“சைவர்களும் தீபாவளியும்” – ந.தருமலிங்கம்


“சைவர்களும் தீபாவளியும்” – ந.தருமலிங்கம்

‘ஞாயிறு’ நக்கீரன், உலகெங்கும் பரந்து வாழ்கின்ற இந்துப் பெருமக்கள் தீபாவளித் திருநாளைக் கொண்டாடி குதூகலித்தபின் சற்றே இளைப்பாறிக் கொண்டிருக்கும் இந்த வேளையில், தமிழர்கள், குறிப்பாக சைவ நெறியினை பின்பற்றும் அன்பர்கள் தீபாவளி பண்டிகையைக் கொண்டாடலாமா என்பது குறித்து மலேசிய சைவ நற்பணிக் கழகத் தலைவர் ‘திருமுறை செம்மல்’ ந. தருமலிங்கம் அளித்த விளக்கத்தை தங்களின் மனதின் ஓரத்தில் பதிய வைப்பதும் அப்படியே தத்தம் மனத் தராசில் எடை போட்டுப் பார்ப்பதும் நாளைய வாழ்வில் ஏதோவொரு வகையில் நன்மையாக அமையலாம்.

சங்கத் தமிழிலக்கியம் படைக்கப்பட்ட காலத்தில், குறிப்பாக சிலப்பதிகாரம், திருக்குறள் உள்ளிட்ட செம்மாந்த இலக்கியப் படைப்புகள் இயற்றப்பட்ட காலத்தில் தமிழர்கள் தீபத்திருநாளைக் கொண்டாடியதில்லை;

அணுவாகவும் அண்டமாகவும் அண்டத்தின் பிண்டமாகவும் இருப்பதுடன் அங்கிங்கெனாதபடி எங்கெங்கும் நீக்கமற நிறைந்திருக்கும் பரம்பொருளான சிவபெருமானை சுத்தமான மனத்துடன் நினைத்தாலே போதும்; பக்தர்கள் முன் தோன்றி அருள் வழங்கும் கருணை மனம் கொண்டவர் பரமன் என்பது எத்தனையோ நாயன்மார் பெருமக்களின் வாழ்க்கை மூலம் நமக்கெல்லாம் நிரூபிக்கப்பட்டுள்ளது;

குறிப்பாக, சடங்குகளால் இறைவனை வசப்படுத்த முடியாது. மாசற்ற மனதுடன் அவன் திருநாமத்தை ஓதி உணர்ந்தாலே போதும்; பரம்பொருளின் பெரும்பாக்கியம் நமக்கெல்லாம் கிட்டும் என்பதை மெய்ப்பித்துக் காட்டிய சமயக் குரவர்கள் வாழ்ந்து காட்டியதுடன் தமிழோடு பக்தி இலக்கியத்தையும் வளர்த்தனர். ‘உலகெலாம் உணர்ந்து ஓதற்கரியவன்’ என்று தொடங்கும் பாடலை முதலாகக் கொண்டு சிவபுராணம் என்னும் செம்மாந்த பக்தி இலக்கியத்தை சமைத்த யோகியும் நாயனாரும் வாழ்ந்த காலத்தில் சைவ நெறிதான் போற்றப்பட்டதே யொழிய தீபாவளைத் திருநாள் கொண்டாடப்பட்டதில்லை.

மொத்தத்தில், சைவ சான்றோர்களான ஆழ்வார்களும் நாயன்மார் பெருமக்களும் வாழ்ந்த அந்தக் காலத்தில் தீபாவளி கொண்டாடப்பட்டதில்லை; மாறாக, கார்த்திகைத் திங்களில் திருவிளக்கேற்றி அண்ணாமலையாரை வழிபட்ட மரபு பேரளவில் இருந்தது.

