அமெரிக்க ஓபன் டென்னிஸ்: ஷரபோவா, அசரென்கா கால் இறுதிக்கு தகுதி


அமெரிக்க ஓபன் டென்னிஸ்: ஷரபோவா, அசரென்கா கால் இறுதிக்கு தகுதி

கிராண்ட்சிலாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நடைபெற்று வருகிறது. உலகின் 3-ம் நிலை வீராங்கனையும், 2006-ம் ஆண்டு சாம்பியனுமான மரியா ஷரபோவா (ரஷ்யா) 4-வது சுற்றில் சக நாட்டைச் சேர்ந்த நாடியா பெட்ரோவாவை எதிர்கொண்டார்.

இதில் ஷரபோவா 6-1, 4-6, 6-4 என்ற செட் கணக்கில் வென்று கால்இறுதிக்கு தகுதி பெற்றார். ஷரபோவா கால் இறுதியில் 11-ம் நிலை வீராங்கனை மரியா பர்ட்டோலியை எதிர்கொள்கிறார்.

பிரான்சை சேர்ந்த பர்ட்டோலி 4-வது சுற்றில் 5-ம் நிலை வீராங்கனையான பெட்ரா குவிட்டோவை (செக்குடியரசு) 6-1, 4-6, 6-4 என்ற செட் கணக்கில் அதிர்ச்சிகரமாக தோற்கடித்தார்.

உலகின் முதல் நிலை வீராங்கனையான விக்டோரியோ அசரென்கா (பெலாரஸ்) 6-2, 6-2 என்ற நேர்செட் கணக்கில் ஜார்ஜியாவை சேர்ந்த டாடிஸ் விலியை தோற்கடித்து கால் இறுதிக்கு முன்னேறினார்.

நடப்பு சாம்பியனும் 7-ம் நிலை வீராங்கனையும், சமந்தா ஸ்டோசுர் 6-4, 6-4 என்ற நேர்செட் கணக்கில் ரோப்சனை (இங்கிலாந்து) தோற்கடித்தார். கால்இறுதியில் அசரென்கா- சமந்தா மோதுகிறார்கள்.

நடப்பு சாம்பியனும் உலகின் இரண்டாம் நிலை வீரருமான ஜோகோவிச் (செர்பியா) 6-3, 6-2, 6-2 என்ற நேர்செட் கணக்கில் பிரான்ஸ் வீரர் ஜூலியனை தோற்கடித்து 4-வது சுற்றுக்கு முன்னேறினார்.

மற்ற ஆட்டங்களில் 4-ம் நிலை வீரரான டேவிட் பெரர் (ஸ்பெயின்), ரோட்டிக் (அமெரிக்கா) வாவர்னிகா (சுவிட்சர்லாந்து) டெல் போட்ரோ (அர்ஜென்டினா) ஆகியோர் வெற்றி பெற்று 4-வது சுற்றுக்கு தகுதி பெற்றார்.

SHARE THIS STORY :    

   

உங்கள் கருத்துகளை பதிவுசெய்யுங்கள் (Share Your Comments)

விதிமுறைகள்: கருத்து ஆபாசமானதாக, அருவருக்கத்தக்கதாக, பிறரை அல்லது பிறரது சமயத்தை, சமூகத்தை இழிவுபடுத்துவதாக இருக்கக்கூடாது. அவ்வாறான கருத்துகள் அனுமதிக்கப்படாது. கருத்து சுருக்கமாகவும் பொறுப்புடனும் தெரிவிக்கப்பட வேண்டும். நீங்கள் பதிவு செய்யும் கருத்துக்கு நீங்களே முழு பொறுப்பாளி.

கருத்துகளை தமிழில் தட்டச்சு செய்ய முடியும். உதாரணம் : "amma" என்று டைப் செய்து SPACEBAR-ஐ அழுத்தினால் "அம்மா" என்று தோன்றும் (Press Ctrl+g to toggle between English and Tamil)

%d bloggers like this: