மலேசிய சோசலிசக் கட்சி, ‘புஸ்தாக்கா கீரி’ மற்றும் செம்பருத்தி பதிப்பகம் ஏற்பாட்டில் ‘காட்டுப் பெருமாள் – FOLK HERO OF SUNGAI SIPUT’ நூல் வெளியீடும் கருத்துக்களமும் நடைபெறவுள்ளது.
தோட்டத் தொழிலாளர்களின் தோழன் ‘காட்டுப் பெருமாள்’ , 1940-களில் சுங்கை சிப்புட் வட்டாரத்தில் காலனித்துவ ஆட்சிக்கும் முதலாளித்துவ சுரண்டலுக்கும் எதிராகத் துணிந்து போராடியவர். அவசரகாலச் சட்டம் நடைமுறையில் இருந்தபோது காட்டில் தலைமறைவு வாழ்க்கை வாழ்ந்துகொண்டே, இவர் தோட்டத் தொழிலாளர்களைப் போராட்டத்திற்கு ஒருங்கிணைத்தார். சுங்கை சிப்புட் வட்டாரத்தில், மலாயா தேசிய விடுதலை இராணுவத்தில் 5-வது ரெஜிமெண்டின் 32-வது படைப் பிரிவுக்குத் தலைமை தாங்கினார். ஆட்சியாளர்களால் இவர் வேட்டையாடப்பட்டாலும், தோட்டப்புற மக்களால் இன்றும் மதிக்கத்தக்கத் தலைவராக இருக்கிறார்.
தோட்ட மக்களின் உரிமைக்காகப் போராடியத் தோழர் காட்டுப் பெருமாள் அவர்களின் செய்தி தொகுப்பு நூல் மற்றும் அது தொடர்பான கருத்தரங்கு கீழ்க்கண்ட விபரப்படி நடைபெறவுள்ளது:-
நாள் :- 04.07.2015 (சனிக்கிழமை)
நேரம் :- மாலை மணி 7.00 – 11.00
இடம் :- கோலாலம்பூர் சிலாங்கூர் சீன மண்டபம், கோலாலம்பூர்
KL Selangor Chinese Assembly Hall (KLSCAH) , Kuala Lumpur
அரங்கம் 1 : நூல் வெளியீடு
பேச்சாளர்கள் :-
1. டாக்டர்.ஜெயக்குமார் – சுங்கை சிப்புட் நாடாளுமன்ற உறுப்பினர்
2. தோழர் காத்தையா – முன்னாள் தொழிற்சங்கவாதி
3. தோழர் சிம்மாதிரி – ஜசெக, பஹாங் மாநிலத் துணைத்தலைவர்
அரங்கம் 2 :- கருத்துக்களம் – ‘காட்டு பெருமாள் ஒரு பகுப்பாய்வு’
நடுவர் :- தோழர் அருட்செல்வன்- பி.எஸ்.எம். மத்தியச் செயற்குழு உறுப்பினர்
உரையாளர்கள் :-
1. தோழர் சிவன் – சுவாராம் தலைவர்
தலைப்பு :- ஓர் இளைஞர், காற்பந்து வீரர், கலைஞர், குடும்பஸ்தர் – அனைத்தையும்
விட்டு ஆயுதம் ஏந்த காரணமென்ன?
2. தோழர் கா. ஆறுமுகம் – சுவாராம் ஆலோசகர் / செம்பருத்தி.காம் ஆசிரியர்
தலைப்பு :- ஏன் காட்டுப் பெருமாளும் இந்தியர்களும் மஇகா அல்லாமல் மலாயா
கம்யூனிஸ்ட் கட்சியைத் தேர்வு செய்தனர்?
3. தோழர் சாமிநாதன் முனுசாமி – பி.எஸ்.எம். நூசாஜெயா கிளைத் துணைத் தலைவர்
தலைப்பு :- ஏன் வீரசேனன் மற்றும் கணபதியை போல் காட்டுப் பெருமாள்
பிரபலமாகவில்லை?
4. தோழர் சாந்தலட்சுமி பெருமாள் – ஆசிரியர், ஜொகூர் பாரு
தலைப்பு :- ஆயுதப் போராட்டமும் மலாயா மக்கள் பார்வையும்
5. தோழர் செல்வம் – பி.எஸ்.எம் மத்திய செயற்குழு உறுப்பினர்
தலைப்பு :- மலாயா கம்யூனிஸ்ட் கட்சியினர் விடுதலை போராளிகளா அல்லது
பிரிடீஷ்காரர்கள் கூறியதுபோல் தீவிரவாதிகளா? மலாயா மக்களை அவர்கள்
விடுவித்தனரா அல்லது அச்சுறுத்தினரா?
மலாயா வரலாற்றில் மலாயக்காரர்களான ஹங் துவா, ஹங் ஜெபாட் போன்றோர் எப்படி போராட்ட வரலாறு படைத்தனரோ, அவ்வகையில் தமிழர்களான காட்டுப் பெருமாள் [இவரது உண்மைப் பெயர் கலியப்பெருமாள்] வீரசேனன், எஸ்.எ. கணபதி, வேலாயுதம், புட்டுமாயம் போன்றோரும் மலாயா சரித்திரத்தில் பதிக்கப் பட வேண்டியவர்கள். இம்முயற்சியினை மேற்கொண்ட, செம்பருத்தி, பி.எஸ்.எம். மேலும் பலருடைய அயாரா உழைப்பிற்கு மனமார்ந்த நன்றி.
காலனித்துவ ஆட்சியாளர்களையும் ஜப்பானிய
ஆக்கிரமிப்பாளர்களையும் எதிர்த்து இந்நாட்டிற்கு இரத்தம் சிந்தியவர்களில் தமிழரும் அடங்குவர். ஆனால் நம்மவர்கள் பெயர் பள்ளிப் பாட சரித்திர புத்தகத்தில் பதிவிடாமல் போனது நமது துரதிருஷ்டமே. அதற்கு பதிலடியாக வெளி வரும் இந்த புத்தகம் வரவேற்கத் தக்கதே. அன்னாரின் வரலாற்று வாரிசுகள் இருப்பின் அவர்களையும் வரவழையுங்களேன்.
காகாதிமிர் பதவிக்கு வந்ததும் உண்மையான சரித்திரத்தையே மாற்றி எல்லாமே என்னமோ இந்த மலாயக்காரன்களால் தான் செய்ததாக புருடா விட்டு அதையே பள்ளிகளிலும் அள்ளிவிட்டு நாம் வந்தேறிகள் என்று மலாயக்காரன்களுக்கு புத்தி சலவை செய்து நம்மை ஏளனமான நிலைக்கு தள்ளி நம்மை பார்த்து சிரிக்கும் அளவுக்கு நம் துரோகிகள் (MIC ) ஆதரவுடன் செய்துவிட்டான்.
க்காகதிர் சலவை செய்த மானம் இழந்த கட்சிக்கு எங்கே போனது அறிவு ? இன்றும் எலும்பு துண்டு கட்சிகளும் அவனுடன் கைகோர்த்து சமுதாயத்தை ஏமாற்றி வருவது அனைவரும் அறிந்ததே.
துரோகிகளுக்கு அறிவு எங்கே இருக்கும்? புரிந்தால் சரி.
வணக்கம் ஐயா. எதிர்வரும் 20.08.2016-ல் காட்டு பெருமாள் புத்தகம் தமிழில் வெளியீடு செய்யப்படவிருப்பதை தாங்கள் அறிந்திருப்பீர்கள்.
கலந்து கொள்ளுங்களேன். நன்றி .வணக்கம்.