மலேசியர்களுக்கு 1957 ஆம் ஆண்டிற்கும் 1970 ஆம் ஆண்டிற்கும் இடையில் சுமார் 1.75 மில்லியன் குடியுரிமைகள் வழங்கப்பட்ட நடைமுறைகள் குறித்து கேள்வி எழுப்ப ஒரு புதிய மலாய்-முஸ்லிம் கூட்டணி திட்டமிட்டுள்ளதாக இன்று அறிவிக்கப்பட்டது.
பாரிசான் பெர்திண்டாக் மிலாயு இஸ்லாம் (பெர்திண்டாக்) பேச்சாளர் முகமட் கைருல் அஸாம் அப்துல் அசிஸ் குடியுரிமை வழங்குவதற்கு மேற்கொள்ளப்பட்ட நடைமுறை பெடரல் அரசமைப்புச் சட்டத்தில் விதிக்கப்பட்டுள்ள விதிமுறைகளை மீறிவிட்டதாக கூறினார்.
அரசமைப்புச் சட்டம் அட்டவணை 1 குடியுரிமைக்கு சத்தியம் செய்வது பற்றி குறிப்பிடுகிறது. 1957-1970 ஆம் ஆண்டுகளுக்கிடையில் வழங்கப்பட்ட 1.75 மில்லியன் குடியுரிமைகளுக்கு இந்த சத்தியம் செய்யும் நடைமுறை பின்பற்றப்படவில்லை.
ஆகவே, இது குடியுரிமை அளிப்பது, முன்பு மலாய்க்காரர்கள் அல்லாதவர்களுக்கு கொடுக்கப்பட்டது, பற்றி கேள்வி எழுப்ப இடமளிக்கிறது என்று அவர் கோலாலம்பூர் சுல்தான் சுலைமான் கிளப்பில் இன்று நடைபெற்ற ஒரு செய்தியாளர் கூட்டத்தில் கூறினார்.
“இது ஒரு சட்டப் பிரச்சனை. இதை நீதிமன்றத்துக்கு கொண்டு செல்ல வேண்டும். நீதிமன்றம் இதற்கு முடிவு செய்ய வேண்டும்”, என்றாரவர்.
இம்முடிவு அனைத்து இந்துக்களையும் இந்தியர்களையும் இலக்காகக் கொண்டிருக்கவில்லை என்று கூறும் பெர்திண்டாக், மலேசிய முஸ்லிம்களுக்கு எதிராக இன மற்றும் சமய உணர்வுகளைத் தூண்டிவிடுவதாகக் கூறப்படும் ஹிண்ட்ராப் இயக்கத்திற்கு அவர்கள் கண்டனம் தெரிவித்தனர்.
உண்மைதான். அவர்கள் அனைவருக்கும் குடியுரிமை வழங்கப்பட்டிருக்ககூடாது தான். காரணம், அவர்கள் அனைவரும் உங்களைப் போன்றவர்கள், அவர்கள் அனைவரும் பூமிபுத்ரா அந்தஸ்துக்கு உரியவர்கள்.
சிந்திக்க வேண்டிய விஷயம் இது ……. மேலும், 1957 செய்ய பட்ட அரசியல் சாசனம் 1964 ஆம் ஆண்டு சிங்கப்பூர் வெளியேறியதால், உடைந்தது … இதை வைத்து ஏதாவது குழப்படி செய்யா முடியும் …. மேலும், 2 / 3 பெரும்பான்மை கொண்டும், இந்தியர்களின் குடியுரிமை பறிக்க முடியுமா என்று சிந்திக்க வேண்டும் …. இப்படி பல பல …. இப்பொழுது தேடுங்கள் அந்த மானங்கெடட துன் சம்பந்தனை …..
இந்தோனேசியர்களும் இதில் அடுங்குவர் என்பதாக அறிகிறேன்! வாழ்த்துகள்! தொடருங்கள் உங்களது சமூகப் பணியை!
