மக்களுக்கு   வசதிகள்    செய்து  கொடுப்பது    அரசாங்கத்தின்   கடமை  ஐயா.  கடமை.  எம்ஆர்டி   திட்டத்தை   மக்களுக்குப்  பிரதமர்    நஜிப்   அப்துல்   ரசாக்கின்   “அன்பளிப்பு”   என்று  கூறிய      தொடர்பு,  பல்லூடக   அமைச்சர்   சாலே   சைட்   கெருவாக்குக்கு    என   பிகேஆர்   தலைமைப்   பொருளாளர்   டான்   ஈ  கியு   இவ்வாறு   பதிலடி   கொடுத்துள்ளார்.

“சாலேயால்   அன்பளிப்புக்கும்   ஆளும்  அரசாங்கத்தின்   பொறுப்புக்குமுள்ள    வேறுபாட்டைப்   புரிந்துகொள்ள  முடியவில்லையா?”,  என்று   டான்   இன்று   ஓர்    அறிக்கையில்   வினவினார்.

“சுங்கை  பூலோ- காஜாங்   எம்ஆர்டி  ரயில்  பாதைக்கு   ரிம21 பில்லியன்   செலவானது. அரசாங்க    கஜானாவில்   இருப்பது   ஜிஎஸ்டி   போன்ற   வரிகளால்   மக்களிடமிருந்து   பெறப்பட்ட   பணம்.

“அதனால்,  எம்ஆர்டி   திட்டத்தை   ஓர்   அன்பளிப்பு   என்று   சொல்லாதீர்கள்”,  என   டான்   கூறினார்.

அம்னோ- பிஎன்  அரசாங்கத்தின்   உண்மையான   “அன்பளிப்புகள்”   எவை   என்றால்   “கொடூரமான”  ஜிஎஸ்டி,   1எம்டிபி   ஊழல்,    மக்களுக்குத்   தொல்லைதரும்   விலைவாசி  உயர்வு   ஆகியவைதான்    என்றாரவர்.

அதன்   தலைவர்களின்    சொகுசு   வாழ்க்கைக்காக   மக்களை  வாட்டி   வதைக்கிறது   அம்னோ- பிஎன்  அரசாங்கம்   என்று   டான்   கூறினார்.