தீபாவளி – தமிழர்களின் திருவிழா அல்ல!


தீபாவளி – தமிழர்களின் திருவிழா அல்ல!

தமிழரை கொன்ற பார்ப்பனர்களின் வெற்றியை தமிழர்களே கொண்டாடுவது எத்தனை இழிவு????*

பிராமணிய மதத்தின் எதிரியான சமண மதத்தின் மகாவீரர் இறந்ததை தான் நரகாசுரன் அழிந்ததாக கொண்டாடப்படுகிறது என வரலாற்று வழி ஆதாரங்கள் மற்றும் மரபு வழிப்பட்டும் விளக்குகிறார்

தீபாவளி

இன்று தமிழ்நாட்டில் விறுவிறுப்பாகக் கொண்டாடப்பெறும் திருவிழா தீபாவளி. நகர்ப்புறம் சார்ந்ததாகவும் துணி என்ணெய் மாவு பட்டாசு ஆகிய பெருந்தொழில்களின் பொருளாதாரம் சார்ந்ததாகவும் இத்திருவிழா கொண்டாடப்படுகிறது. தகவல் தொடர்புச் சாதனங்கள் தரும் பகட்டான விளம்பரங்களால் இது தமிழர்களின் ‘தேசிய திருவிழா’ போலக் காட்டப்படுகிறது. ஆயினும் தைப்பொங்கல் திருவிழா போல மரபுவழிப் பொருளாதாரம் சார்ந்ததாகவும் ஒரு திருவிழாவிற்குரிய உள்ளார்ந்த மகிழ்ச்சியோடும் சடங்குகளோடும் கொண்டாடப் பெறுவதாகவும் தீபாவளி அமையவில்லை. தைப்பொங்கல் சமய எல்லையினைக் கடந்து நிற்கும் திருவிழா. இது பழந்தமிழரின் அறுவடைத் திருவிழா. எனவே தான் இன்று ரோமன் கத்தோலிக்கத் தேவாலயங்களில் கூடத் தைப்பொங்கல் கொண்டாடப்படுகிறது. ஆனால் தீபாவளி தமிழரின் திருவிழாவாக அமையாமல் இந்துக்களின் திருவிழாவாக அமைகிறது.

தமிழர் திருவிழா – இந்துக்களின் திருவிழா என்ற வேறுபாட்டினை எவ்வாறு பிரித்தறிவது? பழைய வழிபாட்டு முறைகளோடு கூடிய தொல் சமய வழிபாடுகள் இவற்றின் சாரத்தையும் உள்வாங்கிக் கொண்டு வளர்ந்த சைவம் வைணவம் ஆகியவையே தமிழர்களின் பழைய மதங்களாகும். இவை காட்டும் திருவிழாக்களான கார்த்திகைத் திருவிழா திருவாதிரைத் திருவிழா தைப்பூசத் திருவிழா மாசிக்களரி எனப்படும் சிவராத்திரித் திருவிழா பங்குனி உத்திரம் சித்திரைப் பிறப்பு வைகாசி விசாகம் ஆடிப் பதினெட்டாம் பெருக்கு ஆகியன சைவமும் வைணவமும் பெருஞ்சமயங்களாக நிலைபெறுவதற்கு முன்னரே தமிழர்கள் கொண்டாடிய திருவிழாக்களாகும். பக்தி இயக்கத்தின் வளர்ச்சியில் இவை சைவ வைணவ மதங்களாலும் அங்கீகரிக்கப்பட்டு ஏற்றுக்கொள்ளப்பட்டன.

தீபாவளி தமிழ்நாட்டின் மரபுவழிப் பொருளாதாரத்தோடும் பருவ நிலைகளோடும் சடங்குகளோடும் தொடர்பில்லாத ஒரு திருவிழா. பார்ப்பனியத்தின் பாதிப்புகளில் இருந்து இன்னமும் விலகி நிற்கிற சிற்றூர்களில் தீபாவளி கொண்டாடப்படுவதில்லை. தீபாவளியின் அடையாளமான வெடி அதன் மூலப்பொருளான வெடிமருந்து ஆகியவை தமிழ்நாட்டிற்குப் பதினைந்தாம் நூற்றாண்டு வரை அறிமுகமாகவில்லை என்பதையும் நினைவில் கொள்ள வேண்டும். விளக்குகளின் வரிசை எனப் பொருள்படும் தீபாவளி (தீபூஆவளீ) என்னும் வட சொல்லுக்கு நிகரான தமிழ்ச் சொல்லும் புழக்கத்தில் இல்லை. தமிழர்களின் விளக்குத் திருவிழா என்பது திருகார்த்திகைத் திருவிழாவே. உண்மையில் இத்திருவிழா பார்ப்பனிய மதத்தின் திருவிழாவேயன்றித் தமிழர் திருவிழா ஆகாது.

