அமைச்சர்கள் தங்கள் சொத்து விவரங்களை பகிரங்கமாக அறிவிக்க வேண்டும் என்ற வேண்டுகோளை
புதிய வெளிப்படை அமைச்சர் பால் லோ தவிர்ப்பதாக பினாங்கு முதலமைச்சர் லிம் குவான் எங் குற்றம் சாட்டியுள்ளார்.
அமைச்சர்கள் அங்கு மறைப்பதற்கு என்ன இருக்கிறது என அவர் வினவினார்.
பினாங்கு ஆட்சி மன்ற உறுப்பினர்கள் தங்கள் சொத்துக்களை பகிரங்கமாக அறிவிக்கச் செய்த பினாங்கு அரசாங்கத்தை அந்த பிரதமர் துறை அமைச்சர் பாராட்டியதாக லிம் சொன்னார்.
“கூட்டரசு அரசாங்கத்தின் நேர்மையை நிலை நிறுத்துவதற்கு அது போன்ற நடவடிக்கையை எடுக்காமல்
அவர் ஏன் இப்போது வேறு வகையான நிலையைப் பின்பற்றுகிறார்,” என டிஏபி தலைமைச்
செயலாளருமான லிம் வினவினார்.
“இப்போது பால் லோ பிஎன் அமைச்சர் ஆவார். அதனால் அவர் பிஎன் -னுடைய பிரச்சாரப் பிடிக்குள்
சிக்கிக் கொண்டு விட்டார். அமைச்சர்கள் பகிரங்கமாக தங்கள் சொத்துக்களை அறிவிப்பது
அவர்களுடைய தனிப்பட்ட பாதுகாப்புக்கு மருட்டலை ஏற்படுத்தும் என அவர் சொல்கிறார்.”
“மறைப்பதற்கு அமைச்சர்களிடன் என்ன தான் இருக்கிறது ?” என லிம் கேட்டார்.
மாநிலச் சட்ட மன்ற உறுப்பினர்களும் கூட தங்கள் சொத்துக்களை அறிவிப்பதற்கான நடவடிக்கையைத் தமது நிர்வாகம் எடுத்துள்ளதாகவும் அவர் மேலும் சொன்னார்.
தங்கள் சொத்துக்களை அறிவித்ததால் லோ குறிப்பிட்டுள்ளது போல பினாங்கு ஆட்சி மன்ற உறுப்பினர்களுடைய பாதுகாப்புக்கு மருட்டல் ஏற்படவில்லை என்பதை பினாங்கு அனுபவம் காட்டியுள்ளதாக அவர் குறிப்பிட்டார்.
“ஒரு வேளை எங்களிடம் சில சொத்துக்கள் மட்டுமே இருப்பதால் தாக்கம் ஏதும் ஏற்படவில்லையோ ?
எங்கள் தனிப்பட்ட பாதுகாப்புக்கு மருட்டல் ஏற்பட்டால் அது பிஎன் ஆதரவாளர்களாகவும் பெர்க்காசா
ஆதரவாளர்களாகவும் உள்ள இனவாதிகளிடமிருந்து வர வேண்டும்,” என அவர் சொன்னார்.
மடியில் கணம் இலாதவனுக்கு வழியில் பயம் இல்லை…
லிம் குவாங் எங் மட்டும் என்ன மிக நேர்மையான மனிதாரா?
பினாங்கு மாநில அரசு சாசன விதி 12ஐ மீறித்தானே பினாங்கு மாநில சட்மன்ற உறுப்பினர் ஆனார். மலாக்கா வாசியான அவர் எப்படி பினாங்கின் முதல்வாராக முடியும், அப்பதவி பினாங்கில் வசிப்பவர்களுக்கு மட்டுமே உரிமையானது. மற்றவர்களைப் பற்றி குறை கூறவோ கருத்து சொல்லவோ இந்த நபருக்கு என்ன அருகதை இருக்கிறது. உண்மையையும் நேர்மையையும் பற்றி
பேசுபவர்கள் முதலில் தாங்கள் உண்மையானவர்களாகவும் நேர்மையானவர்களாகவும் இருக்க வேண்டும்.
சகோதரர் திரு மாணிக்கம் நடேசன் அவர்கட்கு, உங்கள் தகவலுக்காக மட்டும் இதைப் பகிர்கிறேன். மலாக்கா மாநில ஆளுநர்களாக (YDP) , மற்றும் மந்திரி புசார்களாக , வெவ்வேறு மாநிலத்தில் பிறந்தவர்கள் இருந்திருக்கிறார்கள். இந்நிலை மற்ற மாநிலங்களிலும் நிலவியிருக்கலாம் என்பது மட்டும் நிச்சயம். இங்கு திரு LIM ENG GUAN கேட்பது ஒருவரின் வருமானத்திற்கு மீறிய சொத்துடைமையைப் பற்றியதாகும். அதிலும் மக்கள் பிரதிநிதிகள் தங்கள் பதவி, செல்வாக்கின் துணைகொண்டு அத்துமீறிய சொத்துக் குவிப்பு செய்திருந்தால் அது பொது மக்களின் நலனையும் பாதிக்கும் என்பதால். நேர்மையுள்ளவர் மட்டும்தான் கேள்வி கேட்க வேண்டும் என்றால். மக்கள் பிரதிநிதிகள் தொடர்ந்து அத்து மீறிய வகையில் சொத்து குவிப்பு செய்வதை நீங்கள் ஆமோதிப்பது போல் ஆகி விடும். தவறிருந்தால் மன்னிக்கவும். தொடர்ந்து எழுதி வாருங்கள். நன்றி
பில்கேத்டை விட பணக்காரர்கள் அவ்வளவுதான்.எப்படி வந்தது என்று பதில் சொல்ல வேண்டுமே?
மாணிக்கம், என்னையா சும்மா பேசிகொன்டிருகின்ரீர்? சட்டத்தை மீறி இருந்தால் அவரின் நியமனம் செல்லாது என தே.மு. க்கு வழக்குத் தொடர தெரியாதா என்ன? என் நீங்களே வழக்கு போடலாமே? அதை விட்டு விட்டு வீணே பிதற்றுகின்றீர்?