ஜீவி காத்தையா, ஜூன் 14, 2015.
பிரதமர் நஜிப் ரசாக் 11 ஆவது மலேசிய திட்டத்தை மே 21 இல் நாடாளுமன்றத்தில் தாக்கல் செய்தார். இத்திட்டத்தின் இறுதிக் கட்டமான 2020 இல் மலேசிய ஒரு மேம்பாடு அடைந்த நாடு என்ற தகுதியை அடையும் என்று எதிர்பார்க்கப்படுகிறது. மலேசியா மேம்பாடு அடைந்த நாடு என்ற தகுதியைப் பெறும் போது அதன் குடிமக்களாகிய இந்தியர்களும் மேம்பாடு கண்டவர்களாக வேண்டும். அதனை உறுதிப்படுத்துவதற்கான நடவடிக்கைகள் 11 ஆவது மலேசிய திட்டத்தில் இடம் பெற்றுள்ளனவா?
ஆச்சரியம், ஆனால் உண்மை. பிரதமர் நஜிப் 11 ஆவது மலேசிய திட்டத்தை தாக்கல் செய்த பின்னர் அத்திட்டத்தை மறுஆய்வு செய்து அதில் இந்தியர்களுக்கு என்ன கிடைக்கும் என்பதைக் கிண்டிப் பார்த்து, அவற்றை ஒருமுகப்படுத்தி, அவற்றுடன் இன்னும் என்ன தேவைப்படுகிறது என்பதையும் சேர்த்து ஓர் அறிக்கையை பிரதமர் நஜிப்பிடம் வழங்கும் நோக்கத்துடன் மஇகாவின் முன்னாள் தலைவர் ச. சாமிவேலுவின் தலைமையில் ஒரு கருத்தரங்கு கோலாலம்பூரில் மே 31 இல் நடத்தப்பட்டது. அதில் பல பெருமக்கள் கலந்து கொண்டு தங்களுடைய கருத்துகளையும் ஆலோசனைகளையும் வழங்கினர்.
அக்கருத்தரங்கில் பங்கேற்றவர்களின் நிபுணத்துவ கருத்துகளை சுட்டிக் காட்டி பேசிய இன்னொரு முக்கிய பிரமுகர் இப்படி கூறினார், “இம்முறை (11ஆவது) மலேசிய திட்டத்தில் இந்திய சமூகத்திற்கென குறிப்பிட்ட திட்டங்கள் அறிவிக்கப்படாவிட்டாலும் அனைத்து இனங்களுக்கும் வாய்ப்புகள் கிடைக்க வேண்டும் என்ற ரீதியில் திட்டங்கள் அறிவிக்கப்பட்டுள்ளன. என்னுடைய கோரிக்கை என்னவென்றால் அரசாங்கத்தின் சிந்தனையில் மாற்றம் ஏற்பட வேண்டும். அதாவது அனைத்து இனங்களுக்கும் சரிசமமான வாய்ப்புகள் அளிக்கப்பட வேண்டும். இன்றைய சூழலில் அரசாங்க வேலைகளில் இந்தியர்களின் எண்ணிக்கை மிக குறைவாக இருக்கிறது. அரசாங்க நிறுவனங்களிலும் இந்தியர்களின் எண்ணிக்கை குறைவாக இருக்கின்றது. இதே போன்று எல்லாத் துறைகளிலும் குறிப்பிட்ட இனத்தை மட்டும் சாராமல் எல்லா இனங்களுக்கும் வாய்ப்புகள் அளிக்கப்பட வேண்டும்”, என்று அவர் வலியுறுத்தினார் (தமிழ் நேசன் ஜூன் 1).
இன்னும் பலர் ஏதேதோ பேசினர். ஆனால், 11 ஆவது மலேசிய திட்டத்தில் இந்தியர்களுக்கு திட்டவட்டமாக எதுவும் இல்லை என்று அடித்துக் கூறிவர் மேலே குறிப்பிட்ட ஒருவர்தான்.
குதிரை இலாயத்தை விட்டு ஓடிவிட்ட பின்னர் வாயிற்கதவை மூட எத்தனிப்பது போல, 11 ஆவது மலேசிய திட்டம் தாக்கல் செய்யப்பட்ட
பின்னர், அரசாங்கத்திடம் கேட்டு, கேட்டு எதுவும் கிடைக்காததால் விரக்தியடைந்து இனிமேல் அரசாங்கத்திடம் எதுவும் கேட்க மாட்டோம். கடையை மூடுவோம் என்று அப்துல்லா படாவி காலத்தில் கண்ணீர் விட்ட தலைவர் ச. சாமிவேலு, இந்தியர்களுக்கான உரிமையை பெறுவோம் என்று இக்கருத்தரங்கில் கூறினார்.
சாமிவேலு கூறுகிறார், “இந்நாட்டில் வாழும் இந்தியர்கள் மற்ற இனத்தவர்களை போன்று சமமான நிலையில் வாழ்வதற்கு அரசாங்கம் செய்ய வேண்டிய திட்டங்கள் அனைத்தும் இக்கருத்தரங்கில் ஆலோசிக்கப்படும். இந்திய சமுதாயத்திற்கு என்ன உரிமைகள் வழங்கப்பட வேண்டுமோ அதனை அரசாங்கத்திடமிருந்து நிச்சயம் பெற்றுத் தரும் நடவடிக்கை மேற்கொள்ளப்படும். இந்திய சமுதாயத்திற்கு சென்றடைய வேண்டியவை முறையான வழியில் சென்று சேர இந்த 11 ஆவது மலேசிய திட்டம் வழிவகுக்கும்.”
தமிழர், மலையாளி, சீக்கியர், தெலுங்கர் பங்கிட்டுக் கொள்ள ரிம10 கோடி
இந்தியர்கள் மேம்பாடு அடைவதற்கான திட்டம் ஏதும் 11 ஆவது மலேசிய திட்டத்தில் இல்லை. ஆனால், இந்தியர்களின் மேம்பாட்டிற்கு நிதி என்ற போர்வையில் இந்தியர்களை கூறு போடும் திட்டம் தயாரிக்கப்பட்டது. அதற்கு பிரதமர் நஜிப்பின் ஒப்புதலும் கிடைத்து விட்டது என்று அரசு ஊழியர் டாக்டர் என். எஸ். இராஜேந்திரன் ஜூன் 6 இல் அறிவித்து விட்டார்.
1946 ஆம் ஆண்டிலிருந்து மஇகா இந்தியர்களின் உரிமைகளுக்காக போராடி வருகிறது என்று கூறுகின்றனர். ஆனால், வெறும் 30 நாள்களுக்கு முன்பு தோற்றுவிக்கப்பட்ட பிரதமர்துறையின் இந்திய சமுதாயத்தின் சமூக-பொருளாதார மேம்பாடு பிரிவின் (செடிக்) தலைவர் டாக்டர் இராஜேந்திரன் இந்த ரிம10 கோடி நிதி ஒதுக்கீடு 40 விழுக்காடு இந்தியர்களின் வாழ்க்கைத் தரத்தை உயர்த்துவதற்காக அரசு மேற்கொண்ட உன்னத முயற்சி என்று தெரிவித்துள்ளார்.
இந்தியர்கள் மேம்பாடு அடைவதற்கான திட்டங்கள் வரையப்பட்டு இன்னும் இரண்டு வாரத்தில் பிரதமரிடம் கொடுக்கப்படும் என்று கருத்தரங்கில் ச. சாமிவேலு கூறினார். ஆனால், 40 விழுக்காடு இந்தியர்களின் மேம்பாட்டிற்காக செடிக் தயாரித்திருந்த திட்டத்தை ஏற்றுக்கொண்டு அத்திட்டத்தை அடுத்த சில மாதங்களில் அது அமல்படுத்துவதற்காக பிரதமர் நஜிப் ரிம10 கோடி (ரிம100 மில்லியன்) நிதிக்கு அங்கீகாரம் அளித்து விட்டார் என்று டாக்டர் இராஜேந்திரன் அறிவித்துள்ளார்.
இந்த ரிம100 மில்லியன் இந்தியர்களை மேம்பாடு அடையச் செய்வதற்காக இந்திய அரசு சார்பற்ற அமைப்புகளுக்கும், திறன் பயிற்சி கழகங்களுக்கும் வழங்கப்படும் என்று கூறிய இராஜேந்திரன், இந்த நிதி இந்திய சமூகத்தின் பல்வேறு பிரிவுகளைச் சேர்ந்த, தமிழர், மலையாளி, சீக்கியர் மற்றும் தெலுங்கர் உட்பட, குறைந்த வருமானம் பெருவோர் பங்கிட்டுக்கொள்வர் என்றும் தெரிவித்தார்.
ரிம100 மில்லியன் மேம்பாட்டிற்கான நிதியா அல்லது இந்தியர்களை கூறுபோடுவதற்கான திட்டமா?
செடிக் ஏன் இந்தியர்களை தமிழர், மலையாளி, சீக்கியர், தெலுங்கர், குஜராத்தி, மராத்தி, மண்ணாங்கட்டி என்றெல்லாம் பிரித்து அவர்களை சின்னாபின்னமாக்கும் ஒரு வியூகத்திற்கு துணை போக வேண்டும்? நஜிப் இதனைச் செய்து வருகிறார் என்பது தெரிந்ததே. இது நிச்சயமாக இராஜேந்திரனுக்கு தெரியாமல் இருக்க முடியாது. ஒருவேளை, அவர் ஓர் அரசு ஊழியர் என்பதால், பிரதமரின் ஆவலை புரிந்து கொண்டு அதற்கேற்ப நடந்துகொள்ள வேண்டிய கட்டாயம் அவருக்கு இருக்கலாம். அதற்காக, இந்தியர்களின் எதிர்காலத்தை அடமானம் வைக்கலாமா?
நஜிப் வழங்க முன்வந்திருக்கும் இந்த ரிம100 மில்லியனை பங்கு போட்டுக் கொள்ள தற்போது இயங்கும் என்ஜிஓ-களுக்கு போட்டியாக இன்னும் பல என்ஜிஓ-கள் தோற்றுவிக்கப்படும். நெகிரி செம்பிலான் மாநிலத்தில் இந்தியர்களின் எண்ணிக்கையை விட அதிகமான இந்திய என்ஜிஒ-கள் அங்கு இருக்கின்றன என்று அம்மாநில மந்திரி புசார் கடந்த ஆண்டு கூறியிருந்ததை கவனத்தில் கொள்ள வேண்டும்.
இந்தத் திட்டத்தின் கீழ் நிதி பெற இன்னேரம் பல என்ஜிஒ-கள் பின்வாசல் வழியாக செடிக்குடன் தொடர்பு கொண்டிருக்கும் என்றால் அதில் ஆச்சரியப்படுவதற்கு ஒன்றுமில்லை. இப்போதெல்லாம் அதுதான் எல்லாருக்கும் தெரிந்த வழி!
மேலும், இந்த ரிம10 கோடி (100 மில்லியன்) அடிமட்டத்திற்கு தள்ளப்பட்டிருக்கும் ஒரு சமுதாயத்தை மேம்படுத்த இன்றைய பொருளாதார சூழ்நிலையில் போதுமானதா?
தமிழர், மலையாளி, சீக்கியர், தெலுங்கர் ஆகியோரின் மேம்பாட்டிற்காக நஜிப் வழங்க முன்வந்திருக்கும் இந்த ரிம100 மில்லியன், எதிர்வரும் ஹரிராயா கொண்டாட்டத்தின் போது 100 திறந்த இல்ல ஹரிராயா உபசரிப்பை நடத்துவதற்கு போதாது என்பதை இந்தியர்கள் தெரிந்து கொள்ள வேண்டும்.
ஈராண்டிற்கு முன்னர், மலேசிய நாடாளுமன்றத்தில் 10 அம்னோ நாடாளுமன்ற உறுப்பினர்கள் ஒவ்வொருவருக்கும் அந்த ஆண்டில் ஹரிராயா திறந்த இல்ல உபசரிப்பு நடத்துவதற்கு அரசாங்கம் அளித்த மானியம் எவ்வளவு என்ற கேள்வி எழுந்தது. பதில்: ஒவ்வொருவருக்கும் ரிம1 மில்லியன்! இன்றைய நிலையில், ஒரு தீபாவளி திறந்த இல்ல உபசரிப்பு நடத்த ரிம1 மில்லியன் போதாது.
ஆகவே, ரிம10 கோடி என்பது நஜிப் அரசின் உன்னத முயற்சி அல்ல; அது ஓர் உன்னத சூழ்ச்சி!
கேள்வி – செடிக் ஏன் இந்தியர்களை தமிழர், மலையாளி, சீக்கியர், தெலுங்கர், குஜராத்தி, மராத்தி, மண்ணாங்கட்டி என்றெல்லாம் பிரித்து அவர்களை சின்னாபின்னமாக்கும் ஒரு வியூகத்திற்கு துணை போக வேண்டும்?
பதில் – திரு. பொன் ரங்கன் தான் பதில் கூற வேண்டும். இவர் தான் இந்த பிவினைக்கு வித்திட்டவர். இவர் தான் நம்மை தமிழர் என்று அறியப்பட வேண்டும் என்று கூறுபவர்.
திரு. ஜீவி காத்தையா அவர்களின் கட்டுரை நன்று.
டாக்டர் இராஜேந்திரன் எப்படி ரிம10 கோடி (ரிம100 மில்லியன்) நிதியை பிரித்து வழங்குவார் என்று தெரியவில்லை. குறைந்தது ரிம7 கோடி தமிழர்களுக்கு சேர வேண்டும். முன்பு இதேபோன்று நிதிகளும் திட்டங்களும் அறிவிக்கபட்டுள்ளது ஆனால் அதன் அடைவு நிலை தெரியவில்லை. முன்பு அறிவிக்கபட்ட நிதிகளும் திட்டங்களும் இவை ( Kuala Lumpur | 8 years ago
New programme to develop Indian entrepreneurs in Malaysia
Tuesday, 20 June 2006 | http://www.nerve.in/news:2535005500 | channel: Asia
‘We have set a target of enlisting 150,000 Indians for training and (to) ensure the development or strengthening of 15,000 entrepreneurs during the Ninth Malaysia Plan (9MP),’ he was quoted as saying.