‘நரகனைக் கொன்ற நாள் நல்ல நாள் விழாவா’ என்று பாரதி தாசன் பாடுவதும் இங்கே நினைவுக்குரியது.

மானமில்லா மக்களே தீபாவளி கொண்டாடுகிறார்கள்
இன்றளவும் மானமில்லா மக்களே தீபாவளியை கொண்டாடி வருகின்றனர். தீபாவளி என்பது பார்ப்பனர்களின் பண்டிகை தமிழர் திருவிழா அல்ல என பல தமிழ் அறிஞர்களும் தலைவர்களும் சொன்னவற்றின் சில குறிப்புகள் பின்வருமாறு:

மறைமலை அடிகள் சொன்னது:
1. ‘ஆரியப் பார்ப்பனர்கள் கட்டுவித்த கற்பனைக் கதையே தீபாவளி’ – ‘தமிழர் மதம்’ என்ற நூலில்
2. ‘ஆரியரின் இத்தகைய வெறியாட்டு வேள்விகளை அழித்துவந்த சூரன் இராவணனன் முதலான நிகரற்ற தமிழ் வேந்தர்களே ஆரியர்களால் அரக்கர் என்று இகழ்ந்து பேசப்படு வராயினர்.’

இராமகிருஷ்ண பரமகம்சரின் சீடர் விவேகானந்தர் சொன்னது:
1.தென்னிந்தியாவில் இருந்த மக்களே இராமாயாணத்தில் குரங்குகள் என்றும் அரக்கர்கள் என்றும் அழைக்கப்பட்டிருக்கிறார்கள்’

பி.டி.சி சீனிவாசய்யங்கார் சொன்னது:
இராமன் காலத்தில் தென் இந்தியா தஸ்யூக்கள் இராட்சதர்களுக்குச் சொந்தமாயிருந்தது. இவர்கள் ஆரிய முனிவர்கள் செய்து வந்த யாகத்தை எதிர்த்தார்கள். இருந்தாலும் வட இந்தியாவிலிருந்து வந்த ஆரியர்களைப் போலவே இந்த இராட்சதர்கள் என்பவர்களும் நாகரிகமடைந்திருந்தார்கள்.’

முனைவர் தொ.பரமசிவன் ‘அறியப்படாத தமிழகம்’ நூலில்:
1. தீபாவளி தமிழ் நாட்டின் மரபு வழிப் பொருளாதாரத்தோடும் பருவநிலைகளோடும் தொடர்பில்லாத ஒரு திருவிழாவாகும்.
2. தீபாவளியைக் குறிக்கும் வெடி அதன் மூலப்பொருளான வெடி மருந்து ஆகியவை தமிழ் நாட்டிற்கு 15ஆம் நூற்றாண்டு வரை அறிமுகமாகவில்லை என்பதையும் நினைவில் கொள்ள வேண்டும்.
3. நரகாசுரன் என்னும் அரக்கன் கிருஷ்ணனால் அழிக்கப்பட்டதாகக் கூறப்படும் தீபாவளிக் கதை திராவிடப் பண்பாட்டோடு தொடர்புடையதன்று. மாறாக இன்று பிராமணிய மதத்தின் சார்பாக எழுந்த கதையாகும்.
4. இந்த நாள் பிராமணிய மதத்தின் எதிரியான சமண மதத்தின் 24ஆம் தீர்த்தகாரரான வர்த்தமான மகாவீரர் வீடுபேறடைந்த(இறந்த) நாளாகும்.தான் இறந்த நாளை வரிசையாகத் தீபங்களை ஏற்றிக் கொண்டாடுமாறு மகாவீரர் தம் மதத்தவரைக் கேட்டுக் கொண்டார். ஆகவே பிராமணிய மதத்தின் பழைய எதிரிகளான சமணர்களும் தீபாவளிச் சிறப்பாகக் கொண்டாடுகின்றனர். எனவே நரகாசுரன் அழிந்ததாக பிராமணியத் தீபாவளிக் கதைகள் குறிப்பிடுவது மகாவீரர் இறந்த நாளையே ஆகும்
5. விஜய நகரப் பேரரசான இந்து சாம்ராஜ்யம் தமிழ்நாட்டில் நுழைந்த கி.பி. 15ஆம் நூற்றாண்டு தொடங்கியே தீபாவளி இங்கு ஒரு திருநாளாகக் கொண்டாடப்படுகிறது

