சாபாவின் கிராமப்புற மேம்பாட்டுக்காகக் கொடுக்கப்பட்ட ரிம1.5 பில்லியன் நிதியில் நிகழ்ந்ததாகக் கூறப்படும் முறைகேடுகள் தொடர்பில் தடுத்து வைக்கப்பட்டிருந்த முன்னாள் கூட்டரசு அமைச்சரான முகம்மட் ஷாபி அப்டாலின் முன்னாள் செயலாளர்கள் இருவரை புத்ரா ஜெயா மெஜிஸ்திரேட் நீதிமன்றம் இன்று விடுவித்தது.
இருவரையும் ரிம 15,000 பிணையிலும் ஒருவரின் உத்தரவாதத்தின் பேரிலும் மெஜிஸ்திரேட் நிக் முய்ஸுடின் நிக் முகம்மட் விடுவித்தார்.
அவ்விருவரும் 2009-க்கும் 2015க்குமிடையில் சாபா அமைச்சுக்கு ஒதுக்கப்பட்ட மேம்பாட்டு நிதிகளில் நிகழ்ந்ததாகக் கூறப்படும் முறைகேடுகள் தொடர்பான விசாரணைக்கு உதவியாக அக்டோபர் 20-இல் தடுத்து வைக்கப்பட்டனர்.
அவ்விவகாரம் தொடர்பில் எம்ஏசிசி, செம்போர்னா எம்பி ஆன ஷாபி உள்பட 13பேரை விசாரணைக்காக தடுத்து வைத்துள்ளது.
பெர்னாமா
