புத்ரா  ஜெயா, துணிச்சலாகக்  கருத்துத்  தெரிவிக்கும்  அரச குடும்பத்தாரைக்  கவனித்துக்  கொண்டிராமல் 1எம்டிபி  மீதும்  மற்ற  தேசிய  விவகாரங்கள்மீதும்  கவனம்  செலுத்துவது  நல்லது  என ஜொகூர் பட்டத்திளவரசர்  துங்கு  இஸ்மாயில்  சுல்தான்  இப்ராகிம்  வலியுறுத்தினார்.

“என்னைப்  பயன்படுத்தி 1எம்டிபி-இலிருந்தும்  மற்ற  தேசிய  விவகாரங்களிலிருந்தும்  கவனத்தைத்  திசைதிருப்ப  முயலாதீர்.

“நாட்டுக்கு  உண்மையாகவும்  நேர்மையாகவும்  பணியாற்றும்  தூய்மையான, வெளிப்படையான  அரசியல்வாதிகளே  தேவை”, என  துங்கு  இப்ராகிம்  ஜோகூர்  கால்பந்துக்  குழுவின்  முகநூல்  பக்கத்தில்  கூறினார்.

துங்கு  இப்ராகிம்   ஜோகூர்  கால்பந்துக்  குழுவின்  தலைவராவார்.