————————————————-
Malaysian Government to fund and train Indian entrepreneurs Published: Saturday, April 24, 2010, 18:21 [IST]
Petaling Jaya (Malaysia), Apr.24 (ANI): A Malay Indian business chamber leader, K.K.Eswaran, has said that RM one million has been allocated for the training of Indian entrepreneurs, and is expected to be given out within the next few weeks.
Read more at: http://www.oneindia.com/2010/04/24/malaysiangovernment-to-fund-and-train-indianentrepreneurs.html
————————————————————-
Saturday April 24, 2010
Funds to train Indian entrepreneurs
PETALING JAYA: Half of the RM2mil allocation from the Government to train budding Indian entrepreneurs is expected to be given out within the next few weeks, said Indian business chamber leader Datuk K.K. Eswaran.)
ரொம்ப சுலபமாக திரு பொன் இரங்கன் மீது பழி போடும் மலேசியன் தமிழர் அல்ல என்பது தெளிவு. திரு. பொன் இரங்கன் நாம் தமிழர் என்ற ஆயுதத்தை எடுப்பதற்கு முன்னரே நாங்கள் மலையாளிகள், நாங்கள் தெலுங்கர்கள் என்று தமிழர்களுக்கு முன்னாள் பிரித்து படம் போட்டவர்கள் யார்?. அவர்களுக்கு அவரவர் மொழி கலாச்சாரம் முக்கியம் என்பது முன்னெடுக்கப் பட்டதால் நாம் தமிழரை தற்காக்க அரண் இல்லாமையால் தமிழரும் அவர் தம் நிலையைத் தற்காக்க “நாம் தமிழர்” என்ற உணர்வை ஊட்ட வேண்டியதாயிற்று. இதற்கும் அரசாங்கம் இந்நாட்டு குடிமக்களுக்கு செய்ய வேண்டிய கடமைக்கும் வேறுபாடு உள்ளது. இன்னின்ன இன மக்கள் என்று இதற்கு முன் பாகுபடுத்தி ஆட்சி செய்த (‘divide and rule’) தே.மு. கிடைத்தது பெரிய அடி 2008-ம் ஆண்டுப் பொதுத் தேர்தலில். அன்று நடந்த மக்கள் மனமாற்றத்தில் முதன்மை வகித்தவர்கள் இந்நாட்டு இந்தியர்கள். இதற்கு முதல் காரணம் ஹின்றாப்ட் பேரணி. இந்த இந்தியர்களின் கூட்டுறவை உடைக்க சதி திட்டம் தீட்டியவர்கள் தே.மு. அதற்கு பிள்ளையார் சுழி போட்டவர் உள்துறை அமைச்சர். இவர் அவர்தம் தொகுதி மக்களில் கணிசமாக இருக்கும் தெலுங்கு வம்சாவளி மக்களின் ஒருதலைப் பட்சமான ஒர வஞ்சனையான பொன்மொழிகளைக் கேட்டு மேலிடத்தில் நம்பிக்கை நாயகனிடம் வைத்தார் நெருப்பு . இதுவே நம்பிக்கை நாயகன் இந்தியர்களை பிரிக்க கையில் எடுத்த ஆயுதம். விவரம் தெரியாமல் உளர வேண்டாம். . ம.இ.க. வின் கையாலாகாத கபோதிகளுக்கு வக்கில்லை, துப்பில்லை.. இந்தியர்களைப் பிரித்துப் போட்டு அம்னோ ஆடிய ஆட்டத்தில் தானைத் தலைவர் ம.இ.க. வில் வைத்திருந்த கட்டொழுங்கு அலங்கோலமாக, அம்னோ மொழிவாரியாகப் பேசும் மக்களுக்கு பிரித்துக் கொடுக்கின்றேன் என்று ஆட்டம் போட்டு இந்நாட்டு இந்தியர்களின் அரசியல் சக்தியை உடைத்தது. அதற்கு சோரம் போனவர்கள் இந்நாட்டு சீக்கியர்கள், மலையாளிகள், தெலுங்கர்கள். அவர்களிடம் சொல்லுங்கள் உங்கள் குறை கூறல்களை. ஏன் ஏமாளித் தமிழ்தான் உங்களுக்கு இளிச்சவாயனா?. தொடரும்.
இந்நாட்டு குடிமக்கள் அனைவருக்கும் சம உரிமைகள் கொடுக்கப் பட வேண்டும் என்றும், அரசாங்க சலுகைகள், மானியங்கள் தகுதி அடிப்படையில் இந்நாட்டு மக்களுக்கு பிரித்துக் கொடுக்க வேண்டும் என்றுதானே நாம் போராடுகின்றோம். ஏன்?. யார் ஏழைகளோ, யார் கல்வி பொருளாதாரத்துறையில் பின்தங்கி உள்ளனரோ அவர்களுக்குகே முதலிடம் கொடுக்க வேண்டும் என்றுதானே போராடுகின்றோம். அப்படிப் பார்க்கில் இந்தியர்களில் ஏழ்மை நிலையில் உள்ளோரும், பொருளாதார கல்வி நிலையில் பின் தங்கி உள்ளோரும் என்ற அடிப்படையில் அல்லவா இந்தியர்களுக்கு ஒதுக்கப் பட்ட நிதியைப் பகிர்ந்து அளிக்க வேண்டும்!. அதை விடுத்து மொழிவாரியாகப் பேசும் மக்கள் இயக்கங்களுக்குப் பகிர்ந்து அளிக்கப் போகின்றோம் என்றால் இதை விட மடத் தனம் வேறு உண்டோ?. படித்த பேராசிரியர் படித்துக் கொடுக்கத்தான் இலாயிக்கு. இவருக்கு பின்னனனியில் எந்த இந்தியர்களிளின் அரசியல் பலம் உள்ளது?. இவர் சொல்வாரா?. அரசியல் பின்னணி இல்லாத இவரிடம் பொறுப்பு ஒப்படைக்கப் பட, ம.இ.க. தலைவர்கள் மயிரு புடுங்கிக் கொண்டிருக்கின்றார்களா?. அப்படியானால் அவ்வாறு மொழிவாரியாகப் பேசும் மக்களுக்கு அரசாங்க மானியம் ஒதுக்கிக் கொடுக்கப் படும் என்றால் உண்மையான இந்திய ஏழைகளுக்கு போய்ச் சேராது அரசாங்க மானியம். இன்னும் நாமக்கல் சங்கம் ஒரு பகுதி கேட்கும், அடுத்து முதலியார் சங்கம் ஒரு பங்கு கேட்கும். அடுத்து ‘Jaffaneese Co-operative’ ஒரு பங்கு கேட்கும். அதற்கடுத்து வன்னியர் சங்கம் ஒரு பங்கு கேட்கும். அதற்கெல்லாம் பங்கு போட்டுக் கொடுப்பீர்களா?. அப்புறம் இந்திய ஏழைகளுக்கு நாமம். இந்திய பணக்காரர்களுக்கு வெண் சாமரம். இந்திய ஏழைகளை ஏமாற்றி தே..மு. ஒட்டு பெறும். இந்திய ஏழைகளுக்கு சேர வேண்டிய மானியத்தை அரசாங்கத்திற்கு எதிராக ஓட்டுப் போடும் இந்திய பணக்காரர்களுக்கு போய் சேர அரசாங்கமும் ‘Sedic’ -க்கும் பாடுபடும். என்ன ஒரு மகாத்தான அரசாங்க கொள்கை?.
நாட்டிலே மொத்தம் 164 மாவட்டங்கள். அப்படியென்றால் 164 மாவட்ட அதிகாரிகள். 328 துணை மாவட்ட அதிகாரிகள். மொத்தம் 492 மாவட்ட அதிகாரிகள். இந்நாட்டு இந்தியர்கள் விழுக்காட்டுப்படி குறைந்தது 35 மாவட்ட அதிகாரிகள் இந்தியர்களாக இருந்திட வேண்டும். இதுதான் 1 மலேசியா. சவடால் வீரர்களும் வாய்வீச்சு கோமாளிகளான எதிர்க்கட்சி நாடாளுமன்ற இந்தியர்கள், நாடாளுமன்றங்களில் சத்தம் போட மாட்டார்களா?
100 மில்லியன் என்பது ஒரு எலும்பு துண்டு. மலாய்க்காரன் களுக்கு இதைவிட 100 மடங்குக்கு மேலும் அள்ளி கொடுக்கப்படுகிறது-கொடுக்கப்பட்டிருக்கிறது -கொடுக்கப்பட்டுக்கொண்டே இருக்கப்படும்.
தமிழன்…. தமிழன் என்று கொக்கரித்தவர்கள் எல்லாம் இப்போது ஏனையா இந்தியன்….இந்தியன் என்று பெருங்கூச்சல் போடுகிறீர்??? மலேசியா இந்தியன் என்று ஒருகுரல் எழுப்புவோம்.மொழியையும் பாஷையையும் ஜாதிவாரியாகப பிரித்து நமது இந்திய அன்பர்களை நாமே பிரித்து தனித்து வாழ வழி வகுக்க வேண்டாம்.
யார் இந்த கென்னத் ஈஸ்வரன்?. ஈஸ்வரனையே கிறிஷ்துவாக்கிய கார் ஓட்டுநரா?. இவருடைய வீட்டையே ஒழுங்காக வைத்திருக்கத் தெரியாதவரிடம் இந்திய வணிகர்களுக்கான பயிற்சி திட்டத்திற்கு மானியம்!. நாட்டில் மதுரை மீனாட்சியின் ஆட்சி நடப்பதால், யார் யார் ரோஸ் அக்காவின் பொன் கரங்களால் முதுகில் தட்டிக் கொடுக்கப் படுகின்றார்களோ அவர்கள்தான் இந்தியர்களின் தலைவர்கள்!. அவர்கள் வழிதான் மானியம் போவும். அங்குள்ள ஓட்டைப் பைகளின் வழிதான் நீரோடையாக மாறி மறைந்து விடும்!. இந்திய ஏழைகள் பயன் பெற்றார்கள் என்று ஒரு அறிக்கை புகைப் படத்துடன் போக வேண்டிய இடத்திற்குப் போனால் போதும். இந்தியர்கள் இந்நாட்டு பொருளாதாரத்தில் வளர்ச்சி அடைந்தவர்காளாகி விடுவார்கள்!. நல்ல அருமையான பொருளாதார திட்டம்!.
இந்தியர்களை பிரித்து ஆளும் போக்கா
.
இந்நாட்டில் 2008- ம் ஆண்டு வரை அரசியல் ரீதியில் தமிழர்களுக்கு கொடுக்கப் பட்ட அடைமொழி “இந்தியன்”. இதைத் தகர்த்து தமிழன், சீக்கியன், மலையாளி,தெலுங்கர் என்ற புது அடைமொழி என்று கொடுக்கப் பட்டதோ அப்பொழுதே தமிழர் தன்னை தனித்து அடையாளம் கண்டு கொண்டனர். இந்நாட்டில் வாழும் மலையாளிகளில் எத்துனை பேர் வறுமைக் கோட்டிற்கு கீழ் வாழுகின்றார்கள் என்று கணக்கு எடுத்தீர்களானால் விரல் விட்டு எண்ணி விடலாம். அதைப் போலவே சீக்கியர்கள் எத்துனை பேர் வறுமைக் கோட்டிற்கு கீழ் வாழுகின்றார்கள் என்றால் அதையும் விரல் விட்டு எண்ணி விடலாம். மீதம் இருப்போர் தெலுங்கு வம்சாவளி மக்களும் தமிழர்களும். கணக்கு எடுக்காமலே சொல்லி விடாலாம் இந்த இரு வகுப்பினரில் யார் அதிகமாக வறுமைக் கோட்டீர்க்கு கீழ் வாழுகின்றார்கள் என்று. இதைச் சொல்லாமலே ஏழை இந்தியர்கள் என்று பொதுவில் சொன்னது எமது தவறுதான் கட்டுரையின் கருத்துக்கு ஒட்டியவாறு எமது கருத்து இருக்க வேண்டும் என்ற நல்ல எண்ணத்தில் சொல்லியதுதான் ஏழை இந்தியர்கள் எனும் அடை மொழி. அது குறிப்பது ஏழைத் தமிழர்களைத்தான். இந்நாட்டில் ஏழைத் தமிழர்களாக வாழுவோரின் ஓட்டில் சுகம் காணும் தே.மு. அரசாங்கம் அவர்களை கல்வியிலும், பொருளாதாரத்திலும் உயர்த்தி விட அரசாங்க மானியத்தைப் பயன் படுத்தட்டும். போதுமடா தமிழர்களுக்கு கொடுத்த இந்தியன் என்ற அடைமொழி. அதைவைத்து இன்றும் நம்மை அடையாளம் இல்லாதவர்களா ஆக்கிவிட இருப்பு உள்ளோர் ஆர்பரிக்கின்றது நன்றாகத் தெரிகின்றது.
“வாழும் மலையாளிகளில் எத்துனை பேர் வறுமைக் கோட்டிற்கு கீழ் வாழுகின்றார்கள் என்று கணக்கு எடுத்தீர்களானால் விரல் விட்டு எண்ணி விடலாம். அதைப் போலவே சீக்கியர்கள் எத்துனை பேர் வறுமைக் கோட்டிற்கு கீழ் வாழுகின்றார்கள் என்றால் அதையும் விரல் விட்டு எண்ணி விடலாம். மீதம் இருப்போர் தெலுங்கு வம்சாவளி மக்களும் தமிழர்களும். கணக்கு எடுக்காமலே சொல்லி விடாலாம் இந்த இரு வகுப்பினரில் யார் அதிகமாக வறுமைக் கோட்டீர்க்கு கீழ் வாழுகின்றார்கள் என்று. ” what is this nonsense ?
