பணம் கொடுத்து வாக்காளர்களாக பதிவுசெய்ய ஊக்கமளிப்பது நாட்டின் “பரிதாபத்துக்குரிய நிலையை”ப் பிரதிபலிப்பதாக பெர்சே தலைவர் மரியா சின் அப்துல்லா வருணித்தார்.
“வாக்காளர்களாக பதிவு செய்து கொள்வதை ஊக்குவிக்கிறோம். ஆனால் , அதற்காக பணம் கொடுப்பதோ போட்டி வைப்பதோ சரியல்ல.
“அது (பணம் கொடுப்பது) பரிதாபகரமானது”, என பெட்டாலிங் ஜெயாவில் செய்தியாளர்களிடம் பேசியபோது மரியா கூறினார்.
பிகேஆர்- தொடர்புடைய ஒரு என்ஜிஓ இன்னும் வாக்காளர்களாக பதிவு செய்து கொள்ளாமலிருக்கும் சுமார் 4 மில்லியன் இளைஞர்களை ஊக்குவிக்க வாரந்தோறும் ரொக்கப் பரிசுகள் வழங்க முன்வந்திருப்பது பற்றிக் கருத்துரைத்தபோது மரியா இவ்வாறு கூறினார்.
ஆனால், பார்டி அமனா நெகரா(அமனா) கட்சியின் தொடர்பு இயக்குனர் காலிட் சமட் அந்த முன்னெடுப்பை வரவேற்கிறார். இளைஞர்களை வாக்காளர்களாக்க அது அவசியம் என்றார்.
“இது ஓர் ஆக்கப்பூர்வமான முயற்சி. அதற்கு எதிராக கேள்வி எழுப்பக் கூடாது”, என்றாரவர்.
தன் கடமையை உணராத இளைஞர்களை வாக்காளர்களாக பதிவு செய்ய பணம் கொடுப்பது ,இலஞ்சம் கொடுப்பதற்கு சமம்.தேர்தலின் போது ஓட்டுப்போடவும் இவர்கள் பணம் கேட்பார்கள். அப்பொழுது இலஞ்சம் தலை விரித்தாடும்.இலஞ்சம் கொடுப்பதும்,வாங்குவதும் சட்டப்படி குற்றமாகும்.அப்படி இருக்கையில் பார்ட்டி அமனா நெகரா அதனை ஆதரிக்கிறது என்றால் இலஞ்சத்தை ஒழிப்பதை அக்கட்சி ஆதரிக்கவில்லை என்றுதானே அர்த்தம்?
வாக்காளராக பதிவு செய்து கொள்வதற்கு பணம் கொடுப்பதாக ரபிசி கூறவில்லை. அவர் சொன்னது, வாக்காளராக பதிவு செய்து கொண்டால் போட்டி அல்லது பந்தய அடிப்படையிலான பரிசு தொகை தொகைதான் அவர் குறிப்பிட்டது. இரண்டுக்கும் வேறுபாடு உண்டு அம்மையாரே…
ஏம்மா இப்படி பன்றிங்கலேம்மா! வர வர நம் நாட்டிலே அரசியல் ஞானம் உள்ளவர்கள் அரசியல் கருத்துக்கள் கூறுவது குறைந்து வருகிறது. ஏனைய ஜனநாயக நாட்டிலுள்ளது போல நம் நாட்டிலும் ஒரு பிரஜை 21 வயது எட்டியதும், கட்டாய வாக்களிப்பு முறையை நம் நாட்டிலும் கொண்டு வரும் திட்டமே உங்களிடம் கிடையாதா?