அரசாங்க ஊழியர்கள் என்ற எண்ணம் டிவி 2 தமிழ்ச்செய்திப் பிரிவுக்கு உள்ளதா எனத் தெரியவில்லை. அரசாங்க ஊழியர் என்றால் சில அடிப்படை தகுதிகள் வேண்டும்.
முதலில் ஒரு நன்றியுள்ள நாயாக வேண்டும். எஜமான் என்ன சொன்னாலும் லொள் லொள் என குரைக்க வேண்டும். வாலை ஆட்டுவதை நிறுத்தவே கூடாது. வால் இல்லையென்றால் தலையை ஆட்டித்தொலையலாம். காரணம் நாமெல்லாம் நடப்பு அரசாங்கத்துக்குக் கடமை பட்டுள்ளோம்.
சிலர், இப்போதான் நாடாளுமன்றத்த களைச்சிட்டாங்கள… அரசாங்கமே இல்ல… அப்புறம் என்ன அரசாங்க ஆதரவு என கூக்கு மாக்காகக் கேட்கலாம். ஒரு அரசு அடிமை இப்படியெல்லாம் கேட்பது தவறு. எங்காவது ஒரு நன்றியுள்ள நாய் எஜமானனை எதிர்த்து கேள்வி கேட்குமா? போட்டதை தின்னுட்டு பொத்திக்கிட்டுதானே இருக்கும் .
இப்படி அடிமையோடு இருக்க வேண்டிய இந்த டிவி 2 தமிழ்ச்செய்தி பிரிவு நேற்று (04.04.2013) பி.கே.ஆருக்கு ஆதரவாக நேற்று செய்தி வெளியிட்டதும் கொதித்துப் போனேன்.
அதாவது சுமார் 50 தமிழர்களுக்கு அடையாள அட்டை வழங்கப்பட்ட நிகழ்வில் சில முதியவர்களைப் பேட்டிக் கண்டது. அதில் சிலர் பல ஆண்டுகளாக அடையாள அட்டைக்கு அலைந்ததாகவும் இப்போதுதான் கிடைத்தது எனவும் கூறினர். அதிலும் ஒரு மூதாட்டி மிகத் தெளிவாக , “முதலில் தற்காலிக நீல அடையாள அட்டை கிடைத்தது; பிறகு சிவப்பு அட்டை, பிறகு இப்பொழுதுதான் நீல அட்டை கிடைத்தது” என கடுப்போடு கூறினார்.
இந்தச் செய்தியை வெளியிட்டதன் மூலம் டிவி 2 தமிழ்ச்செய்தி பிரிவு என்ன சொல்ல வருகிறது…
– 50 ஆண்டுகாலமாக பாரிசான் அரசு இந்தியர்கள் பிரச்னையை கண்டுக்கொள்ளவில்லை என்கிறதா?
– இப்படியெல்லாம் அலையவிட்டு இந்தியர்கள் நம்பிக்கையை பாரிசான் இழந்துவிட்டதாகக் கூறுகிறதா?
– தேர்தலுக்காக அவசரமாக 50 பேருக்கு அடையாள அட்டை கொடுத்த அரசு ஏன் இதற்கு முன்னமே செய்யவில்லை என்கிறதா?
என்னதான் சொல்லவருகிறது டி.வி 2 தொலைக்காட்சி? இதன் மூலம் இந்தியர்கள் பாரிசானை புறக்கணிக்க வேண்டும் என மறைமுகமாகச் சொல்வதாகவே நான் கருதுகிறேன்.
ஒரு அரசு அடிமைகளான தொலைக்காட்சி நிலையம் இப்படி அரசையே எதிர்ப்பது நியாயமா?
தயவு செய்து இதுபோன்ற செய்திகளைப் போட்டு கொஞ்ச நஞ்சம் இருக்கிற பாரிசானின் ஆதரவையும் கெடுக்க வேண்டாம் எனக்கேட்டுக்கொள்கிறேன்.
நீங்களெல்லாம் அரசாங்க அடிமைகள் என்பதை மறக்க வேண்டாம்!
