எதிர்வரும் ஞாயிற்றுக்கிழமை, முன்னாள் பிரதமர் மகாதிர் அம்னோவையும் பாரிசானையும் விட்டு விலகிய பின்னர் சரவாக்கில் முதல் முறையாக பேசவிருக்கிறார்.
கூச்சிங்கில் நடைபெறும் பக்கத்தான் ஹரப்பான் கூட்டணியின் மாநிலத்திற்கான தேர்தல் அறிக்கை பற்றிய செராமாவில் மகாதிர் பேசுகிறார்.
இச்செராமில் டிஎபியின் மூத்த தலைவர் லிம் கிட் சியாங், அமானாவின் தேர்தல் இயக்குனர் ஹாத்தா ரமலி மற்றும் மாநில ஹரப்பான் தலைவர்கள் சோங் சியன் ஜென், பாரு பியன் மற்றும் முகமட் ஃபிட்சுவான் ஸைடி ஆகியோரும் பங்கேற்கின்றனர்.
தீபகற்ப மலேசியாவின் எதிரணித் தலைவர்கள் சரவாக்கில் நுழைவதில் பிரச்சனைகளை எதிர்கொள்வது வழக்கமான ஒன்று.
ஆனால், இம்முறை மகாதிர், கிட் சியாங் மற்றும் ஹாத்தா ஆகியோர் இச்செராமாவில் பங்கேற்க அனுமதிக்கப்படுவர் என்று சரவாக் முதலமைச்சர் அலுவலகத்திற்கு அனுக்கமாக வட்டாரம் மலேசியாகினியிடம் தெரிவித்தது.
சரவாக் மாநிலத்திற்கான ஹரப்பானின் தேர்தல் அறிக்கையில் என்ன இருக்கிறது என்பது இன்னும் தெளிவாக்கப்படவில்லை.
சரவாக்கிலிருந்து தூக்கி எறியப்படாமல் இருந்தால் சரி. 3 -ம் உலக அரசியலில் நல்ல கலாச்சாரம் கிடையாது.
இவர்கள் அங்கு செல்ல வேண்டிய காரணம்தான் என்ன. தேர்தல் கொள்கை அறிக்கை பேசவா போகிறார்கள் என்பதாக தெரியவில்லை. நிச்சயம் இவர்களுக்கு ஏதாவது ஒரு கொள்கை அறிக்கை இருக்கும் அங்கு செல்வதற்கு. அதுவும் நமக்கு தெரியவில்லை. இச்செராமில் ஹரப்பான் தலைவர் மகாதிர் பங்கேற்பது வரவேற்கத்தகு இருப்பினும் இவர்கள் கிராமம் கிராமம் மகா சென்று அங்கு உள்ள மக்களின் கோரிக்கைகள் என்ன வென்று பார்க்க வேண்டும் கேட்டு அறிய வேண்டும். அங்குள்ள கிராமங்கள் அதிகமாக காடுகளில் தான் இருக்கின்றன. அவர்களில் அதிகமானோர் ஆங்கிலம் பேச கூடியவர்கள் அனால் எழுத படிக்க தெரியாதவர்கள். அந்த காடுகளின் உள்ள கிராம மக்களின் ஓட்டு தான் பாரிசான் இன்றும் வெற்றி பெற்று வருகின்றன. நகரங்களின் (டவுன்) ஓட்டுகள் எதிர்க்கட்சிக்கு விழுந்து விடும். அனால் காடுகளில் வாழும் மக்களின் ஓட்டுகள் எதிர்க்கட்சிக்கு கிடைக்க வாய்ப்பு குறைவுதான. குறிப்பாக ஒரு கிராமத்துக்கு செல்லவேண்டும் என்றால் படகு அல்லது எலிகப்டர் மூலமாகவும் தான் செல்ல வேண்டும். இச்செராமில் ஹரப்பான் தலைவர் மகாதிர் அங்கு செல்வார… என்றால் கேள்வி குறியே. இச்செராமில் முதலில் எதிர்க்கட்சி தலைவர்கள் கவனித்தால் நிச்சயம் அங்கு வெற்றி உண்டு.
கிழக்கு மலேசியாவில் நீண்ட வீடுகளில் இருப்பவர்களுக்கு ஒரு புட்டி துவாக்கும் ஒரு அகோங் தாளும் அவர்களின் வாக்குக்கு விலை. தேர்தலின் போது எத்தனை வெளி நாட்டு எலிகாப்டர்கள் கொண்டு வரப்படும் என்று பாருங்கள்– அது வெறுமனே கொண்டு வரப்படுவதில்லை – நான் சொல்வது புரியும் என்று நினைக்கிறேன். அத்துடன் அவர்களை பூமிபுத்ரா என்று கூறி மூளை சலவை செய்து வைத்திருக்கிறார்கள்.