சிலாங்கூர் இந்தியர்களுக்கு ஒரு மாநில ஆட்சி உறுப்பினர் பதவிக்கு மேல் கொடுக்கக் கூடாது என்று அவர் சொன்னார் இவர் சொன்னார் என்ற மாங்காய் கூட்டணியில் இருக்கும் இந்தியத் தலைவர்களுக்கு ஒரு சவால். உண்மையாக நீங்கள் இந்தியர் நலனை மாங்காய் கூட்டணியில் பிரதிநிதிக்கின்ரீர்கள் என்றால் இந்தியர்கள் அதிகமாக வாழும் மாவட்டங்களில் குறைந்த பட்சம் ஒரு துணை மாவட்ட அதிகாரி பொறுப்பிற்கு இந்தியர்களை நியமிக்க மாநில அரசாங்கத்திடம் பரிந்துரையுங்கள். பரிந்துரையோடு நிற்காமல் அதை அடுத்த தேர்தலுக்குள் செயல் படுத்தவும் செய்யுங்கள். இதுவும் உங்களால் செய்ய முடியவில்லையானால் ம.இ.க.-க்கும் உங்களுக்கும் எந்த வேறுபாடும் இல்லை என்ற நிலைக்குத் தள்ளப் படுவீர்கள். அப்புறம் ஒட்டுக் கேட்க மீண்டும் இந்தியர்களிடம் வராதீர்கள். ம.இ.க. -விற்கு எப்படி தேர்தலில் செருப்படி கிடைத்ததோ அதே கதிதான் உங்களுக்கும்.
“The nonsense is, no sense in distribution of nation’s wealth in accordance with needs. Do you understand?. If don’t write in further, I shall give you a lengthy lecture!.
Theni யின் கருத்து வரவேற்கக்கூடியது. யாராவது ஒரு அரசியல்வாதியை பிடித்து, பத்திரிக்ககைகளில், விடாப்பிடியாக சிலாங்கூர் அரசிற்கு சவால் விடுவது வரவேற்கக்கூடியது. நண்பர் தேனீ முயல்வாராக.
எவ்வளவோ அரசு பதவிகள் இருக்கையில், மாவட்ட அதிகாரி நாற்காலி மீது என் கண் பார்வை சென்றதுக்கு காரணமுண்டு. ஒரு மாவட்டத்திலுள்ள அனைத்து விஷயங்களையும் கையகப் படுத்துபவரே மாவட்ட அதிகாரி. குறிப்பாக, அரசு ‘கான்றேக்டுகள்’ அனைத்தும் இவர் பார்வையின் கீழ் வருபவை. நம் நாட்டில் ஒரு இந்தியருக்கு கூட இப்பொறுப்பு கிடைக்காவண்ணம் பார்த்துக் கொள்கிறது இந்த கேடுகெட்ட, இனவாத அரசு.
தமிழன்! தமிழன் என்று கூச்சால் போடாமல் வேறு எப்படி போடுவது? வந்தவரை எல்லாம் வாழவைத்த தமிழன் இன்று சொந்த மண்ணில் நொந்து போனதுதான் மிச்சம்! அந்த அளவுக்கு இருக்கிறது தமிழனை ஓரம்கட்டும் வந்தேறிகளின் சதிவேலைகள்!அதே நிலைதான் இங்கும்,ஆரம்ப கால கட்டத்தில் தமிழ் பள்ளிகள் அனைவருக்கும் ஒரே கூடமாக கல்வி வாய்ப்பினை தந்தது. நாளைடைவில் தமிழ் பள்ளி தமிழனுக்கு மட்டும்,இதர தாய் மொழி இந்தியன் ஒரே கூரையின் கீழ் வர விருப்பமில்லாமல் அவரவர் பாதையில் சென்றனர்,அதற்கும் தமிழனா காரணம்? அன்று வாழ இடம் கூட இல்லாமல் தவித்த பொது சம்பந்தனார் அதிரடி நடவடிக்கை பல தோட்டங்களுக்கு இந்தியனை உரிமையாளர்களாக மாற்றினாரே தவிர தமிழனை மட்டும் அல்ல! ஆகா பிரிவினையை யார் போற்றினர் என்று சிந்தித்து கருத்துரைத்தால் அனைவருக்கும் நன்மை பயக்கும்.
கணபதி ராவ்தான் மாநில ஆட்சி குழுவில் இருக்கின்றாரே. அவர் கட்சியின் சார்பில் இந்த பரிந்துரையை எடுத்துச் செல்லட்டும். ஹின்றாப்ட் தலைவர்களில் தானும் ஒருவர் என்று பட்டம் சூடிக் கொள்ள தெரிந்தவருக்கு இந்தியர்களில் நலனில் அக்கறை இல்லையா?. அல்லது தானும் நாற்காலியை சூடேற்றதான் அங்கே உட்கார்ந்துக் கொண்டு இருக்கின்றேன் என்று சொல்லப் போகின்றாரா? ஏன் மாங்காய் கூட்டணி சார்பில் இந்தியன் என்று பேர் போட்டுக் கொண்டு இருக்கும் சேவியரும், ராஜிவ்வும் என்ன செய்துக் கொண்டு இருக்கின்றார்கள். சும்மா ம.இ.க. தலைவர்களைக் குடைந்து கொண்டிருந்த இவர்கள் இந்தியர்களுக்குக்காக சிலாங்கூரில் சாதித்ததுதான் என்ன?. இனி 3 ஆண்டுகளுக்கு நாம் இவர்களைக் குடைவோம். அதுதான் நமது வேலை.
தேனீ அருமை…!
ஐயா சிங்கம் அவர்களே, நாம் முயலுவதை விட சிலாங்கூர் மாநிலத்தில் எதிர் கட்சியாக இருக்கும் ம.இ.க. காரர்களை உசுபேத்தினாலே போதும். இதைத்தானே மாங்காய் கூட்டணியில் உள்ளவர்கள் முன்பு செய்தது. சிலாங்கூர் ம.இ.க. தலைவர்கள் எவ்வளவு அறிவாளியாக அரசியல் நடத்துகின்றார்கள் என்று. ஓரிரு மாதம் கொடுத்துப் பார்ப்போம்.
