சென்னை: எங்களது கோரிக்கைகள் நிறைவேற்றப்படாவிட்டால் தற்போதைய போராட்டத்தை விட 100 மடங்கு வேகத்துடன் போராடுவோம் என்று நெடுவாசல் மக்கள் எச்சரித்த நிலையிலும், அதைப் புறம் தள்ளும் வகையில் மத்திய அரசு நெடுவாசல் ஹைட்ரோகார்பன் திட்ட ஒப்பந்தத்தில் இன்று கையெழுத்திடவுள்ளது.
22 நாட்கள் மிகப் பெரிய வீரியத்துடன் நெடுவாசல் மக்கள் ஹைட்ரோகார்பன் திட்டத்தை எதிர்த்து போராடி வந்தனர். ஜல்லிக்கட்டுக்காக வீரத்துடன் போராடியது போலவே விவசாயிகள், கிராமத்தினரின் இந்தப் போராட்டமும் மிகப் பெரிய ஆதரவைப் பெற்று நடந்தது.
கடைசியில் பொன். ராதாகிருஷ்ணனை வைத்து அந்தப் போராட்டத்தைக் கலைத்தது மத்திய அரசு. மத்திய இணை அமைச்சர் பொன்.ராதாகிருஷ்ணன் போராட்டக்குழுவினரை சந்தித்து மார்ச் 9ம் தேதி பேச்சு நடத்தினார். அப்போது மக்கள் விருப்பம் இல்லாத எந்த திட்டத்தையும் மத்திய அரசு திணிக்காது என்றும் நெடுவாசல் மக்களின் உணர்வுகளை மத்திய அரசிடம் எடுத்துரைப்பதாகவும் அவர் கூறினார்.
100 மடங்கு வேகத்துடன்
அவர் அளித்த உறுதிமொழியை ஏற்று போராட்டத்தைத் தற்காலிகமாக ஒத்திவைப்பதாக நெடுவாசல் மக்கள் அறிவித்தனர். அதேசமயம், எங்களது கோரிக்கைகளை மத்திய, மாநில அரசுகள் முழுமையாக நிறைவேற்றாவிட்டால் 100 மடங்கு வேகத்துடன் போராட்டம் மீண்டும் தொடங்கும் எனவும் போராட்டக் குழுவினர் தெரிவித்தனர்.
மக்களை மதிக்காத பாஜக
இதோ மக்கள் எச்சரிக்கையை புறம் தள்ளி விட்டது மத்திய அரசு. திட்டத்திற்கான ஒப்பந்தம் இன்று கையெழுத்தாகிறது. இந்த ஒப்பபந்தத்தில் நெடுவாசலும் அடங்கியுள்ளது.
வாய்ப் பேச்சு வீரர் பொன். ராதாகிருஷ்ணன்
இதுகுறித்துக் கவலைப்படத் தேவையில்லை, ஒப்பந்தம் மட்டுமே கையெழுத்தாகிறது. ஆனால் திட்டம் வராது என்று கூறுகிறார் பொன். ராதாகிருஷ்ணன். இது அவருக்கே காமெடியாகத் தெரியவில்லையா என்று மக்கள் கேட்கிறார்கள். ஒப்பந்தம் கையெழுத்தா பின்னர் ஒப்பந்தம் போட்டவர்கள் சும்மாவா இருப்பார்கள்.
மாற்றிப் பேச மாட்டார்களா
வேலையில் இறங்க முனைய மாட்டார்களா.. தடை வந்தால் சட்ட உதவிகளை நாட மாட்டார்களா.. அப்போது இதே அமைச்சர்கள், பாஜகவினரின் வாய்கள், சட்டத்தை நாம் மீற முடியாது, இந்த பிரச்சினையிலிருந்து மீண்டு வர சட்டப்படி என்ன செய்ய வேண்டுமோ அதை இந்த பாஜக அரசு நிச்சயம் செய்யும் என்று சொல்ல மாட்டார்களா என்று மக்கள் கேட்கிறார்கள்.
