ஷாங்கை:””நீர்மூழ்கிக் கப்பலை வைத்து இந்தியாவை அச்சுறுத்தும் எண்ணம் இல்லை” என சீனா விளக்கம் அளித்துள்ளது.
ஷாங்கை நகருக்கு சில இந்திய பத்திரிகையாளர்களை அந்நாட்டு அரசு அழைத்துள்ளது. சீனாவின் நீர்மூழ்கி எதிர்ப்பு போர்க்கப்பல்களை இந்திய பத்திரிகையாளர்களுக்கு சீன கடற்படையின் காண்பித்தனர். அவர்களிடம் அந்நாட்டு கடற்படை மூத்த தளபதி வெய் சியோ டாங் கூறியதாவது:பாகிஸ்தான், இலங்கை, வங்கதேசம் போன்ற நாட்டு துறைமுகங்களுக்கு எங்கள் (சீனா) நீர்மூழ்கிக் கப்பல் செல்வதால் இந்தியா அச்சப்படத் தேவையில்லை.
தெற்காசியாவில் பெரிய ராணுவ பலசாலியாக தன்னை சீனா நினைத்துக்கொள்ளவில்லை. தற்காப்பை மட்டுமே நாங்கள் கவனத்தில் கொள்கிறோம். 1987 முதல் கடற்படையில் பணிபுரிகிறேன். இதுவரை ஒருமுறை கூட இந்திய பெருங்கடலுக்கு நான் சென்றதில்லை. இந்தியாவைச் சுற்றி வளையம் எதையும் நாங்கள் அமைக்கவில்லை. அது முடியவும் முடியாது.
இந்தியாவுடன் ஒற்றுமையுடன் இருக்கவே நாங்கள் விரும்புகிறோம். கடந்த காலங்களில் நான்கு இந்திய போர்க்கப்பல்கள் சீனாவுக்கு நட்பு முறையில் வந்தன. தொடர்ந்து அதுபோல் வர வேண்டும் என விரும்புகிறோம். இவ்வாறு அவர் கூறினார்.
-http://www.dinamalar.com
நம்ப வைத்து முதுகில் குத்தும் புத்தி உள்ளவர்கள் இந்த சீனாக் காரர்கள். ஐ.நா. பாதுகாப்பு சபையில் உண்மைக்கும் நேர்மைக்கும் எதிராக தனது இரத்து அதிகாரத்தைப் பயன்படுத்தி பல பிரேனைகளை தோர்கடித்தவர்களின் இலட்சணம்தான் இந்த சீனா!. இன்று சம்பந்தமே இல்லாத தென் சீனக் கடலை முற்றிலுமாக அபகரிக்கப் போடும் திட்டம் கொண்டு இவர்களின் உண்மையானா சொரூபம் தெரிந்து விட்டது. ஆசியாவில் சீனாவுக்கு எதிராக இராணுவ பலத்தைக் கொண்டு நிற்பதற்கு தகுதியுடைய ஒரே நாடு இந்தியா மட்டும்தான். அதனால் அந்த சீனாக் காரனை நம்பாமல் இந்தியா 2018 – க்குள் ஒரு இராணுவ வல்லரசாக மாற வேண்டும். அதற்க்கு இப்போது மேற்கொண்டு வரும் இராணுவ பல பெருக்கம் அதி தீவீரமாக தொடர வேண்டும். கீரைக் கடைக்கும் எதிர் கடை வேண்டும்.
சிங்களவனை செல்லப்பிள்ளையாக வைத்துகொள்ள இந்திய பல லட்ச ஈழ மக்களை பலி கொடுத்தது உலகம் அறியும்.சீனாவின் ஆதிக்கம் இந்திய பெருங்கடல் மற்றும் இலங்கை பக்கம் வரகூடாது என்பதற்காக யாரோ ஒரு/பல முட்டாள் கொடுத்த அறிவுரை இது.சீனாகாரன் iஇந்திய பெருங்கடல் மற்றும் இலங்கை பக்கம் வந்துவிட்டான் .அப்பாவி ஈழ மக்கள் படுகொலை செய்ய பட்டதுதான் மிச்சம்.
