பெர்சத்துவுடன் தேர்தல் உடன்பாடு செய்துகொள்ள பாஸ் கட்சிக்கு கொடுக்கப்பட்ட ஒரு மாதகால அவகாசம் உறுதியானது என்று அக்கட்சியின் தலைவர் மகாதிர் முகமட் கூறுகிறார்.

இந்த விவகாரத்தை தீர்க்க நாங்கள் முயற்சிகள் எடுத்தோம். மிகவும் பொறுமையாக இருந்தோம். பாஸ் கட்சியைப் பற்றி நாங்கள் எதுவும் தவறாகக் கூறவில்லை. நாங்கள் சாத்தியமானவற்றை எல்லாம் செய்தோம். வேறு என்னதான் நாங்கள் செய்ய முடியும் என்றாரவர்.

“நான் தவழ்ந்து சென்று பாஸ் தலைவர்களின் கால்களை முத்தமிட மாட்டேன்”, என்று மகாதிர் புத்ராஜெயாவில் இன்று கூறினார்.

ஒரு மாதம் தேவையில்லை என்று அவர்கள் கூறினாலும், அவர்களுக்கு ஒரு மாத அவகாசம் கொடுப்போம். நாங்கள் தாராள மனப்பாங்குடையவர்கள் என்று மகாதிர் மேலும் கூறினார்.

ஜோகூர் போரெஸ்ட் சிட்டியில் சொத்துகள் சீனர்கள் பற்றி குறிப்பிட்ட அவர், தாம் சீன நாட்டு மக்களுக்கு எதிரான பகைமை எண்ணம் கொண்டிருக்கவில்லை என்பதைத் தெளிவுப்படுத்தினார்.