எத்தனை  எதிர்ப்பு  வந்தாலும்  ஹுடுட்  சட்டத்துக்காகக் குரல்  கொடுப்பதை  நிறுத்தப்போவதில்லை  என்று  சூளுரைத்துள்ளார் பாஸ்  தலைவர்  அப்துல்  ஹாடி  ஆவாங்.

முஸ்லிம்கள்  அவர்கள்  டிஏபி-இல்  இருந்தாலும்  பாஸ், அம்னோ  அல்லது  வேறு எந்த  அரசியல்  கட்சியில்  இருந்தாலும் அச்சட்டத்தை  ஆதரிக்க  வேண்டும். அது  அவர்களின்  கடமை  என்றாரவர்.

“மக்களுக்கு  அமைதியான  முறையில் போதிப்பதே  எங்களின்  அணுகுமுறை. சில  தரப்புகள்  எங்களுடன்  சண்டையிட  விரும்பினாலும்  நாங்கள்  சண்டையிட  மாட்டோம்”, என்றவர்  கூறினார்.

“எங்கள்  சுலோகம்  இதுதான்: குரைக்கும்  நாய்கள்  குரைக்கட்டும், எங்கள் திட்டத்தை நிறைவேற்றும்  பணி,  எங்கள்  இலக்கை  அடையும்  பணி  தொடரும்”. நேற்றிரவு கப்பளா  பத்தாசில்  தம்  ஆதரவாளர்களிடையே  பேசியபோது  ஹாடி இவ்வாறு  கூறினார்.