இந்நாட்டில் பதற்ற நிலை மே 13 க்கு முந்திய கலவர அளவை எட்டியுள்ளது என்று கூறிய எதிரணித் தலைவர் அன்வார் இப்ராகிம் ஆளும் கூட்டணியுடன் ஒரு தேசிய உடன்பாடு காண வேண்டும் என்று கோரிக்கை விடுத்துள்ளார்.
“மே 13, 1969 ஆம் ஆண்டில் நிகழ்ந்த தேசிய பேரிடருக்குப் பின்னர் இப்போது உருவாகிக் கொண்டிருக்கும் பதற்ற நிலையை நாம் கண்டதில்லை.
“காழ்ப்பு மற்றும் பகைமையின் குரல்கள், தப்பெண்ணம் மற்றும் ஐயத்தின் குரல்கள், நாசம் மற்றும் பாழாக்கும் குரல்கள் நாம் அந்த தேசிய பேரிடரால் ஏற்பட்ட நாசத்திலிருந்து உருவாக்கிய நல்லிணக்கம், ஒத்துழைப்பு மற்றும் புரிந்துணர்வு ஆகியவற்றை மூழ்கடித்து மாளச்செய்ய முயல்கின்றன”, என்று அன்வார் இன்று சுபாங்கில் ஆற்றிய ஒரு சிறப்பு உரையில் கூறினார்.
பூசலைத் தீர்த்து நல்லிணக்கம் ஏற்படுவதற்கு எதிரணி மீண்டும் மீண்டும் விடுத்த அழைப்பை ஆளும் கூட்டணி உதாசீனப்படுத்தி விட்டதை ஒப்புக்கொண்ட அன்வார் இப்ராகிம், அதன் காரணமாக இப்போது மக்களை, பிஎன் ஆதரவாளர்கள் உட்பட, சந்திக்கிறோம் என்றார்.
“எனது சக மலேசியர்களே, எழுச்சி பெறுங்கள், உங்களுடைய குரல்களை செவிமடுக்கச் செய்யுங்கள்:, என்று அன்வார் அறைகூவல் விடுத்தார்..
இதற்க்கு முழு முதற் காரணம் அம்னோவும் பிரதமருமே. தன்னுடைய பலவீனத்தையும் இந்த அரசாங்கத்தின் பலவீனத்தையும் மறைக்க ஆடும் அப்பட்டமான அரசியல் நாடகம். வஞ்சத்தோடு நடத்தும் நாடகம் அவங்களுக்கு அழிவைத்தான் கொடுக்கும். அல்லா பதில் சொல்லுவார்.
அன்று–மே 13 1969 –ல் இவ்வளவு அகங்காரமாய் அம்னோ காரன்கள் பேச வில்லை .ஆனால் தேர்தலில் பல இடங்களை இழந்த காரணத்தினால் மலாய் காரன் அல்லாதவர்களை ஒழிக்க அந்த இனக்கலவரம் அம்னோவினால் ஆரம்பிக்கப்பட்டது.
வேண்டும் என்றே, அரசாங்கத்திற்கும் சட்டத்தை நிலைநாட்ட வேண்டியவருக்கும் தெரிந்தே செய்யும் நாடகத்தை நாம் எல்லாம் பார்த்துக் கொண்டுதான் இருக்கின்றோம். கூடிய விரைவில் இந்த “Online Media” – க்கள் எல்லாம் வலுகட்டாயமாக நிறுத்தப்பட வேண்டிய சட்ட திட்டங்கள் வந்தாலும் ஆச்சரியப் படுவதற்கு ஒன்றுமில்லை. இதுதான் அவர்களின் உள்நோக்கமே.