சீனாவை குறை கூறுவது சரியாகாது– நம்முடைய முட்டாள்தனத்திற்கு அவனை குறை கூறுவதா? 30 ஆண்டுகளுக்கு முன் ஏழ்மையிலிருந்து இன்று உலகத்தின் இரண்டாவது பொருளியல் –அமெரிக்காவே இவனிடம்175 ட்ரில்லியன் கடன் வாங்கி இருக்கிறது. நம்முடைய கையால் ஆகாதனத்தினால் மற்றவர்களை குறை கூறுவதா? அவன்கள் நாட்டில் ஒற்றுமை இருக்கிறது –ஒரே நாடு என்று பெரும்பாலோர்கள் எண்ணுகிறார்கள். இந்தியாவில் உள்ள ஜாதி பித்து பிடித்த அகம்பாவ ஜென்மங்கள் அவ்வளவு சீனாவில் இல்லை. திறமைசாலிகள் .
தண்ணீருக்காக அங்கு நடக்கும் போராட்டத்தையே தீர்க்க முடியாத அரசியல் நிலையிலேயே அங்குள்ள வண்டாவாளம் தெரிய வேண்டும். நான் வெறுமனே குறை சொல்லவில்லை– இவ்வளவு இழிநிலையா அங்கு–என்று வயிர் எரிந்து சொல்லவேண்டிய கட்டாயம். இந்தியா இன்று ஊழல் இல்லாமல் ஒழுங்காக ஒற்றுமையாக இருந்தால் நமக்கும் இங்கு மரியாதை. இன்று சீனாவுக்கு ஏன் இவ்வளவு மரியாதை? எல்லாமே பொருளாதாரம்தான் — இந்தியாவில் பக்கத்து மாகாணமே தண்ணீர் உதவி செய்யாமல் -ஒன்றுக்கு ஒன்று சச்சரவு –இதை எல்லாம் கலையாத மத்திய அரசு– 68 ஆண்டுகள் சுதந்திரம் அடைந்திருந்தும் மக்கள் வளம் இயற்கை வளமுள்ள இந்தியாவில் ஏன் இவ்வளவு மோசமான நிலை? இந்திய தொலைக்காட்சி பார்த்தல் புரியும்– அங்குள்ள தினசரி கேவலமான நிலை. நாம் முன்னேற வேண்டுமானால் வெறுமனே பெருமைப்பட்டு ஒன்றும் ஆகாது. நம்முடைய குறைபாடுகள் தெரிந்து முன்னேற செயல் படவேண்டும். இந்த வாரம் மட்டும் அங்கு நடந்த அதிகார ஆட்டம்— ஸ்டாலின் ஓடும் ரயிலில் ஒரு பயணியை அறைந்தது- ஒரு மத்திய அமைச்சர் 3 பயணிகளை வெளியேற்றி தான் பயணித்த விவகாரம்- இன்னொரு முதல் அமைச்சர் 250 பயணிகளை 2 மணி நேரம் காக்கவைத்தது. இப்படி நடந்தால் இது மட்டரகம் இல்லையா?
சீனாவின் ‘Geo Politic’ நிலைமையை அறியாமல் பேசுவது சரியாகாது. சீனாவின் வடக்கே உள்ள மொழியை தெற்கே பேசுவதில்லை. தெற்கே உள்ள மொழியை மேற்கே பேசுவதில்லை. மேண்டரின் ஒரு மொழியை மட்டும் கற்பித்தல் என்ற கோட்பாடுக்குக் கூட தெற்கே மற்றும் மத்திய மாநிலங்களில் கண்டனீஸ் (‘cantonese’) பேசும் மக்கள் அவர்தம் வட்டார மொழிக்கு முக்கியத்துவம் கொடுக்க வேண்டும் என்று போராடுகின்றார்கள். சீனாவில் பேசப் படும் வட்டார மொழிகள் இந்தியாவிற்கு சரி நிகராக இருக்கும். சீனாவில் சாதியம் இல்லை என்பது விநோதத்திலும் வினோதம். இந்தியாவில் எத்துனை சாதி இருக்கின்றதோ அத்துணை சாதியம் சீனாவிலும் உண்டு. அங்கிருந்து இங்கு வந்த சீனர்களும் அதை விட்ட பாடில்லை. இதில் பன்றி இறைச்சி சாப்பிடாத ‘Hai Lam’ என்ற வகுப்பினர் மற்ற வகுப்பினரை தரக் குறைவாகப் பார்ப்பதும், . ‘Hokkien’ மொழி பேசுவோருக்கு