கைகளையும்  ஆட்சிமுறையையும்  போற்றுபவர்  போற்றட்டும்  புழுதிவாரி  தூற்றுபவர்  தூற்றட்டும்  அதற்காக  முன்வைத்த காலைப் பின்னுக்கு  இழுக்கப்போவதில்லை  என்பதில்  பிரதமர்  நஜிப்  அப்துல்  ரசாக்  உறுதியாக  இருக்கிறார்.

“அண்மைக்  காலமாக  பலவித  சவால்களும் தடங்கல்களும்  எதிர்பட்டபோதும் அரசாங்கமும்  நானும்  தேர்ந்தெடுத்துள்ள  பாதை  ஒன்றே  ஒன்றுதான் -முன்னோக்கிச் செல்லல்.

“நாங்கள்  திரும்பிப்  பார்க்கப் போவதில்லை”, என  நாடாளுமன்றத்தில் 11வது  மலேசியத்  திட்டத்தைத்  தாக்கல்  செய்த  பின்னர்  நஜிப்  அறிவித்தார்.

பிரதமர்  தம்  உரையில் முன்னாள்  பிரதமர்  குறைகூறும்  விவகாரங்களையும்  தொட்டுப்  பேசினார்.

“அரசாங்கம்  நேர்மையான  நோக்கத்தில்,  ஒட்டுமொத்த  உதவித் தொகையை  நீக்கிவிட்டு  இலக்குக் குழுக்களுக்கு  1மலேசியா  மக்கள்  உதவித்  தொகை  வழங்க  முடிவு  செய்தபோது   அதை  இந்தப்  பக்கம்  குறை  சொல்கிறாகள்  அந்தப்  பக்கம்  குற்றம்  சாட்டுகிறார்கள்”, என்று  நஜிப்  குறிப்பிட்டதும்  எம்பிகள்  புரிந்து  கொண்டதற்கு  அறிகுறியாக  புன்னகைத்தார்கள்.