குடும்பப் பிரச்சனையைச் சட்டம் தீர்க்கவில்லை

-கே. சீலதாஸ், ஆகஸ்ட் 11, 2017.

siladass1976ஆம்  ஆண்டு  குடும்பச்  சட்டத்தில்  திருத்தம்  செய்து    இஸ்லாத்தைத்  தழுவாத  பெற்றோர்களுடைய  பிள்ளைகளின்   மத மாற்றம்  சம்பந்தமான  உரிமை  குறித்து  நிலவிய ஒருதலைப்பட்சமான  அநீதிக்கு  முடிவு  காணமுடியும்  என்று  நம்பப்பட்டது.  ஆனால்,   கொண்டுவரப்பட்ட  88A  பிரிவை  சமய  அரசியலாக்கி  முஸ்லிம்  அல்லாதாரின்   நிலையை  இன்னும்  சிக்கலிலேயே  வைத்திருக்கும்  நோக்கத்தில்  அந்த  88A  பிரிவை  கைவிட்டுவிட்டது  நடுவன்  அரசு.  பல  ஆண்டுகளாக  நிலவி  வரும்  பதினெட்டு  வயது  தேராத  பிள்ளைகளின்  சமயத்தைக்  குறித்த  சிக்கல்,  சச்சரவு மற்றும் அநீதி  நீடிக்கும்  என்பது  உறுதியாகிறது.  இந்தச்  சிக்கல்,  சங்கடநிலை,  இழுத்தடிப்பதில்  காட்டப்படும்  உற்சாகத்திற்கு  நடுவன்  அரசு  காட்டும்  ஆதரவு  சிறுபான்மை  மக்களின்  நலனைப்  புறக்கணிக்க  அது  தயாராகிவிட்டது  எனலாம்.  இப்படிப்பட்ட போக்கு  பிரிட்டீஷ்  காலனித்துவம்  சிறுபான்மையினரின்  குடும்பச்   சட்ட  விஷயத்தில்  எவ்வாறு  பொறுப்புடன்  நடந்து  கொள்ளவில்லையோ   அதே  நிலை  இன்னும்  நீடிக்கிறது  என்பதையே  நடுவன்  அரசின்  நிலைப்பாடு  குறிக்கிறது.

காலனித்துவ  ஆட்சியின்போது  சிறுபான்மையினருக்கு  பலமான  குடும்பச்  சட்டம்  கிடையாது.  இதில்  முஸ்லிம்  மற்றும்  கிறிஸ்தவர்கள்  பாதிப்படையவில்லை.  1976 ஆம் ஆண்டு குடும்பச்  சட்டம்  பொதுவாக  முஸ்லிம்  அல்லாதவர்களுக்காக  இயற்றப்பட்டதாகும்.   ஆனால்,   நாற்பது  ஆண்டுகளாக  சிறுபான்மை  மக்களின்  துயர்  துடைக்கப்படவில்லை.

ஒருவர்  மதம்  மாறுவதற்கு  முன்  ஏற்றுக்கொண்ட  குடும்ப  உறவு,  அதனால்  எழும்   பொறுப்புகள்,  பிள்ளைகளின்  வளர்ப்பு,  அவர்களின்  வழிபாட்டு  முறை,  சமய   போதனை  அனைத்தும்   பெற்றோர்களின்  பொறுப்பாகும்.  அதை  சட்டத்தின்  வழி  மாற்றி  அமைக்கக்  கூடாது.  அதோடு  “பெற்றோர்”  என்ற  சொல்லின்  உண்மையான  அர்த்தத்திற்கு   தவறான   விளக்கம்  தந்து  அதுவே  சரியானது  என்ற  வாதம்  நகைப்புக்கு  உரியதாகும்.  இது  மனிதாபிமானத்தைப்  போற்றாத  செயலாகும்.

அரண்டவன்  கண்ணுக்கு,  இருண்டதெல்லாம்  பேய்  என்பதானது  இந்த  மதமாற்றம்  விஷயத்தில்   சமய  அரசியல்வாதிகளின்  போக்கு  இருண்ட  நிலையிலிருந்து  வெளிச்சத்துக்கு  வரமறுப்பதை  பிரதிபலிக்கிறது.  அதற்கு  நடுவன்  அரசு  வளைந்து  கொடுபந்தை  நியாயமான  நடவடிக்கையாக   ஏற்றுக்கொள்ள  முடியாது.  நடுவன்  அரசின்  போக்கு  காலனி  ஆட்சியில்  சிறுபான்மை  மக்களின்  குடும்பப்  பாதுகாப்பு  மறுக்கப்பட்டதையே  நினைவுப்படுத்துகிறது.

SHARE THIS STORY :    

RELATED POSTS

No related posts found!

   

உங்கள் கருத்துகளை பதிவுசெய்யுங்கள் (Share Your Comments)

விதிமுறைகள்: கருத்து ஆபாசமானதாக, அருவருக்கத்தக்கதாக, பிறரை அல்லது பிறரது சமயத்தை, சமூகத்தை இழிவுபடுத்துவதாக இருக்கக்கூடாது. அவ்வாறான கருத்துகள் அனுமதிக்கப்படாது. கருத்து சுருக்கமாகவும் பொறுப்புடனும் தெரிவிக்கப்பட வேண்டும். நீங்கள் பதிவு செய்யும் கருத்துக்கு நீங்களே முழு பொறுப்பாளி.

  • தேனீ wrote on 13 August, 2017, 17:36

    சமூகப் பிரச்னையை உடனே தீர்த்து விட்டால் அப்புறம் அரசியல் நடத்த முடியாதே.

  • தேனீ wrote on 13 August, 2017, 20:43

    #பெற்றோர்” என்ற சொல்லின் உண்மையான அர்த்தத்திற்கு தவறான விளக்கம் தந்து அதுவே சரியானது என்ற வாதம் நகைப்புக்கு உரியதாகும்.#

    அரசியல் சாசனம் என்பது நாடாளுமன்றத்தில் இயற்றப்படும் இதர சட்டங்களைப் போன்றது அல்ல. அத்தகையச் சட்டத்திற்கு பொருள் காணும் பொழுது தேவைக்கேற்ப குறுகிய நோக்கில் பொருள் கூறலாம்.

    ஆனால் அரசியல் சாசனத்திற்குப் பொருள் காண விழையும் பொழுது அகன்ற பொருளைக் காண்பதே காமன்வெல்த் நாட்டு உச்ச நீதிமன்றங்களின் வழிமுறையாக உள்ளது.

    ஆனால் மலேசிய உச்ச நீதிமன்றம் அரசியல் காரணத்திற்காக ‘Parent’ என்பதை ஒருமையில் கண்டால் அப்புறம் அந்த அரசியல் சாசனமே பயனற்றதாகப் போய்விடும். இதுதான் மலேசிய நீதிமன்ற விளக்கம் என்றால் சட்டம் ஓர் இருட்டறை என்பது உண்மையாகி விடும்.

    நீதிபதிகள் இயந்திரமாகச் செயல்படாமல் வேண்டும் வேண்டாமை இலாத உயிர்களாக செயல்படுதல் அவசியம். பாவம் இவர்கள் திருவள்ளுவர் குறளை அறியாதவர். அதனால் தமிழரின் உயர்ந்த பண்பாட்டை அறியார்.

  • en thaai thamizh wrote on 14 August, 2017, 11:18

    இந்த ஈனங்களிடம் இருந்து நீதியை எதிர்பார்க்க முடியாது- நானும் பல முறை கூறிவிட்டேன்– அதற்க்கு என்ன விடிவு? நம்மவர்களில் பலர் இன்றும் இந்த நாட்டில் என்ன நடக்கிறது என்று புரியாமல் இருக்கின்றனர்-சிறிதளவும், அக்கறை இல்லாமல். மலாய்க்காரன்களுக்கு மூளை சலவை செய்து நம்மை எதிரிகளாக்கி அவங்களுக்கு வாரி கொடுத்து முழு அகங்கார சோம்பேறிகள்,ஆக்கி அரசியல் நடத்திக்கொண்டிருக்கிறான்.