பன்றி உருவெடுத்த விஷ்ணுவிற்கும் பூமித் தேவிக்கும் பிறந்த நரகாசுரன் இறந்த நாள்தான் தீபாவளி என்று கொண்டாடப்படும் வழக்கு தமிழர்கள்மீது திணிக்கப்பட்டபின், கார்த்திகை தீப வழிபாட்டு முறை மங்கிவிட்டது. எனவே, சைவ நெறியைப் பின்பற்றும் தமிழர்கள் தீபாவளி நம் பண்டிகைதானா என்பதைப் பற்றி சிந்தித்துப் பார்க்க வேண்டும் என்று அண்மையில் கோலாலம்பூர், டான்ஸ்ரீ கே.ஆர்.சோமா அரங்கத்தில் நடைபெற்ற சைவ நெறி கருத்தரங்கில் தருமலிங்கம் பேசினார்.

இதைப் பற்றி, தீபாவளித் திருநாள் கொண்டாட்டத்தில் திளைத்திருக்கும் அன்பர்கள், குறிப்பாக சைவ நெறியாளர்கள் இதைப்பற்றி சிந்தித்துப் பார்ப்பதில் தவறில்லை.

SHARE THIS STORY :    

RELATED POSTS

No related posts found!

   

உங்கள் கருத்துகளை பதிவுசெய்யுங்கள் (Share Your Comments)

விதிமுறைகள்: கருத்து ஆபாசமானதாக, அருவருக்கத்தக்கதாக, பிறரை அல்லது பிறரது சமயத்தை, சமூகத்தை இழிவுபடுத்துவதாக இருக்கக்கூடாது. அவ்வாறான கருத்துகள் அனுமதிக்கப்படாது. கருத்து சுருக்கமாகவும் பொறுப்புடனும் தெரிவிக்கப்பட வேண்டும். நீங்கள் பதிவு செய்யும் கருத்துக்கு நீங்களே முழு பொறுப்பாளி.

  • Dhilip 2 wrote on 24 அக்டோபர், 2017, 16:21

    அந்த காலத்தில் கணினி, இணையம், அகண்ட அலை வரிசை, குறிகிய அதிவேக அலைவரிசை, இனையகூப்பை, துரித தொலைபேசி, வானொலி , காணொளி , வானுர்தி, கடலூர்த்தி, முகநூல் , குறிப்பேசி, தொலைபேசி , உலக இடவாசி, என்று நிறைய இல்லை ! உங்கள் ஞான கண்ணில் தெரியும் தீபாவளியுடம், இதனையும் தீண்டாமை வரிசையில் சேர்த்துக்கொண்டால் , தமிழ் சைவர்கள் , அமேசான் காட்டுவாசிகளுக்கு நிகராக கருத படுவர் ! நானும் உங்கள் உறுதியினை கண்டு கைகூப்பி தொழுவேன் !

  • தேனீ wrote on 24 அக்டோபர், 2017, 20:29

    ஞாயிறு நக்கீரனின் சிறப்பானதொரு பதிவு.

    சமயக் கேள்விகளில் சிறந்த ஞானமுடையவர் ஐயா திரு. நா. தர்மலிங்கம் அவர்கள்.

    சிவகுடும்ப தெய்வங்களைப் பின்பற்றி செல்லும் தமிழருக்கு அவர் இந்நாட்டில் சிறந்ததொரு வழிகாட்டியாக திகழ்கின்றார்.

    தமிழருக்கு தீப ஆவளி திருக்கார்த்திகைப் பண்டிகையாகும் என்பதை 7ஆம் நூற்றாண்டிலேயே திருஞானசம்பந்தர் பூம்பாவாய் பதிகத்தில் பாடியுள்ளார். ஆதலால் சைவ வழி வந்த தமிழர் இனி தீபாவளிக்குப் பதில் பொருள்பொதிந்த திருக்கார்த்திகைப் பண்டிகையை முன்னெடுத்து கொண்டாடுவது சிறப்பாகும்.

    இக் கட்டுரையைப் பதிந்த ஞாயிறு நக்கீரன் அவர்களுக்கு நன்றி.

