‘கபாலி’ படத்தின் படப்பிடிப்பிற்காக நடிகர் ரஜினிகாந்த் மலேசியா சென்றபோது, பெரும் வரவேற்பு அளித்தார்கள் மலேசிய ரசிகர்கள்.  தினம் தினம் திருவிழா போல் ரஜினி மலேசியாவில் செல்லும் இடமெல்லாம் கூடினார்கள் ரசிகர்கள்.  மலேசிய அரசாங்கமும் படப்பிடிப்பிற்கு பெரிதும் உதவின.

கபாலி படம் தற்போது திரைக்கு வந்துள்ள நிலையில்,  மலேசிய நாட்டின் கல்வித்துறை துணை அமைச்சர் கமலநாதன் கபாலி படம் குறித்து கருத்து தெரிவித்துள்ளார்.

மலேசிய இந்திய காங்கிரஸ் கட்சியை சேர்ந்த தமிழர் கமலநாதன், ‘’கபாலி படத்தில் மலேசிய தமிழர் பிரச்சனை குறித்து வருவது வருத்தம் அளிக்கிறது’’என்று தெரிவித்துள்ளார்.

அரசு சார்பில் இவ்வாறு வருத்தம் தெரிவிக்கப்பட்டாலும், தங்களின் பிரச்சனையை சொன்னதற்காக மலேசிய தமிழர்கள் மகிழ்ச்சி தெரிவிக்கின்றனர்.

-http://www.nakkheeran.in