தாங்கள் என்ன செய்கின்றோமென்று தெரியாமல் செய்கின்றார்கள். இந்தக் கூட்டணியானது பல அமைப்புக்கள் சேர்ந்தக் கூட்டணி; இதில் ஒருவனுக்குக் கூடவா அன்றைய மலாயா எப்படி சுதந்திரம் பெற்றதென்ற வரலாறுத் தெரியவில்லை; தெரிந்திருந்தால் இப்படிப் பட்ட அறிவிப்பை செய்திருக்க மாட்டார்கள்; இரண்டாம் உலகப் போர் முடிந்தப் பின்பு, கொடுங்கோலான ஜப்பானிய ஆட்சியும் முடிவுக்கு வந்தது; இதுவும் முடிந்தப் பின்பு ஆங்கிலேயர் ஆட்சிக்கு எதிராக கம்யூனிஸ்ட் அதிகம், பயங்கரவாதம், தொடர்க் கொலைகள், கொள்ளைகள் இவையெல்லாம் தொடர்ந்து அரங்கேறின; தலைவிரித்தாடியது; இவையெல்லாம் அன்று இந்திய சீன மக்களின் ஒத்துழைப்போடுதான் இந்தக் கம்யூனிஸ்ட் ஆதிக்கத்தை ஆங்கிலேய அரசு முடிவுக்கு கொண்டு வந்தார்கள்; அப்போதே அன்றைய ஆங்கில அரசு மலாய் ஆட்சியாளர்களை சந்தித்து நாட்டின் பாதுகாப்புக்க கருதி இந்திய சீன மக்களுக்கு குடியுரிமை வழங்க வேண்டி அந்த ஆட்சியாளர்களிடம் கோரிக்கையும் வைத்தார்கள்; மலாய் ஆட்சியாளர்களும் நாட்டின் பாத்துக் கருதி நாட்டைக் காப்பாற்ற ஆங்கில அரசின் கோரிக்கையை பெரு மனதோடு குடியுரிமை வழங்கவும் ஏற்றுக் கொண்டார்கள்; ஆகவே இரண்டாம் உலகப் போர் முடிந்தப் பின்பே மலாய்க்காரல்லாதாருக்கு குடியுரிமை வழங்கும் உரிமையும் தொடங்கப் பட்டும் விட்டது.; இது முதல் நிகழ்ச்சி. இதன் பின்பு தான் ஆங்கிலேயர்களிடமிருந்து நாட்டிற்கு சுதந்திரம் வேண்டி தேசத் தந்தையான துங்கு அவர்கள் மலாய்க்காரல்லாதார் ஒத்துழைப்பை நாடினார்; சுதந்திரத்தை ஆதரித்தவர்களுக்கு குடியுரிமையும் வழங்கினார்; இது இரண்டாம் நிகழ்ச்சி; நம் நாடும் இந்தியாவைப் பின் பற்றி சுதந்திரமும் பெற்றது. இந்தியா சுதந்திரம் பெறவில்லை யென்றால் நம் நாடும் சுதந்திரம் பெற்றிருக்க முடியாது; இதுதான் உண்மை; இந்த வரலாற்றையெல்லாம் மறந்துதான் இவர்கள் செயல்படுகின்றார்களா? எல்லாம் இறைவனுக்குத்தான் வெளிச்சம்!
PalanisamyT உங்களது கருத்தின் முக்கியமான அம்சம் :
அன்றைய ஆங்கில அரசு மலாய் ஆட்சியாளர்களை சந்தித்து நாட்டின் பாதுகாப்புக்க கருதி இந்திய சீன மக்களுக்கு குடியுரிமை வழங்க வேண்டி அந்த ஆட்சியாளர்களிடம் கோரிக்கையும் வைத்தார்கள்.
இந்நாட்டில் இந்திய சீன மக்களுக்கு குடியுரிமை வழங்கியது அம்னோ அரசாங்கம் கிடையாது என்பதனையும் அன்றைய 9 மலாய் ஆட்சியாளர்கள்தான் குடியுரிமை வழங்கினார்கள் என்பதனையும் இன்றைய இந்திய சீன தலைமுறையினர் புரிந்து கொள்ள வேண்டும்.
பாரிசான் பெர்திண்டாக் மிலாயு இஸ்லாம் இப்படி கோரிக்கை வைப்பது மலாய் ஆட்சியாளர்களை எதிர்ப்பதற்கு சமமாகும்.
ஆகவே இவ்விவகாரத்தில் இஸ்லாம்/ஹிந்து/கிறிஸ்டியன்/புடிஸ்ட் என மத பேதமில்லாமல், இந்நாட்டின் இந்திய சீன மக்களுக்கும் மலாய் ஆட்சியாளர்களை தற்காக்கும் உரிமையும் உள்ளது.