  • இளந்தமிழன் wrote on 25 அக்டோபர், 2017, 1:31

    திருமுறை செல்வர் ந. தர்மலிங்கம் அவர்களை நக்கலடிககும் ஆரிய பாதவருடி Dilip 2 அவர்களை வண்மையாகக் கண்டிக்கிறேன். வைணவ சூத்திரனாக தன்மானமின்றி கொக்கரிக்கும் நீர் எங்கள் சைவநெறியைக் களங்கப்படுத்த வேண்டாம். எச்சரிக்கை!

    அன்னார் உள்ளங்கை நெல்லிபோல விளக்கம் தந்தபின்னும் அடாவடித்தனம் பண்ணுவது தோற்ற தீயவனின் கயமைத்தனம்!

  • Dhilip 2 wrote on 25 அக்டோபர், 2017, 10:26

    இளந்தமிழன் அவர்களே , “ஆரிய பாதவருடி” “வைணவ சூத்திரன்” “தீயவன்” என்று எம்மை இகழ்ந்து தள்ளியுள்ளீர்! சிவத்தை கூட “பித்தன்” என்று ஒரு அடியவர் பாடி இருக்கிறார் ! எனவே , உங்களுக்கு நிகராகா யாரும் கழுவி கழுவி ஊத்த முடியாது என்பதை ஒப்புக்கொள்கிறேன் ! ஆனால் அது எனக்கு தேவையில்லாதது , வாதத்திற்கு பொருள் சேர்க்காதது ! மீண்டும் வாதத்திற்குள் நுழைகிறேன். சைவ நெறியர்களை யாரும் கடடாய படுத்த வில்லை தீபாவளியை கொண்டாடுங்கள் என்று ! மற்ற இந்தியர்களுக்கு கிடைக்கும் விடுமுறையாலும் , தொன்று தொட்டு மலேஷியா மண்ணில் இந்தியர்கள் தீபாவளி பண்டிகை கொண்டாட பட்டு வருவதாலும் , மேலும் இந்திய தமிழர்கள் , தெலுங்கர்கள் , மலையாளி , சிங்க் இன்னும் சில பிரிவினர்கள் இதை கொண்டாடுவதினாலும் , அதன் உரிமையை அவர்களிடமே விட்டு விடலாமே என்று நான் கருதுகிறேன்! அந்த காலத்தில் இது கொண்டாட பட வில்லை என்றால் , அந்த காலத்தில் அறிவியல் வளர்ச்சி கூடத்தான் இல்லை என்று சுட்டி காட்டுவதில் தவறொன்றும் இல்லை (ரொம்ப நல்லாவே ஒரச்சிருக்கு போல). எனக்கு தெரிந்து மலேஷியா மண்ணிற்கு கொண்டு வர பட்ட இந்திய தமிழர்கள், தெலுங்கர்கள் , மலையாளீ , இன்னும் மற்றவர்கள் , ஆரம்பத்தில் கெடா வெட்டி , கல்லு சாராயம் வைத்து அய்யனாருக்கு திருவிழா எடுத்திருக்கிறார்கள் ! அதிகமான எஸ்டேட்டிலும் காவல் தெய்வ வழிபாடும் , கல்லு கடையும் , ஆயா கொட்டகையும் இருந்திருக்கிறது ! பழமையில் இருந்ததே என்று அதற்கு திரும்புங்கள் என்று நான் சொல்ல மாட்டேன். காரணம் அதையே ஒரு மார்க்கமாக ஒரு பணம் பண்ணும் கோஷ்ட்டி ஆரம்பித்துவிடும் ! மேலும், நம்மிடையே பல வேற்றுமையில் விளைந்ததுதான் இந்த பாபா , நித்யானந்தா , ISKON , இன்னும் பல பல. இப்படி பிரித்தாளுவதனாலே , இந்தியர்கள் எதற்கும் உதவாத உதவாக்கரை ஆகிறோம் ! எனவே “கடவுள் இல்லை” அல்லது “கடவுள் இருக்கிறான்” என்பவனை ஏத்துக்கலாம் அல்லது ஏத்துக்காமலும் போகலாம் ! ஆனால் நான் தான் கடவுள்னு சொல்றான் பாரு , அவன் கிட்டையே போகாத !

