இந்தியக் குடிமகனாகிய ஸக்கீர் நாய்க் பயங்கரவாதம் சம்பந்தப்பட்டவற்றில் தொடர்பு கொண்டிருப்பதாக கூறப்படுவதையொட்டி அவருக்கு வழங்கப்பட்டிருக்கும் நிரந்தமாகத் தங்கும் தகுதியை (பிஆர்) அகற்ற மலேசிய அரசாங்கத்திற்கு ஆலோசனை கூறுமாறு பெர்சத்துவான் ஹிண்ட்ராப் மலேசியா (ஹிண்ட்ராப்) ஐநா பாதுகாப்பு மன்றத்தின் பயங்கரவாத எதிர்ப்பு குழுவுக்கு (சிடிசி) கடிதம் எழுதியுள்ளது.
நேற்று, ஹிண்ட்ராப் தலைவர் பி. வேதமூர்த்தி ஐநா தலைமையகத்திலிருக்கும் சிடிசி தலைவர் அப்டெல்லத்திப் அபொலத்தாவுக்கு அனுப்பியுள்ள கடிதத்தில் ஸக்கீர் மலேசியாவில் இருத்தல் மற்றும் அவரது நடவடிக்கைகள் பற்றியும் புகார்கள் செய்துள்ளார்.
மலேசியா ஒரு சிடிசி உறுப்பினர் என்பதைச் சுட்டிக் காட்டிய வேதமூர்த்தி, ஸக்கீரால் விளையவிருக்கும் “ஆபத்துகள்” குறித்து சிடிசி மலேசியாவுக்கு ஆலோசனை கூற வேண்டும் என்று அவரது கடிதத்தில் கேட்டுக் கொண்டுள்ளார்.
மலேசியா பயங்கரவாத நடவடிக்கைகளை மேற்கொள்வதற்கான ஒரு தளமாக அமைவதை மலேசியர்கள் விரும்பவில்லை என்பதை வலியுறுத்திய வேதமூர்த்தி, மலேசியா சிடிசியின் உறுப்பினர் என்ற முறையில் ஸக்கீருக்கு வழங்கப்பட்டிருக்கும் பிஆர் தகுதையை அகற்றக் கடமைப்பட்டிருப்பதாக கூறியுள்ளார்.
மலேசியாவின் பொதுநலத்திற்கு ஆபத்து விளைவிக்கக்கூடிய ஸக்கீரின் நடவடிக்கைகளைத் தவிர்க்கவும் அவற்றை தடுத்து நிறுத்தவும் அவரை இந்நாட்டிலிருந்து வெளியேற்றுவதற்கு மலேசியாவுக்கு இன்னொரு நாட்டிலிருந்து வந்தவரை அவரது சொந்த நாட்டிற்கே திருப்பி அனுப்பும் கோட்பாட்டை (extradition principle) பின்பற்றும்படி சிடிசி ஆலோசனை கூற வேண்டும் என்று வேத மூர்த்தி வேண்டுகோள் விடுத்துள்ளார்.
கூரையேறி கோழி பிடிக்கத் தெரியாதவன் வானமேறி வைகுந்தம் போனானாம்!
ஐயா வேதமூர்த்தி அவர்களே -ஒரு வெங்காயமும் நடக்காது. ஐநா ஒரு வெத்து வேட்டு- காகித புலி– ஈழ விசாரணை-என்ன ஆனது? ஆ ஊ என்று சத்தம் தான் வரும் அவ்வளவுதான்– இந்த உலகில் எவ்வளவு அநியாயங்கள் நடந்தது? ஐநாவில் உள்ளவன்களுக்கு தெரியாமளா நடந்தது? அதிலும் நம்பிக்கைநாயகனின் பில்லியன்கள் வேலை காட்டிவிடும்.
வரவேற்கிறேன்! மற்றவர்கள் யார் செய்ய விரும்பாததை வேதமூர்த்தி செய்கிறார்! அரசாங்கம் ஸாஹிர் மீது எந்த நடவடிக்கையும் எடுக்காது – தன மீது தான் நடவடிக்கை எடுக்கும் – என்பதை தெரிந்தும் அவர் துணிச்சலை நான் பாராட்டுகிறான்!
வேதமூர்த்தி சார்! வார்த்தையை அளந்து பேசுங்கள். வெத்து வெட்டு பசங்களையும், சற்றும் தகுதியில்லாதவர்களையும் மந்திரி பதவியும் துணை மந்திரி பதவிகளையும் கொடுக்கும் நாடு இது. அவ்வகையில் நாளை இந்த ஜாகிர் நாயக்கும் துணை மந்திரியாகி விடலாம். உங்களுக்கு ஆப்பு. கவனம். தெரியாமல் தான் கேட்கிறேன், உங்களுக்கும் துணை மந்திரி பதவி கிடைத்ததாமே, உண்மையா?