கண்டோன்ஸ் பேசுவோரைக் கண்டால் ஒதுங்கி நிற்பதும், அதைப் போலவே பின்னவரும் என்று இப்படி பல வேற்றுமைகளும் அவர்களிடம் உண்டு. மேலும் சீனாவின் தென் மேற்கு, வட மேற்கு மாநிலங்களில் முஸ்லிம் மதத்தைச் சார்ந்தவர் மிகுதியாக வாழும் மாநிலங்களும் உண்டு. இதை தவிர்த்து திபெத்தில் வாழுவோர் பெரும்பாலும் புத்த மதத்தைச் சார்ந்தவர். இவர்களை எல்லாம் கம்யூனிஸ்ட் ஆட்சி முறையைக் கொண்டு கிடிக்கிப் பிடியில் அடக்கி ஆண்டு வரும் சீனா எந்த நேரத்திலும் உடையலாம். இதற்கு நேர் மாறாக இந்தியா ஜனநாயக ஆட்சி முறையைக் கொண்டு பேச்சு உரிமையையும் கொடுத்து ஆண்டு வருகின்றது. இவ்வாறு வேறுபட்ட ஆட்சி முறைதான் இரண்டு நாடுகளின் பொருளாதார வேற்றுமைக்கு காரணம். இதுவும் ப.ஜ.க. சிறந்த முறையில் மத்தியில் தொடர்ந்து ஆட்சி செய்தால் இந்தியாவின் பொருளாதாரம் இன்னும் 10 வருடங்களில் சிறப்படையும் வாய்ப்பு உள்ளது. அமெரிக்க சீனாவிடம் கடன் வாங்கவில்லை. அமெரிக்காவின் பணத்தை அளவுக்கு அதிகமாக வைத்திருக்கும் சீனா வேறு வழி இல்லாமல் அமெரிக்காவின் ‘Treasury Bond’ trillion கணக்கில் வாங்கி வைத்திருக்கின்றது. அமெரிக்கா, ஏதாவது ஒரு சூழ்நிலையில் அமெரிக்கன் டாலரை உலகவில் பரிவர்த்தனை செய்வதை நிறுத்தி அது தன் நாட்டிற்குள் புதிய பணத்தை பரிவர்த்தனை செய்ய ஆரம்பித்தால் சீனாவின் நிலை அம்போ. அதனால் சீனாவை உயரே உயர்த்தி பிடிக்கவும் வேண்டாம். இந்தியாவை கீழே தாழ்த்தவும் வேண்டாம். எதிர்கால வரலாற்றைக் காண காத்திருப்போம்.
தேனீ அவர்கள் சொன்னதைப் போன்று – ” ஐ.நா. பாதுகாப்பு சபையில் உண்மைக்கும் நேர்மைக்கும் எதிராக தனது இரத்து அதிகாரத்தைப் பயன்படுத்தி பல பிரேரணைகளை தோற்க்கடித்தவர்களின் இலட்சணம்தான் இந்த சீனா!” இதில் பலப் பிரேரணைகளை எஞ்சிய வல்லரசு நாடுகள் ஆதரித்தவைகள். இதிலொன்றுதான் இலங்கையில் அன்று போர் நிறுத்தம் வேண்டி போடப்பட்ட ஐநா தீர்மானத்திற்க்கு எதிராக செயல்பட்டவர்கள். இந்தத் தீர்மானத்தை, ரஷ்யாவும் ஆதரிக்கவில்லை. ரஷ்யா என்றும் இந்திய அரசின் உணர்வுகளுக்கு மிகவும் மதிப்பளிப்பவர்கள். முடிவு ஈழத் தமிழர்கள் இனப் படுகொலை செய்யப்பட்டனர்.
முன்பொரு சமயம் CNN தொலைக் காட்சியில் Jim Clency என்ற செல்வாக்குமிக்க பத்திரிக்கை நிருபர் சீனாவை பற்றிக் குறிப்பிடும் போது “Why China always play negative role in UNSC.” என்றும் வினவினார். ஆதலால் இப்போது சீனாவைப் பற்றிச் சொல்ல ஒன்றுமில்லை.
மேலும் ஈழத் தமிழர்களின் இனப் படுகொலைக்குப் பிறகு இந்தியாவைப் பற்றிய நல்ல எண்ணமும் அடியோடுப் போய்விட்டது. இந்தியாவின் சாயமும் இப்போது வெளுத்து விட்டது. இவர்களின் லட்சணமும் இப்படித்தான் உள்ளது.