தோட்டத் தொழிலாளர்களாக வாழ்ந்த இந்தியர்கள், தோட்டத் துண்டாட்த்தால் பந்தாடப் பட்ட இந்தியர்களுக்கு அரசாங்கம் மாநில ரீதியாக பயிர் தொழில் நிலங்களை ஒதுக்கிக் கொடுத்து முன்னேற வழி வகுக்க வேண்டும் என்றுதானே கணபதி ராவ் ஹின்றாப்டில் இருந்து போராடினார் என்றார்கள். அவர் மாநில ஆட்சிக் குழுவில் நுழைந்து இதுவரை 2 வருடமாகி விட்டது. அவர் சிலாங்கூர் இந்தியர்களுகளின் முன்னேறத்திற்க்காக இதுவரை வரைந்த திட்டம் என்ன?. அதை செயலாக்க கொண்ட நடவடிக்கைகளை பட்டியல் இடட்டும். இல்லையேல், இவரும் ம.இ.க. தலைவர்கள் போன்று கையாலாகாத தலைவர் என்று முத்திரைக் குத்தப் படுவார். மாநில அரசாங்கம் இந்தியர்களுக்கு ஒதுக்கும் நிதியை பங்கிட்டு கொடுக்கும் ‘போஸ்ட்மன் ‘ வேலைதான் தனதுடையது என்றால் அதை இராமனும் குப்பனுமே செய்து விடுவார்கள். சட்டம் படித்த இந்த கணபதி ராவ் எதற்கு?. இந்து ஆலயங்களுக்கு என்று ஒதுக்கப் படும் நிதியில் RM100,000/= இந்து மத கம்பெனியாருக்கே ஒதுக்கி கொடுத்து விட்டால் சிலாங்கூரில் இருக்கும் மற்ற இந்து ஆலயங்களுக்கு எவ்வளவு ஒதுக்கப் படும் என்று கணபதி ராவ் சொல்லட்டும். ராவ் பகதூர்கள் இருவர் சேர்ந்து இந்த மத கம்பெனியை நடத்தவிட்டு தமிழர்களை சிலாங்கூரில் ஓரம் கட்டப் படுவதையும் யாம் அறிவோம். இனிமேல்தான் இருக்கு மாங்காய் கூட்டணிக்கு கேள்விக் கணைகள்.
எனது கருத்துப்படி இந்தியர்கள் என்று அனைவரும் ஒன்றிணைந்து செயல்பட்டால் நாம் நினைப்பதை சாதிக்கலாம். நமக்குள் பல வாரியாக ஜாதி எனப் பிரித்து, மற்ற இனங்கள் கேலி செய்துகொள்ளும் அளவிற்கு பிரிந்து கிடப்பது நம் தவறே. இதுபோக ஜாதியாக பிரிந்து, அரசாங்கத்திடம் மான்யம் பெற்று தனது ஜாதிகரர்களுக்கு மட்டும் அப்பணம் சேரும், சேரவேண்டும் என இருப்போரை என்னவென சொல்ல தெரியவில்லை. அரசாங்கம் உதவி பெற செல்லும்போது, நீ எந்த ஜாதி, சமிபவத்தில் ஒரு இந்திய இந்த ஜாதி என சொல்லி ஒரு கட்சி பணம் பெற்று சென்றது, அவர்களிடம் சென்று, நீ அந்த ஜாதி காரன் எனச்சொல்லி பணம் பெற்று கொள் என மற்ற இன அதிகாரி சொல்லும் பொது நமது நெஞ்சம் பொறுக்கவில்லை. இந்த நிலைக்கு யார் காரணம்? இவை என்று மாறுமோ, அன்றுதான் நம் முன்னேறமுடியும். அரசாங்கம் நம்மை பிரித்தாலும் போக்கை உடைத்து நாம் எதிர்த்து நின்று நமக்கும் வேண்டியதை பெற முடியும் .
அதற்கு உறுதி கூறுவோம் நாம் ஒரு தாய் இந்தியனாக . நன்றி .
தமிழ் பள்ளிகளில் பிற தாய் மொழி இந்தியர்கள் படிக்கமால் போனால் நன்மை தமிழருக்குத்தான். எத்தனையோ அரசாங்க வேளைகளில் தமிழ் படித்தோருக்கு தமிழ் சோறு போடுகின்றது. அதை தமிழர் நன்கு பயன்படுத்திக் கொள்ள வாய்ப்பு கிட்டி வருகின்றது. நடப்பது நல்லதுக்கே என்று நம்புவோம்.
இந்தியர்கள் என்று அனைவரும் ஒன்றிணைந்து செயல்படுவது வரவேற்கத் தக்கதுதான். ஆனால், பிறர் தங்களைப் பிரித்துக் கொண்டு போகும்பொழுது நாம் தமிழர் என்ன செய்ய முடியும்?. அவர்கள் காலில் விழுந்து ஐயா சாமி எங்களை காப்பாற்றுங்கள். நீங்கள் இல்லையானால் நாங்கள் வாழ முடியாது ‘சாமியே சரணம்’ என்று போடச் சொல்லுகின்றீர்களா?. இதே அறிவுரையை முதலில் தங்களை பிரித்துக் கொண்டு போவோரிடம் சொல்லி அவர்களை திருத்துங்கள். இதென்ன தமிழன்தானா இளிச்சவாயன். ஆவுன்னா தமிழர்களுக்கு அறிவுரை சொல்ல அதிமேதாவிகள் பலர் கிளம்பி விடுகின்றனர். பிறருக்கு அறிவுரை சொல்ல வக்கில்லையோ?. வங்காளிக்கிட்ட சொல்லிப் பாருங்கள், முன்னுக்கு தேனொழுகப் பேசி பின்னால வைப்பான் ஆப்பு!. அவர்களிடம் பழகிப் பாருங்கள் அப்புறம் தெரியும் அவர்களின் சொரூபம்.
நண்பர் Theni , கரிகாலன், T .Sivalingam , ஆகியோரின் கருத்துக்கள் யாவும் சிந்தனைக்குரியது, வரவேர்கவேண்டியவை.டி.எ.பி. ஆகட்டும், ம.இ.கா. ஆகட்டும், இண்ட்ராப் ஆகட்டும், மேலும் இந்தியர்கள் சார்புடைய, அல்லது இந்தியர்கள் தேர்ந்தெடுக்கப்பட்ட உறுப்பினர்கள் அங்கம் பெற்ற கட்சிகளாகட்டும், ஒன்று விடாமல், இந்தியர்கள் நலனுக்காக, இவர்களை குடைவதையே இனிமேல் தொழிலாக கொள்வோம். அடி மேல் அடி அடித்தால் அம்மியும் நகரும்.
எமது கருத்தை இது என்ன முட்டாள்தனம்? என்று கேள்வி கேட்ட அன்பருக்கு ஆங்கிலத்தில் பதில் சொன்னேன் ஆசிரியருக்கு பிரசுரிக்க மனம் இல்லை போலும். இருந்தாலும் பராயில்லை. தமிழ் மொழியிலேயே மீண்டும் பதில் சொல்கின்றேன். இந்நாட்டு இந்தியர்களில் யார் ஏழைகள், யாருக்கு முதலுதவி தேவைப் படுகின்றது என்று அறிந்து அரசாங்க மானியம் ஒதுக்கப் பட்டாலே போதும். அது தமிழர்களாக இருக்கட்டும், தெலுங்கு, மலையாளி, சீக்கியர்களாக இருக்கட்டும் காரியமில்லை. ஆனால் முதலுதவி இந்திய ஏழைகளுக்காக இருக்கட்டும். அதை விடுத்து இன்னின்ன மொழி பேசும் மக்களுக்கு என்று ஒதுக்கிக் கொடுத்தால் பணக்காரரையும் ஏழைகளையும் ஒரே தராசில் நிறுத்தி எடை போடுவதர்க்குச் சமமாகி விடும் (‘there will be no level playing field’). அவ்வாறு செய்வது நியாயம் இல்லை என்று தெரிந்தால் எமது கருத்தும் முட்டாள்தனமாகத் தெரியாது.
