டிஏபி   தலைவர்   ஒருவர்,  பினாங்கு   சுரங்கப்பாதை   திட்டம்   புத்ரா  ஜெயாவின்  எம்ஆர்டி    திட்டம்போல்   அல்லாமல்   பொது   டெண்டருக்கு   விடப்பட்டது   என்றுரைத்து   பிரதமர்   நஜிப்  அப்துல்   ரசாக்குக்குப்  பதிலடி  கொடுத்துள்ளார்.

நஜிப்   சுரங்கப்பாதை   அமைப்பதற்கான   செலவு   அதிகம்   என்று   குறைகூறியிருப்பதை   டிஏபி -இன்  தேசிய  விளமபரப்  பிரிவுச்   செயலாளர்   டோனி   புவா  அது  ஒரு    ”வெட்கக்கேடான”  குற்றச்சாட்டு  என்றார்.

“இது  அடிப்படையற்ற   குற்றச்சாட்டு.  பினாங்கில்   சுரங்கப்பாதையும்   நெடுஞ்சாலைகளும்  அமைக்கும்    குத்தகை  பொது  டெண்டர்வழி   கொடுக்கப்பட்டது.

“மறுபுறம்,   எம்ஆர்டி-க்கான    ஏறத்தாழ  ரிம30பில்லியன்   குத்தகை,  பொது  டெண்டருக்கு  விடப்படாமல் ,   நேரடிப்  பேச்சுக்கள்வழி   கமுடாவுக்குக்  கொடுக்கப்பட்டது”,  என  புவா    இன்று   ஓர்    அறிக்கையில்    கூறினார்.

“நாட்டின்  60ஆம்   ஆண்டு   சுத்ந்திரத்தைக்  கொண்டாடும்   மலேசியர்கள்   நேர்மையற்ற    ஒரு  பிரதமால்    ஆளப்படுவதை    எண்ணி  உண்மையிலேயே   வெட்கப்படுகிறார்கள்”,  என்றாரவர்.