பிரதமர்  நஜிப்  அப்துல்  ரசாக்மீது  சொந்தக்  கட்சிக்கே  நம்பிக்கை இல்லாமல்  போய்விட்டது  என்பதால்  அவர்  திடீர்  தேர்தலை  நடத்திப்  புதிய அதிகாரத்தைப்  பெறுவது  அவசியம்  என்கிறார்  எதிரணி  எம்பி  ஒருவர்.

அப்படிச்  செய்வதன்வழி  நஜிப்,  முன்னாள்  பிரதமர்  டாக்டர்  மகாதிர்  உள்பட  அவரைக்  குறைகூறுவோரின்  வாயை  அடைக்க  முடியும்  என  காலிட்  சமட்(பாஸ்- ஷா ஆலம்)  கூறினார்.

“பிரச்னை  என்னவென்றால்,  எதிரணியினர்,  மக்கள் ஆகியோரின்  நம்பிக்கையை மட்டுமா  பிரதமர்  இழந்திருக்கிறார்,  சொந்தக்  கட்சிக்குள்ளும்  நெருக்கடியை  எதிர்நோக்குகிறார்”, என  மக்களவையில்  11வது  மலேசிய  திட்டம்மீது  வாதமிடும்போது  காலிட்  கூறினார்.

“இதற்குத்  தீர்வு  காண  ஒரே  ஒரு  வழிதான்  உண்டு. நாடாளுமன்றத்தைக்  கலைத்துவிட்டு  பொதுத்  தேர்தலை  நடத்துங்கள். மகாதிரின்  வாயை  அடக்க  இது  ஒன்றே  வழி”, என்றாரவர்.