மந்திரி பதவிக்காக மற்ற இனத்தவரிடம் அடியும் உதையும் வாங்கி கொண்டு விடாப்பிடியாக அதில் ஒட்டிக் கொண்டிருக்கிறார்கள் நம்மவர்களில் சிலர்..நம்ம வேதமூர்த்தியார் அவர்கள் தன்மானத்துடன் அந்தப் பதவியை ராஜினாமா செய்தவர்.சபாஷ் வேதமூர்த்தி அவர்களே.
வேத மூர்த்தி பதவியை துறந்தது தன்மானம் கிடையாது ! இயலாமை !’LEADER ESTABLISHES THE
ORGANISATION’S VISION (MISSION ) AND GOALS ” எங்கோ படித்தது ! தமிழர்களின் இயலாமையை ! ஏழ்மையை பயன்படுத்தி ! புரட்சி தலைவனென்று பிரகாணப்படுத்தி கொண்டு ! பதவியில் அமர்ந்தவுடன் ! அந்த பதவியில் இருந்து கொண்டு இவர்களை நம்பி பின்னால் சென்ற மக்களுக்கு முடிந்த சேவைகளை செய்திருக்க வேண்டும் ! பிரச்னை என்றதும் ஓடி ஒளிவதும் ! ராஜினாமா செய்வதும் ! கோழைகளின் செயல் ! அறிக்கைவிடுவதும் ! ஆர்ப்பாட்டம் ! பண்ணுவதும் ! தலைவனின் செயல் திறன் என்றால் ! இவர்களை போன்ற மழையில் பூக்கும் காளான் தலைவர்களை மக்கள் நம்புவதில் எந்த பயனும் கிடையாது ! “
ஐயா வேதமூர்த்தி அவர்களே..கடந்தகால கசப்பான அனுபங்களை மனதில் கொண்டும் எதிர்கால (இந்த நாட்டு) இந்தியர்களின் நலனில் உண்மையான அக்கறை கொண்டும் ஒரு புதிய இந்தியர் (மட்டுமே அங்கத்தினராகக் கூடிய) அரசியல் கட்சியை பதிவு செய்து அதனை எதிரணியோடு (சில நிபந்தனைகளுடன்) இணைத்தால் வரும் பொதுத் தேர்தலில் இந்தியர்களின் வாக்குளை கணிசமாகப் பெறலாம். (குறிப்பு: நீங்கள் பதி செய்யும் புதிய அரசியல் கட்சியின் பெயரில் மதத்தின் பெயர் இல்லாமல் இந்திய இனத்தின் பெயர் மட்டுமே இருக்கட்டுமே…!
இயலாமை செயல்பாடு 57 ஆண்டு வரலாறு. அதன் விளைவு தற்பொழுது இந்தியர்கள் உரிமையற்ற சமுதாயத்தின் அடையாளம்.
இந்த கடிதத்தால் எதுவும் நடக்கப்போவது இல்லை என்பது அவருக்கு தெரியாமல் இருக்க நியாயமில்லை .நம் தலைநகர்
மற்ற நகரங்கள் யாவற்றிலும் நம் மக்களின் வாழ்க்கை போராட்டங்கள் பற்றி அவர் நிச்சயம் அறிந்திருப்பார் .அவர்கள் துயரை எப்படி நாம் ஒன்றுபட்டு துடைக்க முடியும் என்பதை ஆராய்ந்து நாம் அனைவரும் செயல்படும்
வழிகளை திட்டமிட்டு செயற்படுத்த அவர் எஞ்சிய காலத்த்தில் முயற்சிகளை செய்ய வேண்டும் .அரசியல் ரீதியாக நாம் அதிகம் சாதிக்க முடியாது என்பதில் அவர் தெளிவாக இருக்க வேண்டும் .ஈகோ விற்கு இங்கு இடமில்லை
முடிந்தவரை, HINDRAF 5 பேர்களையும் இணைத்து, உதயகுமார் அவர்களை தலைவராக்கி, ஒரு புதிய சகாப்த்தம் செய்ய முயலுங்கள். இல்லையேல் அரசியலை விட்டு விலகுங்கள். நீங்கள் வரவில்லையே என்று இப்பொழுது யார் உங்களை சட்டையை பிடித்து அடித்தது ?
நாலு பேருக்கு ஒரு கட்சி இருப்பது போதாதா ! இவர் வேறு ஒரு கட்சியை அமைத்து அரசாங்கத்தின் மானியத்திற்கு கை ஏந்தவா ! சுதந்திரத்திலிருந்து இன்று வரை இருக்கும் கட்சி நமக்கு போதும் ஐயா குடியானவரே ! சமுதாயத்தின் அவலத்தை முன்னிறுத்தி , நமது உணர்வுகளை தூண்டி ! நாலு காசு பார்க்கவும் ! பட்டமும் பதவியும் பெறவும் இவர்களின் நாடகம் ! நம்பியது போதும் ! நமக்கு இருந்த , தானை தலைவன் ! புரட்சி தலைவன் ! மக்கள் தலைவன் ! போதுமடா சாமீ !!