  • தேனீ wrote on 25 அக்டோபர், 2017, 23:14

    #குறிப்பாக, சடங்குகளால் இறைவனை வசப்படுத்த முடியாது. மாசற்ற மனதுடன் அவன் திருநாமத்தை ஓதி உணர்ந்தாலே போதும்#

    தமிழர் சமயம் சார்ந்த ஒரு பண்டிகையைக் கொண்டாடுகின்றோம் என்றால் ஆங்கே சடங்குகளுக்கு முக்கியத்துவம் அளித்துச் செய்வதல்ல விழா. இறைச் சிந்தனைக்கு முக்கியத்துவம் அளித்து செய்வதே சமய விழாவாகும். அவ்வாறு இறைச் சிந்தனை வேண்டும்பொழுது உயிர் சிந்தனையும் உடன் வேண்டப்பட வேண்டும்.

    மற்றவர்களுடன் பகுத்துண்டு வாழ்வது தமிழர் பண்பாடு. விழா எடுப்பதானால் வறியோருடன் பகுத்துண்டு வாழும் விழாவாக இருப்பது சைவர்களின் அகப்புறச் சிந்தனையை மேம்படுத்தும். அதற்கு பொங்கல் விழா நமக்குச் சிறந்த சமய பண்பாட்டு விழாவாக அமையும் என்பதில் ஐயமில்லை.

  • Dhilip 2 wrote on 26 அக்டோபர், 2017, 10:06

    கடைசியில் ஒன்னும் முடியல , பருப்பு வேக வில்லை என்றதும் பொங்கல வந்து முடிச்சிட்டாய்ங்க ….. PSM கட்சி உழவு செய்யாதவனுக்கு எதற்கு பொங்கல் என்கிறது ? மாட்டு பொங்கலுக்கு எந்த மாட்டு பின்னாடி நான் சுத்தறது ? நல்ல காட்டுரிங்கடா எதிர்காலத்தை !!

