டெல்லி: கவர்ச்சியான விளம்பரங்களை பார்த்துவிட்டு ஐஎஸ்ஐஎஸ் அமைப்பில் சேரும் இந்தியர்களின் நிலைமை எவ்வளவு பாவம் என்பது தெரிய வந்துள்ளது. சிரியா சென்று ஐஎஸ்ஐஎஸ் அமைப்பில் சேர்ந்து வரும் இந்தியர்கள், பாகிஸ்தானியர்கள், சீனர்களின் பரிதாப நிலை பற்றி தெரிய வந்துள்ளது. சிரியாவில் ஜிஹாத் செய்யப் போகிறோம் என்று செல்கிறவர்கள் ஐஎஸ்ஐஎஸ் அமைப்பால் எப்படி நடத்தப்படுகிறார்கள் என்ற தகவல் கிடைத்துள்ளது. வெளிநாடுகளைச் சேர்ந்த உளவு நிறுவனங்கள் ஐஎஸ்ஐஎஸ் அமைப்பு பற்றிய தகவல்களை இந்திய உளவு நிறுவனங்களிடம் அளித்துள்ளது. அதில் பல திடுக்கிடும் தகவல்கள் உள்ளன.

ஐஎஸ்ஐஎஸ் அமைப்பில் இந்தியா, பாகிஸ்தான், வங்கதேசம், நைஜீரியா, சூடான் ஆகிய நாடுகளில் இருந்து வரும் நபர்கள் போதிய திறமை இல்லாதவர்கள் என்று கருதப்படுகிறது.

இந்தியா, பாகிஸ்தான், வங்கதேசம், நைஜீரியா, சூடான் ஆகிய நாடுகளைச் சேர்ந்தவர்களை தற்கொலைப்படை தாக்குதல் நடத்த ஐஎஸ்ஐஎஸ் அமைப்பு பயன்படுத்திக் கொள்கிறது. மேலும் போர்க்களத்தில் அவர்கள் முன் வரிசையில் நிற்க வைக்கப்படுவதால் அதிக அளவில் பலியாகி வருகின்றனர்.