முன்னாள்  பிரதமர்  டாக்டர்  மகாதிர்  முகம்மட்,  தேர்தல்  செலவுகளுக்காக  பிரதமர்  நஜிப்  அப்துல்  ரசாக்கிடம்  ரிம2.6 பில்லியன்  நன்கொடை  கொடுக்கப்பட்டதாகக்  கூறப்படுவதை  நம்பத்  தயாராக  இல்லை.

ஐந்து  பொதுத்  தேர்தல்களில்  பிஎன்னை  வெற்றிக்கு  அழைத்துச்  சென்றுள்ள  மகாதிர்  மலேசியாவில்  தேர்தலில்  வெற்றிபெற  அவ்வளவு  செலவாவதில்லை  என்றார்.

“யுஎஸ்$700 மில்லியன்   இஸ்லாமிய  தீவிரவாதத்தை  எதிர்த்துப்  போராடுவதற்காகக்  கொடுக்கப்பட்டது  என்று   அவர்கள் கூறிக்கொள்வதையும்   நம்புவதற்கில்லை.  ஏனென்றால்,  நஜிப்பே  அது  2013  தேர்தலில்  அம்னோ  வெற்றிபெறுவதற்காகக்  கொடுக்கப்பட்டது  என்று  வெளிப்படையாகவே  கூறியுள்ளார்.

“மலேசியாவில்  தேர்தலில்  வெற்றிபெற  பில்லியன்  கணக்கான  ரிங்கிட்  தேவையில்லை”, என  மகாதிர்  அவரது  வலைப்பதிவில்  பதிவிட்டிருந்தார்.