  • s.maniam wrote on 26 அக்டோபர், 2017, 18:19

    “சைவ வழி வந்த தமிழர் இனி தீபாவளிக்கு பதில் பொருள் பதிந்த திரு கார்த்திகை பண்டிகையை முன்னெடுத்து கொண்டாடுவது சிறப்பாகும் “ஐயா தருமலிங்கம் அப்படியே அரசாங்கத்திடம் ஒரு அறிக்கை கொடுத்து சைவ தமிழருக்கு ஒரு அரசாங்க விடுமுறை கேளுங்கள் ! “தமிழருக்கு தீப ஆவளி திருக்கார்த்திகை பண்டிகை 7 ம் நூற்றண்டில் திருஜன சம்பந்தர் பூம்பாவாய் பதிகத்தில் பாடியுள்ளார் ” அது எப்படி 20 ம் நூற்றண்டில் துன் சம்பந்தனாருக்கு தெரியாமல் போனது ! தூங்குவிடம் விளக்கம் சொல்லியிருந்தால் தீபாவளிக்கு பதில் திருக்கார்த்திகைக்கு பொது விடுமுறை கிடைத்திருக்கும் அல்லவா ? தீபாவளியை முன்னிறுத்தி பல ஜாதிகளாலும் ! பல மதங்களாலும் ! பிளவு பட்டு கிடக்கும் தமிழனை உங்கள் பங்கிற்கு உசுப்பேத்தி தமிழனில் இன்னோரு பிரிவை உண்டாக்கி வீட்டிற் ! சந்தோசம் ! ” பன்றி உருவெடுத்த விஷ்னுவிற்கும் , பூமி தேவிக்கும் பிறந்த நரகாசுரன் ” பன்றியும் பெண்ணும் உடல் உறவு கொள்ள முடியுமா ” மலாய் சமுதாயத்தில் சொல்வார்கள் ,” செரித்த டோகெங்”என்று இப்படியெல்லாம் சொல்லவும் எழுதவும் வெட்க்கமாக இல்லையா !! அவன் தான் இதிகாசத்தில் முட்டாள் தனமாக எழுதியுள்ளான் என்றால் ! அதையெல்லாம் கொளுத்தி போட்டு தீ க்கு இரையாக்கி அளிப்பதை விட்டு ! வேலை மெனெக்கெட்டு இது போன்ற குப்பைகளுக்கு விளக்கம் அளித்து வெட்டி பேச்சி பேசுவதோடு தமிழனையும் குழப்பி கொண்டுஇருக்கிறீகள் ! ஆல்பர்ட் ஐன்ஸ்டைன் ! சார்லஸ் டார்வின் ! போன்ற மேதைகள் ! இதை போன்ற நமது குப்பை இதிகாசங்களை படித்தால் ( நல்ல வேலை அவர்களுக்கு தமிழும் சம்ஸ்கிருதமும் தெரியாது ) இன்றுதான் தூக்கில் தொங்கி செத்துப்போவார்கள் ! விஞ்ஞானம் வியர்த்து போகும் நமது இதிகாசங்கள் ! 7 ம் நூற்றாண்டு கதைகளை விட்டு இன்று இந்த 21 ம் நூற்றண்டில் தமிழன் ,அது உம் குறிப்பாக நமது மலேசிய தமிழன் சிறப்பாக வாழும் வழிமுறைகளை சிந்தியுங்கள் ! காலம் காலமாக எது நமக்கு இருக்கிறதோ அதை கொண்டு இந்த தமிழன் சிறப்புடன் வாழ முடியுமா என்பதை சிந்தியுங்கள் ! கூ .சாரங்கபாணி முன்னெடுத்த ” தமிழர் திருநாள் தூங்குகிறது ” துன் சந்பந்தன் அவர்கள் , தோட்டங்கள் தோறும் பொங்கல் விழா கொண்டாடப்பட வேண்டும் என்று வலியுறுத்தியும் ! எந்த தலைவனும் அதை கண்டு கொண்டதாக தெரியவில்லை !

  • Dhilip 2 wrote on 26 அக்டோபர், 2017, 20:25

    இப்படி பழங்காலத்து புத்தகத்தை படித்து படித்து , பிரிவினைவாதம் உண்டானதே தவிர ஒற்றுமை இல்லை 7 % இந்தியர்களிடம்! இப்படி பொதுவில் பிரிவினை வாதம் , அதுவும் நாம் கொண்டுள்ள மதம் சார்பாக பேசி பேசி , கடந்த 30 வருடங்களில் , இந்துசங்கத்திடம் 63 சங்கங்கள் , உப சங்கங்களாக பதிந்துள்ளன ! பத்தாதற்கு தெலுங்கு சங்கங்களும் அவர்களுக்கு பாராளுமன்ற இருக்கைகளும் , மலையாளீ சங்கங்களும் அவர்களுக்கு பாராளுமன்ற இருக்கைகளும் கேற்கிறார்கள் ! இது கூட பரவா இல்லை ! NRIC யில் தெலுகு மற்றும் மலையாளீ என்று தனியாக குறிப்பிட வேண்டுமாம் ! என்னை கேட்ட்டால், ஒட்டு மொத்தமாக இந்த பிரிவினைவாதிகளை வாழ வழி இல்லாமல் செய்து (கல்வி , பொருளாதாரம் , வியாபாரம் மற்றும் வணிகம் , மேலும் சொத்து என்று எல்லாத்தையும் புடிங்கி kondu),விரட்ட வேண்டும் ! அப்படி செய்தால் மட்டுமே ஒற்றுமை மேலோங்கும் ! சென்னையில் வெள்ளம் வந்த பிறகுதான் மனிதாபி மானம் துளிர் விட்ட்து ! அதை போல !

