சென்னை,
பெருநகர சென்னை மாநகராட்சியின் முன்னாள் மேயர் சைதை துரைசாமி அளித்த பேட்டியில் கூறியதாவது:-
2012-ம் ஆண்டில் நான் மேயராக இருந்தபோது, டெங்கு காய்ச்சலுக்கு தீர்வு ஏற்படுத்துவது தொடர்பாக மாநகராட்சி சுகாதாரத்துறை அதிகாரிகளுடன் ஆலோசனை நடத்தினேன். அப்போது, டெங்கு காய்ச்சலுக்கு அலோபதியில் மருந்து இல்லை என்று அவர்கள் கூறினார்கள். இதையடுத்து, சித்த மருத்துவர்களிடம் ஆலோசனை நடத்தியபோது, டெங்கு காய்ச்சலுக்கு நிலவேம்பு கசாயமும், பப்பாளி இலைச்சாறும் தான் தீர்வு என்று அவர்கள் கூறினார்கள்.
சராசரியாக மனிதனுக்கு 1½ லட்சம் முதல் 4 லட்சம் வரை தட்டணுக்கள் இருக்கவேண்டும். தட்டணுக்கள் குறையும்போது தான் உயிரிழப்பு நேரிடுகிறது. உடலில் ரத்தக்கசிவு ஏற்பட்டதன் அடையாளமாக சிவப்பு புள்ளிகள் வருவதுதான், இதனுடைய இறுதிக்கட்ட அறிகுறி.
டெங்கு காய்ச்சல் தாக்கம் ஏற்பட்டால், ரத்த தட்டணுக்களை கவனித்து பப்பாளி இலைச்சாறு மற்றும் நிலவேம்பு கசாயம் கொடுத்தால் காப்பாற்றிவிடலாம். ரத்த தட்டணுக்களின் எண்ணிக்கையை செலவு இல்லாமல் பப்பாளி இலைச்சாறு அதிகரிக்கிறது. இதன்மூலம் டெங்கு காய்ச்சலால் ஏற்படும் மரணம் தவிர்க்கப்படுகிறது.
இந்த மருந்துகளை மத்திய அரசால் அங்கீகரிக்கப்பட்ட கிண்டியில் உள்ள ‘கிங்’ பரிசோதனை நிலையத்தில் பரிசோதனை செய்து கொடுத்த சான்றிதழுடன், நானும், சுகாதாரத்துறை செயலாளர் டாக்டர் ஜெ.ராதாகிருஷ்ணனும் அப்போது முதல்-அமைச்சராக இருந்த ஜெயலலிதாவின் கவனத்துக்கு எடுத்துச்சென்றோம்.
இதையடுத்து நிலவேம்பு கசாயம் மற்றும் பப்பாளி இலைச்சாறு வழங்கு வதற்கு ஜெயலலிதா 21-11-12 அன்று அரசாணை பிறப்பித்தார். மருத்துவ முகாம்கள் நடத்தப்பட்டு அவை இலவசமாக வழங்கப்பட்டன. சென்னை மாநகராட்சி 174 சதுர கி.மீ. பரப்பளவாக இருந்தபோது, டெங்கு காய்ச்சலால் பாதிக்கப்பட்டவர்களின் எண்ணிக்கை 1,176. ஆனால் சென்னை மாநகராட்சி 426 சதுர கி.மீ. ஆக விரிவாக்கம் செய்த பின்னர் அந்த எண்ணிக்கை 931 ஆக குறைந்திருக்கிறது.
2012-ம் ஆண்டில் இந்த மருந்துகள் கொடுப்பதற்கு முன்பு டெங்கு காய்ச்சலால் பாதிக்கப்பட்டவர்களின் எண்ணிக்கை 553. மருந்துகள் கொடுத்த பின்னர் அடுத்த 3 ஆண்டுகளில் அந்த எண்ணிக்கை 378 ஆக குறைந்திருக்கிறது. 2015-ம் ஆண்டு பெருமழை வெள்ளம் வந்த சமயத்தில் 12 ஆயிரம் மருத்துவ முகாம்கள் நடத்தப்பட்டு, 18 லட்சம் பேருக்கு அவை வழங்கப்பட்டன.
சித்த மருத்துவத்தில் டெங்கு காய்ச்சலை குணப்படுத்துவதற்குரிய நோய் தடுப்பு சக்தி இருக்கிறது என்பதை நான் அனுபவரீதியாக பார்த்தவன்.
அரசு ஆணை பிறப்பித்ததும் அரசு மற்றும் தனியார் மருத்துவமனைகளில் நிலவேம்பு கசாயம், பப்பாளி இலைச்சாறு ஆகியவை கொடுக்கப்பட்டன. இது குறித்து அச்சப்பட வேண்டியதும் இல்லை, பக்க விளைவுகளும் இல்லை.
இவ்வாறு அவர் கூறினார்.
-dailythanthi.com
தமிழ் நாட்டில் தற்போதைய டெங்கி காய்ச்சலுக்கு அங்குள்ள சுகாதாரமின்மை தான் காரணம். அத்துடன் அங்குள்ள ஆட்சியில் இருக்கும் ஊழல் நாதாரிகள் தங்களின் கடமைகளை உருப்படியாக செய்யாமல் கொள்ளை அடித்தும் அதிகார துஷ் பிரயோகம் செய்தும் நாட்டை நாற அடித்து முன்னேற விடாமல் குளிர் காய்ந்து கொண்டிருக்கிற ஈனம் சகிக்கமுடிய வில்லை– அதிலும் இப்போது மோடியின் தைரியத்தில் அகங்காரம் கோடி கட்டி பறக்கிறது. அங்கு நடக்கும் தண்ணீர் பஞ்சம் ஒழுங்கு இன்மை அரசின் கையால் ஆகா தானம் அமைச்சர்களின் முட்டாள் தானம் சொல்லவே எரிகிறது. இப்படி பட்ட ஈனங்களா தமிழர்கள்? அங்கு நடக்கும் கொலை கொள்ளை கற்பழிப்பு சொல்லி மாளாது. மணல் திருட்டு அதில் சம்பந்தப்பட்டிருக்கும் அதிகாரிகள் காவல் அதிகாரிகள்– இதை எல்லாம் கண்டும் காணாமல் இருக்கும் ஈன அரசு. தங்களின் புகழ் பாட மக்கள் பணத்தில் நடக்கும் நிகழ்ச்சிகள் – ஆனாலும் இதற்க்கு எல்லாம் காரணம் அங்குள்ள மட மாக்களே. பணத்திற்கும் ஜாதிக்கும் வாக்கு போட்டு மடையர்களை அரசாள விட்டால் வேறு என்ன நடக்கும்? நில வேம்பு பப்பாளி பயன்பட்டால் அதை உபயப்கிப்பது தவறில்லை-ஆனால் அதன் பின் பலனையும் தெரிந்து செயல் பட வேண்டும். அங்கு நோயாளிகளை ஒழுங்காக பராமரிப்பதில்லை -மருத்துவ மனையே நாறிப்போயிக்கும் பட்சத்தில் அங்கு கிருமிகள் நடனமாடிக்கொண்டிருக்கும். வடக்கிலிருந்து வந்த மருத்துவக்குழுவும் பேறுக்காக வந்து போனது. எல்லாமே ஒழுங்கு இல்லாமலே இருந்தால் ஒன்றும் நடக்காது. பெரிய வல்லரசு என்று பீற்றிக்கொண்டால் மட்டும் போதாது. பக்கத்தில் சீனா எவ்வாறு கடந்த 30 தே ஆண்டுகளில் உலகின் 2 ண்டாவது நிலைக்கு உயர்ந்தது ? வடக்கில் வறட்சி -அதை தீர்க்க தெற்கிலிருந்து ஆயிரக்கணக்கான கிலோ மீட்டருக்கு தண்ணீரை கொண்டு செல்ல நீர்வழி வெட்டி உள்ளனர். உலகிலேயே இப்போது சீனாவில் தான் மிக வேக ரயில் பயணம் முதலிடத்தில் இருக்கிறது. அதேபோன்றுதான் சாலை வழிகளும் மற்றும் விமான சேவைகளும்.இன்னும் சொல்ல எவ்வளவோ. இந்தியாவிலும் தமிழ் நாட்டிலும் ஜனநாயகம் என்ற போர்வையில் கையா ஆக தானம் தான் மிஞ்சியது. எல்லாமே இலவசம் என்ற மடத்தனம் இருந்தால் ஒன்றும் சாதிக்க முடியாது. இதைப்பற்றி அங்கு யாரும் கவலைப்பட்டதாக தெரிய வில்லை.