இதை விட கேவலப்படுத்த முடியாது
ஒரு மக்கள் போராட்டம் நடந்துள்ளது. இது எங்களுக்குத் தேவையில்லை என்று மக்கள் கூறி விட்டார்கள். அதை பாஜக அமைச்சர் பொன். ராதாகிருஷ்ணனும் மக்கள் விரும்பாத திட்டம் வராது என்று கூறி விட்டார். பிறகு எதற்கு இப்போது ஒப்பந்தம் என்று மீண்டும் கிளம்பியுள்ளனர். இது மக்களை ஏமாற்றும் செயல் என பச்சையாக தெரிகிறது. இதை விட மக்களை கேவப்படுத்த முடியாது என்பதற்கு பாஜகவினரின் இந்த ஒரு செயலே மிகச் சிறந்த உதாரணமாகும்.
தனி தமிழர் நாடு அமையாத வரை இந்த அவலங்கள் தொடரும்…
தனி தமிழர் நாடு அமைந்தாலும் நம்முடைய நம்முடைய அவலங்கள் தொடரும் என்பதே என்னுடைய தாழ்ந்த கணிப்பு. நம்மைக்குத்தான் ஒற்றுமை கிடையாதே. காட்டிக்கொடுக்கும் இனம் என்று அடையாளம் காட்டப்பட்டிருக்கும் இனம் நம் இனம். தமிழ் நாட்டில் நடப்பதை பார்க்கும் போதும் இங்கு நடப்பதை பார்க்கும் போதும் நமக்கு புரிய வேண்டும்.
எனக்கு ஒரு உண்மை தெரிய வேண்டும்– நமது ஊடகங்கள் ஏன் தினசரி ஒரு குறளை தவறாமல் வெளி இட்டு அதன் கருத்தை தெரிவிக்காமல் இருக்கின்றனர்? இக்கால கட்டத்தில் நம் இளைஞயர்கள் பலருக்கு திருக்குறள் என்று ஒன்று இருப்பதே தெரியாமல் இருக்கின்றனர்.
கணிப்பு எல்லாம் இருக்கட்டும்! முதல்ல தான் என்ற அகங்காரத்தை இறக்கினால் போதும் ஒற்றுமை தாமாகவே வந்து சேரும்.நீர் காட்டி கொடுப்பவன் என்று சொல் என் இனம் அல்ல! எதற்கு எல்லா தமிழனையும் உம்மோடு சேர்க்கிறாய்? இன்னொரு முறை தமிழனை இழிவாக எழுதாதே! தொலச்சி புடுவேன் தொலச்சி மவனே! தமிழர் மண்ணில் பெரும் பகுதி தமிழர் அல்லாதார் வாழ்ந்து கொண்டிருப்பதை அறிவீரா? அவர்கள் தாக்கம் எம்மினத்தின் மீது எப்படி இருக்கும் என ஒரு கணம் சிந்தித்து பாரும்! இனியாவது பொறுப்புடன் எழுதவும்!…..அவர்கள் எனக்கு எதிரி அல்ல ஆனால் இது என் உரிமை!!!
ஐயா புலிகேசி அவர்களே– உங்களுடன் வாக்கு வாதத்தில் இறங்க எனக்கு விருப்ப மில்லை– வீரம் பேசி ஒன்றும் ஆகப்போவது கிடையாது. எனக்கு வறட்டு வீரம் பேச விருப்பம் இல்லை– ஆனால் என்னுடைய கருத்து கூற எனக்கு உரிமை இருக்கிறது. உண்மை நிலை அறியாமல் நான் பேசுவது கிடையாது.நம்மினம் தலை நிமிர்ந்து நடக்க வேண்டும் என்பதே என்னுடைய வாழ்நாள் ஆசை. உண்மை கசக்கும் என்பது முன்பே தெரியும்.