பெரியார் சொன்னது:
இக்கொண்டாட்டமானது தமிழ் மக்களுடைய இழிவையும் முட்டாள்தனத்தையும் காட்டுவது மாத்திரமல்ல தமிழர் (திராவிடர்கள்) ஆரிய இனத்தானுக்கு அடிமை அவனது தலைமைக்கு அடிமை மீட்சி பெற விருப்பமில்லாத மானங்கெட்ட ஈனப் பிறவி என்பதைக் காட்டிக் கொள்ள போட்டி போடுகிறார்கள் என்பதையே காட்டுகிறது.

“மானமும் பகுத்தறிவும் உடையவனே மனிதன் அஃதிலார் மனித உருவமுள்ள மிருகமே ஆவர்’’ என்ற அறிவுரைப்படி மானமில்லா மக்களே இப்போது தீபாவளி கொண்டாடுகிறார்கள் என்றுதான் சொல்ல வேண்டியிருக்கிறது.

தீபாவளி என்றால் என்ன? (புராணம் கூறுவது)
1. ஒரு காலத்தில் ஒரு அசுரன் உலகத்தைப் பாயாகச் சுருட்டிக் கொண்டு போய் கடலுக்குள் ஒளிந்து கொண்டான்.
2. தேவர்களின் முறையீட்டின்மீது மகாவிஷ்ணு பன்றி அவதாரம் (உரு) எடுத்து கடலுக்குள் புகுந்து அவனைக் கொன்று உலகத்தை மீட்டு வந்து விரித்தார்.
3. விரித்த உலகம் (பூமி) அப்பன்றியுடன் கல்வி செய்ய ஆசைப்பட்டது.
4. ஆசைக்கு இணங்கி பன்றி (விஷ்ணு) பூமியுடன் கலவி செய்தது.
5. அதன் பயனாய் பூமி கர்ப்பமுற்று நரகாசூரன் என்ற பிள்ளையைப் பெற்றது.
6. அந்தப் பிள்ளை தேவர்களை வருத்தினான்.
7. தேவர்களுக்காக விஷ்ணு நரகாசூரடனுடன் போர் துவங்கினார்.
8. விஷ்ணுவால் அவனை வெல்ல முடியவில்லை. விஷ்ணுவின் மனைவி நரகாசூரனுடன் போர் தொடுத்து அவனைக் கொன்றாள்.
9. இதனால் தேவர்கள் மகிழ்ச்சி அடைந்தார்கள்.
10. இந்த மகிழ்ச்சியை (நரகாசுரன் இறந்ததற்காக) நரகாசுரனின் இனத்தாரான திராவிட மக்கள் கொண்டாட வேண்டும்.

எவ்வளவு சொன்னாலும் அறிவும் அனுபவமும் இல்லாத சில இளைஞர்கள் (மைனர்கள்) பித்தலாட்டத்தாலும் வஞ்சகம் துரோகம் மோசத்தாலும் வாழ வேண்டிய தீய எண்ணத்தில் தேர்ச்சி பெற்ற பரத்தையரிடம் சிக்கிவிட்டார்களேயானால் எப்படி – யார் – எவ்வளவு அறிவையும் நன்மையையும் போதித்தாலும் அதை காதில் வாங்கக் கூட செவிப்புலனை ஒதுக்காமல் தன் உள்ளம் முழுவதையும் பரத்தையிடமே ஒப்புவித்து அவளிடம் ஓடவே வழி தேடுவார்களோ அதேபோல் நடந்து கொள்கிறார்கள்!

தீவாளியா? – பாரதிதாசன் பாடல்:

நரகனைக் கொன்றநாள் நல்விழா நாளா?
நரகன் இறந்ததால் நன்மை யாருக்கு?
நரகன் என்பவன் நல்லனா? தீயனா?
அசுரன்என் றவனை அறைகின் றாரே?
இராக்கதன் என்றும் இயம்புகின் றாரே?
இப்பெய ரெல்லாம் யாரைக் குறிப்பது?
இன்றும் தமிழரை இராக்கதர் எனச்சிலர்
பன்னு கின்றனர் என்பது பொய்யா?
இவைக ளைநாம் எண்ண வேண்டும்.
எண்ணா தெதையும் நண்ணுவ தென்பது
படித்தவர் செயலும் பண்பும் ஆகுமா?

வழக்கம் என்பதில் ஒழுக்கம் இல்லையேல்
கழுத்துப் போயினும் கைக்கொள வேண்டாம்.
ஆயிரம் கோடி ஆண்டு செல்லினும்
தூயது தூயதாம் துரும்பிரும் பாகாது!
‘உனக்கெது தெரியும் உள்ளநா ளெல்லாம்
நினத்து நடத்திய நிகழ்ச்சியை விடுவதா?’
என்று கேட்பவனை ‘ஏனடா குழந்தாய்!
உனக்கெது தெரியும் உரைப்பாய்’ என்று
கேட்கும்நாள் மடமை கிழிக்கும்நாள் அறிவை
ஊட்டும்நாள் மானம் உணருநாள் இந்நாள்.
தீவா வளியும் மானத் துக்குத்
தீ-வாளி ஆயின் சீஎன்று விடுவிரே!

தமிழரை கொன்ற வடவரின் வெற்றியை தமிழர்களே கொண்டாடுவது எத்துணை இழிவு. இறப்பை தமிழர்கள் ஒருபோதுமே கொண்டாடுபவர்கள் இல்லை.
எதற்காக தீபாவளியை கொண்டாடுகின்றீர்கள்? என கேட்டால் எம் முன்னோர் கொண்டாடினார்கள் அதனால் கொண்டாடுகின்றோம் என கூறுகிறார்கள்.
பண்டை தமிழர்கள் தீபாவளி கொண்டாடிய வரலாறு இல்லை. சுமார் சில நூறு ஆண்டுகள் மட்டுமே தெள்ளு தமிழுக்கு ஏற்பட்ட தாழ்ச்சியின் விளைவாக கொண்டாடுகிறோம்.

கார்த்திகை விளக்கீடு வேறு. தீபாவளி வேறு.63 நாயன்மார் காலத்திலும் 12 ஆழ்வார் காலத்திலும் கொண்டாடப்படாத தீபாவளி இன்று தமிழர்களால் கொண்டாடப்படுவது ஏன்?
தமிழர்களின் திரு நாள் தை திரு நாள். தீபாவளி தமிழர் பண்டிகை அல்ல என்பதற்கும் அப்பால் தீபாவளி தமிழர்களை இழிவு படுத்தும் ஒரு விழா என்ற உண்மையை தமிழர்கள் புரிந்து கொள்ள வேண்டும். விழாக்களை கொண்டாடுவதற்கு முன்பு எதற்கு கொண்டாடுகின்றோம் என ஆய்ந்து அறிந்து கொண்டாட வேண்டும்.

அன்புடன்- தமிழவன்
பொன் ரங்கன்
தமிழர் தேசியம் மலேசியா

SHARE THIS STORY :    

   

உங்கள் கருத்துகளை பதிவுசெய்யுங்கள் (Share Your Comments)

விதிமுறைகள்: கருத்து ஆபாசமானதாக, அருவருக்கத்தக்கதாக, பிறரை அல்லது பிறரது சமயத்தை, சமூகத்தை இழிவுபடுத்துவதாக இருக்கக்கூடாது. அவ்வாறான கருத்துகள் அனுமதிக்கப்படாது. கருத்து சுருக்கமாகவும் பொறுப்புடனும் தெரிவிக்கப்பட வேண்டும். நீங்கள் பதிவு செய்யும் கருத்துக்கு நீங்களே முழு பொறுப்பாளி.

  • கரு.தமிழ்ச்செல்வன் wrote on 26 அக்டோபர், 2017, 19:47

    ஒருவன் தன் பக்கத்து வீட்டுக்காரனிடம் புலம்பினான்.
    “மழை பெய்தால் என் வீட்டுக் கூரை ஒழுகுகிறது’. அதற்கு அந்த பக்கத்து வீட்டுக்காரன்,
    ‘அதனால் என்ன. கூரையை சரி செய்து விடலாம். அல்லது கூரையை மறுபடி வேயலாம்’
    அதற்கு வீட்டுக்காரனோ.
    ‘அதெல்லாம் முடியாது. ஒன்று நான் என் வீட்டை இடித்து தள்ளப்போகிறேன். அல்லது மழை வராமல் வானத்தை மூடப் போகிறேன்.’

    இதுவும் சூசகம் தான். அதன் உள்ளர்த்தத்தை புரிந்து கொள்ள முடியாதவர்கள் சாட வேண்டாம். புரிந்து கொள்ல முடியாதவர்கள் பணிவாகக் கேட்டால் சூசகம் விளக்கப்படும்.

  • தேனீ wrote on 26 அக்டோபர், 2017, 22:20

    கூரையை சரி செய்து விடலாம் என்றால் அது எங்க வீட்டு கூரை வர்ணத்தில் போட்டால்தான் சரியாகும் இல்லையேல் ஒழுகுகின்ற வீட்டிலேயே குடியிரு தமிழா என்றால் அதற்கு ஏன் சீரமைப்பு? Start afresh!

  • கரு.தமிழ்ச்செல்வன் wrote on 27 அக்டோபர், 2017, 10:37

    கூரை ஒழுகுதல் தானே பிரச்சினை அப்புறம் எந்த வண்ணத்தில் கூரை இருந்தால் என்ன? உங்க வீட்டு வண்ணத்திலே இருப்பதும் சிறப்புதானே?

  • Dhilip 2 wrote on 27 அக்டோபர், 2017, 14:35

    இனிமேல் எந்த ஒரு தமிழரும் தான் விருப்ப பட்ட எந்த ஒரு கடவுளையும் கூட சுதந்திரமாக வணங்க முடியாது! அப்படி நீ வணங்கினால் , 7 நூற்றாண்டில் அவர் அப்படி சொன்னார் , இவர் இப்படி சொன்னார் ! எனவே நீ திராவிடன் ! இல்லை இல்லை திருட்டு திராவிடன் , உங்கம்மா கலப்படம் , உங்க பாட்டி கலப்படம் ……… இப்படியே அந்த படம் இல்லாக்காடி இந்த படம் என்பார்கள் ஒரு தீவிரவாத கும்பல் ! இவர்கள் சொல்லும் கடவுளைத்தான் வணங்க வேண்டும் என்பர் ! நீ ஒரு சுடுகாட்டு காளியையோ , மதுரை வீரனையோ வழிபட்டால் , உன்னை எல்லி நகையாடுவார்கள் தமிழா எல்லி நகையாடுவார்கள் ! நீ கவலை படாதே , உடனே என் கிட்ட சொல்லு, அப்புறம் அவன் நிலைமையை பாரு ! கேக்கிற கேள்வியில் பைத்தியம் புடிச்சி அலைவான் ! தட்சன் நடத்திய யாகத்தில் சிவா பெருமானை அவமானப்படுத்தவே அவில்பாகம் தரப்படவில்லை! கோவ கனலாக மாறிய அன்னை சக்தி, தீயினுள் பாய்ந்தார். அந்த கோவத்தின் விளிம்பாக வீர பத்திர காளியாக உருவெடுத்தார். வீர பத்திரர் ஒரு ஆணாகவும் , மகா காளி பெண்ணாகவும் அந்த யாகத்தை அடித்து நொறுக்கினர் ! எல்லாம் முடிந்ததும் வீர பத்திரர் சமாதானம் ஆகி சிலையானார் ! ஆவேசம் அடங்காத மகா காளி மக்களை காய படுத்தவே , சிவபெருமானே தோன்றி அங்கிருந்த சுடுகாட்டிற்கு வர செய்து , கோவத்தை நடனமாக்கினார் ! தன் இடது காலை தூக்கி இடது செவியில் அடித்து அடித்து ஆடி மகா காளியை வென்றதும் , காளி சமாதானம் ஆனார் ! பின் ஒரு சிவலிங்கத்தை பிரதிருஷ்டை செய்தார்; பூஜை செய்யவே ! இன்று அந்த லிங்கம் ஜோதிர்லிங்கமாக , 10 கடவுள் பிரதிருஷ்டை செய்த லிங்கங்களில் ஒன்றாக விளங்குகிறது ! இதில் , மகா காளியை வணங்கி வருபவரும் தமிழராக இருக்கலாம். எனவே , இறை வழி பாடு என்பது உன் சுதந்திரம் தமிழா , அதை ஒரு போதும் விட்டு கொடுக்காதே !

  • தேனீ wrote on 28 அக்டோபர், 2017, 14:44

    தமிழரை அறிவார்ந்த சமய நெறிக்கு உயர்த்த வேண்டாம். . அவர் அப்படியே புராணக்கதைகளைக் கேட்டுக் கொண்டு மயக்க அறிவோடு வாழட்டும் என்று அறிவுரை கூறுவோர் தமிழரின்பால் உண்மை அன்பும் அரவணைப்பும் கொண்டவராக இருப்பாரா?

    காலம் மாறி விட்டது. உலகில் உயர்வடைந்த மதங்கள் எல்லாம் இறைவன் ஒருவன் என்ற கோட்பாட்டுக்கு வந்து மாக்களை மக்களாக்கி வருகின்றன.

    அதனால் தமிழர் தங்களை ‘இந்து’ என்ற புரியாத பெயரை வைத்துக் கொண்டு திக்குத் தெரியாத காட்டில் வாழ வேண்டாம். அது போக வேண்டிய ஊருக்கு வழி காட்டாது என்று அறிவுரை கூறுகின்றோம். அறிவுடையோர் மெதுமெதுவாக இவ் அறிவுரையை ஏற்று படிப்படியாக மாறத் தொடங்கி விட்டனர்.

    மாற்றம் ஒன்றே மாற்றமில்லாதது என்ற வழக்கு உண்மையாகும் காலம் 21ஆம் நூற்றாண்டாகும். தமிழா இனி தமிழனாக வாழக் கற்றுக் கொள். உனக்கு ஒரு நெடிய வரலாறு உண்டு. அந்த வரலாற்றின் வழி வந்த இந்த பழம் இனம் இனி வாழ வேண்டுமானால் நாம் மாறித்தான் ஆக வேண்டும். வாழ்வதும் வீழ்வதும் தமிழரின் கையில். அயலார் நமக்கு மூக்கணாங் கயிறு கட்டி இழுத்துச் செல்லும் வழியில் நாம் போகலாகாது என்ற அறிவுத் தெளிவு வேண்டும்.

  • Dhilip 2 wrote on 28 அக்டோபர், 2017, 21:19

    இந்துக்களில் இருந்து 150000 தெலுங்கர்கள் விலகி நிற்கின்றனர் ! அதே போல் 100000 மலையாளிகளும் அப்படியே ! இந்து முஸ்லீம் 150000 பேர் பூமிபுத்ரா அந்தஸ்து கிடைக்கும் என்று வாய் பிளந்து , விலகி நிற்கின்றனர் ! கிறிஸ்துவ இந்துக்கள் 30000 vertican தலைவர்கள் நமக்கு இரட்டடிப்பு குடியுரிமை தருவார்களா என்று ஏங்கி நிற்கின்றனர் ! மீதம் உள்ள 20 லட்சம் தமிழர்கள் 0 . 01 % குறைவான சொத்துக்கள் மட்டுமே வைத்து கொண்டு , என்ன பேச்சு பேசறாய்ங்கனு நினைக்கிறீங்க ? இனி வரும் காலங்களில் , மற்ற இனத்தவன் கூப்பிடு உதைத்தாலும் , வாய் முடித்தான் செல்ல வேண்டும் ! நம்மவர்களை அழிக்க நாமேதான் மதம் மொழி என்று பிரிவினைகளை உண்டு பண்ணோம் ! எனவே பலனை அனுபவிற்கும் நேரம் இது ! ஆளும் கட்சி 14 தேர்தலில் ஜெயித்ததும், இந்தியர்களின் குடியுரிமையை பறியுங்கள் , 2 / 3 பெரும்பான்மையை வச்சு !

கருத்துகளை தமிழில் தட்டச்சு செய்ய முடியும். உதாரணம் : "amma" என்று டைப் செய்து SPACEBAR-ஐ அழுத்தினால் "அம்மா" என்று தோன்றும் (Press Ctrl+g to toggle between English and Tamil)

%d bloggers like this: