டாக்டர் மகாதிர் முகம்மட் பிரதமராக இருந்தபோது 1998-இல், அன்வார் பதவிநீக்கம் செய்யப்பட்டதை அடுத்து அவரை “அடியோடு ஒழித்துக்கட்டும்படி” நியு ஸ்ரேய்ட்ஸ் டைம்சுக்கு உத்தரவிட்டாராம். அந்நாளேட்டின் முன்னாள் தலைமை செய்தி ஆசிரியரான ஏ.காடிர் ஜாசின் இத்தகவலைத் தெரிவித்தார்.

ஆனால், அந்நாளேடு அதற்கு முந்திய 16 ஆண்டுகளாக மகாதிருக்குப்பின் பிரதமர் பதவி ஏற்கப்போகின்றவராகவே அன்வாரை வளர்த்து விட்டு வந்திருப்பதால் அது முடியாத காரியம் என்று தாம் சொன்னதாக காடிர் கூறினார்.

“அம்னோ அதை ஏற்கவில்லை. எவ்வகையிலும் அன்வாரை ஒழித்துக்கட்டவே நினைத்தது. ஆனால், அதன் விருப்பம் நிறைவேறவில்லை என்றே நினைக்கிறேன்”.

காடிர், தேர்தல்களில் ஊடகங்களின் பங்கு என்ற கருத்தரங்கில் கலந்துகொண்டு பேசியபோது இவ்வாறு கூறினார்.