1எம்டிபி-யில் கையாடப்பட்டதாகக் கூறப்படும் பணத்தில் வாங்கிய சொத்துகள் தொடர்பாக அமெரிக்காவின் நீதித்துறை தொடுத்துள்ள சிவில் வழக்கில் போலீஸ் தலையிடாது என்பதை இன்ஸ்பெக்டர்- ஜெனரல் அப் போலீஸ் காலிட் அபு பக்கார் இன்று மீண்டும் வலியுறுத்தினார்.
“சிவில் வழக்கு என்றால் போலீஸ் தலையிடாது.
“இது சிவில் விவகாரம், அதனால் (எப்பிஐ-யுடன் ஒத்துழைப்பு) இல்லை”, என புக்கிட் அமானில் செய்தியாளர் கூட்டத்தில் காலிட் கூறினார். அவ்வழக்கில் அமெரிக்க மத்திய புலனாய்வுத் துறை(எப்பிஐ)யுடன் மலேசிய போலீஸ் ஒத்துழைக்குமா என்ற கேள்விக்கு அவர் இவ்வாறு பதிலளித்தார்.