அன்பர்களே!! இதைத்தான் நான் முன்பிலிருந்தே சொல்லிவருகிறேன். இந்தியனாக ஒன்றிணைவோம் என்று!!. பிரித்துக்கொண்டு போவோரை ஒதுக்கிவிடுவோம். வறுமைக்கோட்டில் வாழும் இந்தியர்களுக்காக குரல் கொடுப்போம்!!! அன்பர் தேனீ மற்றும் சிங்கம் அவர்களின் நல்லெண்ணத்துக்கு எமது ஆதரவு என்றும் உண்டு. இந்தியனின் நன்மைக்கு ஒன்றிணைந்து ஆதரவு கரம்/குரல் கொடுப்போம்!!!
திரு; தேனீ பல சமயங்களில் என்ன சொல்ல நினைக்கிறார் என்பதை புரிந்துக்கொள்ள முடியவில்லை. மனதில் எழுகின்ற கருத்தை பரிமாறி, தவற்றை திருத்தி வழிவகுக்க நினைக்கிறோம், அனால் அவரின் எழுத்து படிவம் பலரின் மனதை புண் படுத்துகின்றது. நாம் ஒன்று படுவோம் வாரீர். நன்றி .
அவன் இண்டியன் indian என்று
சரியாகதான் வைத்தான். நாம்தான்
தமிழ் நவீன இளகிய இலக்கிய
இலக்கண உயர்வில் இந்தியன்
என்று இந்தி யை அவன் மொழி
உணர்வை இணைத்துககொண்டோம்
இப்போது தமிழனை உலகம் முழுதும்
நைய புடைக்கிறான். நீ தமிழாக இரு
அல்லது இண்டியனாக செத்துபோ !
இந்தியன் என்று தமிழில் எழுதாதே!
சங்கிலி முத்து சாமிவீலு ….. நடத்திய நாடகத்திற்கு இத்தனை விமர்சனமா ? எங்களுக்கு காசு மான்யம் வேண்டாங்க. பவானி கூறியதை போல் இலவச கல்வியும்,வேலை, வர்த்தக வாய்ப்பு போதுங்க . கள்ள பணத்தை கொண்டு எம்.ஐ.டி யில் வட்டி வாங்காமல் இருந்தாலே போதும் கள்ள சாமி சங்கில்முத்து
பிறரை புண் புடுத்துவது எமது நோக்கமல்ல. நிஜ வாழ்க்கையில் நாம் எவ்வாரான வாழ்வியல் பிரச்சனைகளை நோக்குகின்றோம் என்பதை பார்த்து விட்டுதான் கருத்து எழுதுகின்றோம். இன்னும் எமது அனுபவ வாழ்க்கையில் கண்டவற்றை எழுதினால் மேலும் பலரைப் புண் படுத்தும். இங்கே, தமிழ் படித்த பிற இந்திய மொழிகளை தாய்மொழிகளாக கொண்டவர்களும் இருக்கத்தான் செய்வர். அவர்களை நோக வைப்பது எமது நோக்கமல்ல. அதைப் போலவே அவர்களும் தமிழர்களுக்கு உரிய மரியாதை கொடுத்து நடந்துக் கொள்ள தெரிய வேண்டும். தமிழர் முன்னே தமிழையும், தமிழரையும் தூற்றுவதும், பழிப்பதும், பிற்படுத்துவதாகவும் இருந்தால் அதற்கு எதிர்வினையும் வரத்தான் செய்யும். அதைத்தான் மேற்கூறிய எமது கருத்துகளில் கண்டீர்கள். அரசாங்க மானியம் இந்திய ஏழைகளுக்கு பயன்படுவதாக இருக்க வேண்டும் என்பதே எமது ஆதங்கம். அதை விடுத்து மொழி வாரியாகப் பேசும் மக்களைப் பார்த்து கொடுப்பது என்றால் வில்லங்கம் வரத்தான் செய்யும். வருவதை எதிர்கொள்ள பிறரும் தயாராக இருக்க வேண்டும்.
எனது கருத்துப்படி இந்தியர்கள் என்று அனைவரும் ஒன்றிணைந்து செயல்பட்டால் நாம் நினைப்பதை சாதிக்கலாம். நமக்குள் பல வாரியாக ஜாதி எனப் பிரித்து, மற்ற இனங்கள் கேலி செய்துகொள்ளும் அளவிற்கு பிரிந்து கிடப்பது நம் தவறே. இதுபோக ஜாதியாக பிரிந்து, அரசாங்கத்திடம் மான்யம் பெற்று தனது ஜாதிகரர்களுக்கு மட்டும் அப்பணம் சேரும், சேரவேண்டும் என இருப்போரை என்னவென சொல்ல தெரியவில்லை. அரசாங்கம் உதவி பெற செல்லும்போது, நீ எந்த ஜாதி, சமிபவத்தில் ஒரு இந்திய இந்த ஜாதி என சொல்லி ஒரு கட்சி பணம் பெற்று சென்றது, அவர்களிடம் சென்று, நீ அந்த ஜாதி காரன் எனச்சொல்லி பணம் பெற்று கொள் என மற்ற இன அதிகாரி சொல்லும் பொது நமது நெஞ்சம் பொறுக்கவில்லை. இந்த நிலைக்கு யார் காரணம்? இவை என்று மாறுமோ, அன்றுதான் நம் முன்னேறமுடியும். அரசாங்கம் நம்மை பிரித்தாலும் போக்கை உடைத்து நாம் எதிர்த்து நின்று நமக்கும் வேண்டியதை பெற முடியும் .
அதற்கு உறுதி கூறுவோம் நாம் ஒரு தாய் இந்தியனாக . நன்றி .
நஜிப் நம்பிக்கை அது ஒரு வெற்று வாக்குறுதி. மக்கள் உணர்ந்தால் எதிர்காலம், இல்லைஎனில் எதிர்காலம் கேள்விக்குறி ‘
ஊரு ரெண்டு பட்டால்தான் இந்த அரசியல் வாதிக்கும் கூத்தாடி பயல்களுக்கும் கொண்ட்டாட்டம்
சாமிவேலு நடுவராக இருந்தால் சொல்லவே வேண்டாம் பாலுக்கு காவல் பூனை பிறகு அப்பம் பகிர்ந்து கொடுத்த கதைதான் பணக்காரன்எல்லாம் மென்மேலும் பணக்காரனகிவிடுவான் !ஏழைகள் திருவோடு ஏந்திக்கொண்டு இவர்கள் கொடுக்கும் அரிசிக்கும் ,பருப்புக்கும் ஐந்துக்கும் பத்துக்கும் வரிசை பிடித்து நிற்க வேண்டியதுதான் !
சாமிவேலு காலத்தில் இந்த பிரித்தாளும் நாடகம் அரங்கேறி விட்டது. அதை தீபம் ஏற்றி இன்று விரிவுப் படுத்தி கொழுந்து விட்டு எரிய விடுகிறார்கள். அதில் அகப்பட்டு அல்லல் படப் போவது மக்கள்தான்.தீபத்தை ஏந்தி நிற்ப்பவன் பிரகாசிப்பான். பிறர் யார் என்ன கொடுப்பார் என ஏங்கி நிற்க வேண்டியதுதான்…?
‘SEDIC’ வழி அரசாங்க மானியம் வேண்டுமானால் 10-7-2015 – க்குள் விண்ணப்பம் அவர்களிடம் சேர்ந்து விட வேண்டும். நீங்கள் நடக்க முடியாமல் கங்காரில் இருந்தாலும் சரி, ஜோகூர் பாருவில் இருந்தாலும் சரி, குவாந்தானில் இருந்தாலும் சரி எப்படியாவது நாலு காலில் தேவிக் கொண்டாவது புத்ராஜெயாவில் 10-7-2015 -க்குள் சமர்பித்து விட வேண்டியது கட்டாயம். இல்லையேல் இவ்வருடம் உங்களுக்கு மாணியம் இல்லை. தொடரும்.
நாம் யாவரும் மொழி கலாச்சாரம் ஆகியவற்றால் வேறு படலாம் . ஆனால் நாம் யாவரும் இந்திய வம்சாவளியினர் என்பதை மறுக்க முடியுமா ? நம் ஒற்றுமையே நமக்கு பலம் . இந்த பிரித்தாலும் அரசாங்கம் இனி நமக்கு தேவைதானா என்பதை உணருங்கள் தோழர்களே
“தமிழர், மலையாளி, சீக்கியர், தெலுங்கர்” – இப்படி தமிழர்களாகிய நாம் யாரையும் ஒதுக்க வில்லை; யாரையும் பிரிக்கவுமில்லை; அவர்களாக ஒதுங்கியும், பிரித்துக் கொள்கின்றார்கள்; அவர்களின் பிறவிக் குணம் அப்ப்டி! ஏன் இந்தப் பிரிவினை எண்ணம் இப்போது வந்தது? ஒருக் காலத்தில் தோட்டப் புறங்களில் ஒருத் தாய் மக்கள் போன்று சகோதர மனப் பான்மையோடு ஒன்றாக வாழ்ந்த நாம் இப்போது மட்டும் ஏன் இப்படி! இதுதான் இனிமேல் வாழ்க்கையின் கோட்பாடுகளென்றால் தெலுங்கர், மலையாளிகள் இனிமேல் எப்படி இங்கு வாழப் போகின்றார்கள்; ஒன்றாகவா அல்லது தன்னந் தனியாகவா?
இந்தப் பிரிவினையானது இப்போது கோயில்களிலும் மெல்ல மெல்ல உருவெடுத்துக் கொண்டு வருகின்றது. ஏன்? நாம் இனிமேல் விழிப்போடு இருப்போம்.
இனிமேல் நாம் இங்கு ஒருத் தாய் மக்கள் போன்று வாழக் கற்றுக் கொள்ள வேண்டும்; அதுதான் நம் எல்லோருக்கும் நல்லது. கூடி வாழ்ந்தால் கோடி நன்மை.
இனிமேலாவது சிந்திப்போம், செயல் படுவோம்?
யாரையும் ஒதுக்கவில்லை பிரிக்கவில்லை என்று சொல்லிக்கொண்டே பிறர் முன்னேற்றத்தில் பொறாமை கொள்வது சரியாகுமா நண்பரே?? திறமையுடன் உழைத்தால் எல்லா இந்தியருக்கும் முன்னேற வழியுண்டு!! இந்தியரின் உரிமையை பிச்சைபோல் கிள்ளிக் கொடுக்கும் ஆளும் அரசாங்கத்திடம் உரிமையுடன் மோதி பெற வேண்டும். கிடைக்கவில்லையேல், அரசாங்கத்தை மாற்றி அமைப்பதே மறு வழி!! சிந்திப்போம் செயல் படுவோம்!!!
“யாரையும் ஒதுக்கவில்லை பிரிக்கவில்லை என்று சொல்லிக்கொண்டே பிறர் முன்னேற்றத்தில் பொறாமை கொள்வது சரியாகுமா நண்பரே??”- நல்ல விமர்சனம்தான். ஆனால் இங்கே போறாமைஎன்ற சொல் எங்கிருந்து எப்படி வந்ததென்று புரியவில்லை.
அரசாங்கம் இண்டியன்களுக்காக SEDIC என்ற பிரிவின் கீழ் பிரதமர் துறை வழியே மானியங்கள் ஒதுக்கியதை இக்கட்டுரையில் விமர்சித்தோம், அதன் தொடர்ச்சியாக புதிய தகவலை செம்பருத்தி வாசகர்களுக்குத் தெரிவிக்க இக்கட்டுரை வழியே மீண்டும் எம் கருத்தைப் பதிவு செய்கின்றேன். சைவ சமயம் சார்ந்த இயக்கங்கள் சில, இண்டிய மாணவர்களின் நன்னடத்தை மற்றும் ஆன்மீக வளர்ச்சிக்கு பங்களிக்கும் வகையிலும், மேலும் சமய வளர்ச்சிக்காக திருமுறை வகுப்புக்கள் மற்றும் சமய நெறிகளைப் போதிக்கும் வகுப்புக்களுக்கும் நடத்த மானியம் SEDIC பிரிவிடம் கேட்டிருந்தன. வருமா வராதா என்ற எண்ணத்தில்தான் அந்த விண்ணப்பங்கள் போடப் பட்டிருந்தன. இருப்பினும் அவ்விண்ணப்பங்கள் முறையே பரிசீலிக்கப் பட்டு தகுந்த மானியங்கள் கொடுக்க ஒப்புதல் அளிக்கப் பட்டுள்ளது. இவ்வியக்கங்கள் எந்த அரசியல்வாதியையும் வேண்டியோ சிபாரிசு கடிதத்தைப் பெற்றோ விண்ணப்பத்தை முன் வைக்கவில்லை. பொதுவாக இண்டியன்கள் நலத்தை நாடி தம் சுய செயலின் மீது நம்பிக்கை வைத்து விண்ணப்பம் செய்திருந்தன. அவ்வகையில் இவ்வியக்கங்களின் விண்ணப்பத்தை ஏற்று மானியம் கொடுத்தமைக்கு இவ்வேளையில் நன்றியைத் தெரிவித்துக் கொள்கிறேன். கொடுக்கப் படவிருக்கும் மானியத்தை அதன் நோக்கத்திற்கு ஏற்றவாறு இவ்வியக்கங்கள் செலவிடும் என்பதில் எனக்கு முழு நம்பிக்கை உள்ளது காரணம் இவ்வியக்கங்களை நிருவகிப்பவர் பொறுப்புடையோர் என்பதை நான் அறிவேன். “பட்ஜெட் மக்களை நன்றி உடையவர்களாக மாற்றுமா” என்ற திரு ஆறுமுகம் அவர்களின் கேள்விக்கு இது பதிலாக அமையட்டும்.