  • தேனீ wrote on 14 August, 2017, 19:22

    இத்தகைய பிரச்சனைக்குத் தீர்வு தமிழர் மதம் மாறி சொந்தக் காசிலேயே சூன்னியம் வைத்துக் கொள்ளாமல் இருந்தால் போதும். பிரச்சனைத் தானாகவே தீர்ந்து விடும்.

  • T.Sivalingam@Siva wrote on 15 August, 2017, 10:49

    எனது சிந்தனை,கணிப்பு : யாரும் , எவரும் தான் விரும்பிய மதத்தை தழுவலாம் , ஆனால் அவை தான் தழுவும் மதத்தில் உள்ள கோட்பாடுகளை கற்று , அதனால் ஈர்க்கப்பட்டவராக இருந்திடவேண்டும் , அதனை தவிர்த்து ஒரு பெண்ணையோ , ஆணையோ திருமணம் செய்வதற்காக மதம் மாறுவது என்பது ஏற்றுக்கொள்ளக்கூடியதாகயில்லை என்பதே என் சிந்தனை . தன் திருமண விருப்பத்தின் பேரின் , விருப்பப்பட்டவரை திருமணம் புரிந்த பிறகு , இதற்கு முன்புஇருந்த தன் குடும்ப உறுப்பினரை அவர்களுக்கே தெரியாமல் , அறியாமல் அவர்களையும் (திருட்டுத்தனமாக) தான் தழுவிய மதத்திற்கு மாற்றுவது என்பது ஏற்றுக்கொள்ளக்கூடியதில்லை , இதனை எப்படி ஏற்றுக்கொள்ளமுடியும் என உலகமே வியந்து கேள்விகேட்கிறது , ஆனால் நம் நாட்டில் உள்ள அரசியலமைப்பு அதற்கு ஏர்மாறாக இருப்பதை கண்டு மனம் நோகுகிறேன். ஒரே நாட்டில் இரண்டு சட்டம் இருப்பதை கண்டு மனம் வெதும்புகிறேன் , நீதிமன்றம் என்பது நீதியையும் , சட்டையும் சமமாக போற்றவேண்டும் , ஆனால் இங்கே ஒரு இன மதத்தை சார்ந்தவர்களுக்கு மட்டும் தனி சலுகையுடன் நீதி வழங்குவதை கண்டு மனம் துன்பப்படுகிறது . நான் இரு முழுமையான இஸ்லாம் நாட்டில் வேலை நிமிர்த்தம் காரணமாக பல வருடம் வேலை செய்தவன் , அங்கு உள்ள பழக்கவழக்கங்களை அறிந்தவன் , அவர்களின் முழு மத கோட்பாடுகளை கண்டு அறிந்துள்ளவன், ஒரு இந்தியனாக, இந்துவாக இருப்பினும் , அந்நாட்டு நண்பர்களுடன் சேர்ந்து , அவர்களின் அழைப்பின் பேரின் பள்ளிவாசல் மூலஸ்தானம் வரை அழைத்து செல்லப்பட்டு அமர்த்தப்பட்டு, அவர்களின் தொழுகை முழுமைபெற்றப்பிறகு, அவர்களுடன் சேர்ந்து வீடு திரும்பிய அனுபவம் பல உள்ளன . அதேபோல காலையில் எழுந்தவுடன் அல்லது முஸ்லீம் ஒருவரை காணும்போது மரியாதையை நிமித்தமாக பயன்படுத்தும் ஒரு சொல் ” ” இங்கே நம் நாட்டில் முஸ்லீம் அல்லாதோர் பயன்படுத்தஇயலாது . இதனை கவனிக்கும் போது, இங்கு மதம் அறியாமை உள்ளவர்கள் பெரும்பளராக இருக்கிறார்கள் என்பதனை நாம் உணரவேண்டும் . இதனை மனதில் நிறுத்தி இந்தியர்களான நாம் , “நம் மதம் நம் தமிழ் மொழி ” என இருந்து நம் இனத்தை கட்டி காத்திடவேண்டும். நன்றி .

கருத்துகளை தமிழில் தட்டச்சு செய்ய முடியும். உதாரணம் : "amma" என்று டைப் செய்து SPACEBAR-ஐ அழுத்தினால் "அம்மா" என்று தோன்றும் (Press Ctrl+g to toggle between English and Tamil)