[ம.நவீன்]
யார் ஆட்சி அமைக்கிறார்களோ அவர்களே அரசாங்கம். மக்களால் தேர்ந்தெடுக்க பட்டவர்கள். மலேசியாவில் தமிழினத்தின் வரலாறை புரட்டி பாருங்கள். நம் அடிப்படை தேவைகளை கூட நமக்கு கிடைக்காமல் இழந்து இருக்கிறோம்/வருகிறோம். தமிழ் பள்ளிகள் நிலை, வேலை வாய்ப்புகள், நிதி உதவி, அடையாள அட்டை, இப்படி இன்னும் பல கோணங்களில் நம் தேவைகள் நிராகரிக்கப்பட்டு வந்தது. கடந்த 12 ஆவது பொது தேர்தல் சமயத்தில் தான் எதிர்கட்சிகள் பல விசயங்களை அம்பலபடுத்தினார்கள். மறைக்கப்பட்டிருந்த பல செய்திகள் நமக்கு தெரிய வந்தது. எதிர்கட்சிகள் பலமாக இருக்க வேண்டும், அப்படி இல்லையேல் குறிப்பாக நம் நிலைமை கேள்வி குறிதான். ஐந்தாண்டுக்கு ஒரு முறை மட்டும்தான் நாம் தேவையா? மாற்றதிற்கு அங்கீகாரம் கொடுப்போம். வரும் பொது தேர்தலில் புத்தம் புதிய அரசாங்கத்தை நம் முழு மனதோடு தேர்ந்தெடுப்போம். புயலுக்குப்பின் அமைதி வந்தே தீரும்.நம்பினார் கெடுவதில்லை நான்கு மறை தீர்ப்பு ………….
55 வருடம் நாம் ஒரே அரசாங்கத்தால் ஆண்டது போதும். மாற்றம் என்பது இப்பொழுது அவசியம் என நினைக்கின்றேன்.
அரசாங்க வேலைகளுக்கு விண்ணபிக்க “மற்றிகுலஷேன்” “மாரா” என தகுதி வேண்டும், அனால் அதற்கும் “பூமிபுத்ரா” என்ற அடையாளம் வேண்டும். அந்த அடையாளம் தமிழராக பிறந்த நமக்கு எப்படி கிடைக்கும்? திறமை உள்ள நம் தமிழ் மாணவர்களுக்கு அங்கே இடம் இல்லை, அனால் இடம் காலியாக இருகின்றதே என்று திறமை இல்லாதவர்களுக்கு இடம் கொடுக்கின்றனர். இதுதான் நமது நிலைமையா? இதுதான் சத்து மலேசிய வா என்று கேட்க தோன்றுகிறது. எந்த கட்சி ஆட்சிக்கு வந்தாலும் தமிழன் தன் உழைப்பில்தான் முன் வர வேண்டும். பிறகு யார் ஆட்சிக்கு வந்தால் நமக்கென்ன. ஒரு முறை ஆட்சியை மாற்றிதான் பார்ப்போமே””” அவர்கள் என்ன செய்கிறார்கள் என்று பார்போம்””””””””””””””
சட்டம் ஒரு இருட்றை
Mr கொமலியாரே நீங்க என்னதான் கருது சொன்னாலும் மக்கலோடே
நம்பிக்கை பின் கிட்ட தும்பிக்கையை போல
ஆச்சு.எதிர் கட்சியை பற்றி தொலைகாட்சில போட்டா என்ன தவறு , சொல்லும் . இந்தோனேசியர்களுக்கு நீல அட்டை கொடுகேரங்க ஆனா இங்கு உள்ள தமிழ் மக்களுக்கு கொடுபதற்கு நடுப்பு அரசாங்கத்திற்கு 56 வருஷம் ஆகனுமா.
என்னகொடுமை சார் இது. ஏன் இப்படி ஒரு பயம் .
படிச்சி படிச்சி சொல்லியும் இந்த மனிதர்கள் கேட்க மட்டங்க,அப்புறம் சொல்லி என்ன இருக்கு.போங்கே சார்!