  • தேனீ wrote on 26 அக்டோபர், 2017, 22:08

    #தமிழருக்கு தீப ஆவளி திருக்கார்த்திகை பண்டிகை 7 ம் நூற்றண்டில் திருஜன சம்பந்தர் பூம்பாவாய் பதிகத்தில் பாடியுள்ளார் ” அது எப்படி 20 ம் நூற்றண்டில் துன் சம்பந்தனாருக்கு தெரியாமல் போனது#

    துன் சம்பந்தனாருக்கு அதெல்லாம் தெரியாமல் ஒன்றுமில்லை. அன்றைய சூழலில் குஜாரத்தியினர் மற்றும் சீக்கியர்கள் அரசாங்கத்தில் உயர் பதவிகளில் இருந்தனர். அதனால் அவர் செல்வாக்குப்படி நடக்க வேண்டியிருந்தது.

    அரசாங்க விடுமுறை இருந்தால்தான் தமிழருக்கு விழா என்பது அல்ல. அரசாங்க விடுமுறை இல்லாமலேயே சொந்த விடுமுறையில் பொங்கல் விழாவைக் கொண்டாடலாம். அவ்வாறுதான் தமிழர் இன்றும் கொண்டாடி வருகிறோம்.

    திருக்கார்த்திகை காலை அல்லது மாலை நேரங்களில் சைவக் கோயில்களிலும் வீடுகளிலும் வரிசையாக விளக்கிட்டு எளிமையான வழிபாடாகச் செய்யப்படுவதால் அதற்கு தேவை நல்மனம் பணமல்ல.

    எவருக்கும் வலி கொடுக்காத தமிழர் பண்டிகைகள் இவை.

    ரவாங்கில் இப்பண்டிகை கொண்டாடப் படவில்லையானாலும் பரவாயில்லை. நாட்டின் மற்ற பகுதிகளில் கொண்டாடுவார் தமிழர். தமிழர் போர்வையைப் போர்த்திக் கொண்டு தமழருக்கே அறிவுரையா? அதனால்தான் திருமுறை என்றால் எத்தனை வெள்ளிக்கு வாங்க முடியும் என்று கேட்கின்றீர் போலும்!

  • தேனீ wrote on 26 அக்டோபர், 2017, 22:15

    மத வேற்றுமையை பாராமல் தமிழர் என்ற ஒரே சொல்லில் இணைந்துவிட்டால் மற்றவர் கதி என்னாவது? அதனால் தமிழர் என்றென்றும் ஒன்றாகி விடக்கூடாதென்று தமிழ் நாட்டில் திராவிடக் கட்சிகள் கூட்டம் அலைகின்றனர். இங்கேயும் அதே நிலையை கூடியிருந்தே குழிபறிக்கப் பலர் மறைமுகமாக செயல்படுகின்றார் என்பதை தமிழர் அறிந்தால் முடிவு விபரீதமாக இருக்கும்!

  • தேனீ wrote on 26 அக்டோபர், 2017, 22:38

    அடிமேல் அடி அடித்தால் அம்மியும் நகரும் என்பதற்கு அயலாரால் அயலாரைத் தூக்குவதற்கு போடப்பட்ட திராவிடக் கருத்தியல் வெற்றிகரமாக முடிந்தது அல்லவா?

    இப்பத்தானே இந்த புதிய கருத்தாக்கம் வந்திருக்கு. இப்பதான் சூரியன் உதிக்கின்றது. அது நடு வானத்திர்க்கு வர கொஞ்சம் நேரமெடுக்கும் அவ்வளவுதான். பொறுத்திருந்து பார்ப்போம். பொறுத்தவர் பூமி ஆழ்வார்.

கருத்துகளை தமிழில் தட்டச்சு செய்ய முடியும். உதாரணம் : "amma" என்று டைப் செய்து SPACEBAR-ஐ அழுத்தினால் "அம்மா" என்று தோன்றும் (Press Ctrl+g to toggle between English and Tamil)

%d bloggers like this: