அம்னோ  உறுப்பினர்கள்  முன்னாள்  பிரதமர்  டாக்டர்  மகாதிர்  முகம்மட்  கூறும்  எல்லாக்  கருத்துகளையும்  ஏற்றுக்கொள்வதில்லை ஆனாலும்  அவரை  மதிக்கிறார்கள். த  ஸ்டாருக்கு  வழங்கிய  நேர்காணல்  ஒன்றில்  அம்னோ  உதவித்  தலைவர்  அஹ்மட்  ஜாஹிட்  ஹமிட்  இவ்வாறு  கூறினார்.

“அம்னோவில்  பெரும்பாலோர்  இன்னும்  அவரை  மதிக்கிறார்கள். ஆனால், அவரை  மதிப்பது  வேறு,  அவரின்  கருத்துகளை  ஏற்றுக்கொள்வது  வேறு”, என்றாரவர்.

அம்னோவையும்  அதன்  தலைவர்  நஜிப்  அப்துல்  ரசாக்கையும்  மகாதிர்  தொடர்ந்து  குறைகூறி  வந்தாலும்  கட்சியில்  பலர்  அவரை  மதிக்கிறார்கள்  என்று  கூறிய  ஜாஹிட்  டிசம்பர்  10  அம்னோ  பேரவைக்  கூட்டத்தில் கலந்து  அவரும்  அழைக்கப்பட்டிருக்கிறார்  என்றார்.

“விரைவில்  அவருக்கு  அழைப்பு  அனுப்பப்படும்  என்று  நம்புகிறேன். அதை  ஏற்பதும்  மறுப்பதும்  அவரைப்  பொறுத்தது”, என்றவர்  சொன்னார்.

துணைப்  பிரதமராக  நியமிக்கப்பட்ட  பின்னர்,  மகாதிரைச்  சென்று  கண்டதாகவும்   ஜாஹிட்  தெரிவித்தார்.

“டாக்டர்  மகாதிரை அவரது  இல்லத்திலேயே  சென்று  கண்டேன். அதற்குமுன்பு  வேறு  விவகாரங்களுக்காக  அவரைச்  சென்று  பார்த்திருக்கிறேன்.  ஆனால்,  இம்முறை  மரியாதைக்காக  அவரைச்  சென்று  கண்டு அவரது  வழிகாட்டுதலையும்  அறிவுரையையும்  நாடினேன்.

“அவர்  வெளிப்படையாக  பேசினார். அவரது  கருத்துவேறுபாடுகளை  மதிக்கிறேன்”, என்றாரவர்.