இந்த குருமார் வழிபாட்டின் தத்துவம் என்ன? ஒரு மனிதர் தான் வாழ்ந்தக் காலத்தில் ஏதோ அற்புதங்களை நிகழ்த்தினார் என்பதற்காக (அதுவும் அதற்கு எந்த ஒரு ஆதாரப்பூர்வமான சான்றுகள் கிடையாது) அவர் வழிபாட்டிற்கு உரியவர் ஆகிவிடுவாரா?
நம்முடன் பிறந்து வாழ்ந்து நோய்வாய்ப்பட்டு இறந்த ஒருவரை (இக்குருமார்களின் இறப்பை பல மாதிரி இட்டுக்கட்டிச் சொல்வது அவரின் சீடர்களின் தொன்று தொட்டு வரும் ஒரு பழக்கம்) எப்படி கடவுளாக ஏற்றுக் கொள்வது?
வரலாற்றுக்கு முற்பட்டக் காலத்தில் நிகழ்ந்ததைத்தான் ஐதீகம் புராணம் மரபு நம்பிக்கை என்று எந்த ஒரு சான்றுகளுமின்றி எங்களை நம்பவைத்தீர்கள்!
சைவ சமய போதனைப்படி இறைவன் ஒரு நாளும் ஒரு தாயின் கருப்பையில் உண்டாகி பிறக்க மாட்டான் என்பது முடிந்த முடிபு.
குருவானவர்(உண்மை குருவாக இருந்தால் மட்டுமே, ஆனால் இந்த குருமார் வழிபாட்டில் ஈடுபடும் அனைத்து பக்தகோடிகளும் தங்கள் குரு உண்மையானவர் என்று வாதிடுகின்றனர், நித்தியானந்தா ரஞ்ஜிதா கமலீலையில் ஈடுபட்டு பிடிபட்ட பின்னரும் அவரை அவதாரப்புருஷர் என்று அவரின் பக்தர்கள் கூறுகின்றனர் முன்பைவிட தற்பொழுது அவருக்கு பெண் பக்தர்கள் மிக அதிகமாகப் பெருகி விட்டனர், இதிலிருந்தே பக்தகோடிகள் குருவை தேர்ந்தெடுக்கும் லட்சணம் தெரிகிறது! நித்தியானந்தா மட்டுமல்ல இன்னும் நிறைய குருமார்களின் யோக்கியதை இப்படித்தான் இருக்கு) மிகுந்த மரியாதைக்கும் மதிப்பிற்கும் போற்றுதலுக்கும் உரியவர்.
அப்படியிருக்க அடிப்படையில் சைவ சமயிகளான தமிழர்கள் எப்படி நம்முடன் பிறந்து வாழ்ந்து நோய்வாய்ப்பட்டு இறந்த மனிதர்களை கடவுளின் அவதாரம் என்றும் அவர் கடவுள் என்றும் நம்பி இந்த குருவழிபாட்டுக் கூட்டத்தில் போய் மாட்டிக் கொண்டனர்?
முன்பு ஒரு காலத்தில் நம் மலேசியத் தமிழர்கள் பெருந்தெய்வ வழிபாட்டோடு சிறு தெய்வ வழிபாட்டையும் கடைபிடித்து வந்தனர் பிறகு சைவ சமய அறிஞர் மற்றும் தொண்டர்களின் கடும் முயற்சியால் மலேசியத் தமிழர்கள்(இந்து சமயத்தை சார்ந்தவர்கள் மட்டுமே குறிக்கப்படுகின்றனர்) பெரும்பாண்மையோர் சைவ சமய நெறிகளுக்குத் திரும்பினர்.
சிறு தெய்வ வழிபாடும் அவற்றிக்கு உயிர் பலியிடுவதும் குறைந்தது. முனியாண்டியாக காட்டோரத்தில் இருந்த சிறு தெய்வம் முனீஸ்வரராக மாற்றங்கண்டு கோயில் உள்ளே ஒரு தனி சன்னதி அமைத்து சைவ முனீஸ்வரராக அருள் பாலித்தது. பிற்காலத்தில் இந்த முனீஸ்வரர் சிவனின் ஒரு அவதாரம் என்று மக்களால் நம்பப்பட்டு வழிபடப்பட்டார் (மலேசியத் தமிழர்களால்(இந்து சமயத்தை சார்ந்தவர்கள் மட்டுமே குறிக்கப்படுகின்றனர்)). சில பல முனீஸ்வரர் கோயில்கள் பிற்காலத்தில் சிவாலயங்களாக மாற்றம் கண்டது. அங்கு சைவ சமய முறைமைகள் கடைபிடிக்கப்பட்டது, உயிர் பலியிடுவது நிறுத்தப்பட்டது.
எது எப்படியோ மலேசியத் தமிழர்கள்(இந்து சமயத்தை சார்ந்தவர்கள் மட்டுமே குறிக்கப்படுகின்றனர்) சைவ சமயத்தை சார்ந்தவர்களாகவே வாழ்ந்தனர். எனக்குத் தெரிந்து தோட்டப்புரத்தில், மலாயாவில் குடியேறியது முதல் இருபது ஆண்டுகளுக்கு முன்பு வரை பிறந்து வாழ்ந்த தமிழர்கள் (நானும் தோட்டப்புரத்தில் பிறந்து வளர்ந்தவன் தான்) தங்களிடம் ஒருவர் வந்து நீங்கள் என்ன இனம், நீங்கள் என்ன மதம் என்று கேட்டால்: “நாங்க தமிளாலுங்க, நாங்க கும்படறது தமிள சாமிங்கள” என்றுதான் பதில் சொல்லுவார்கள், நானும் அப்படிதான் பதில் கூறினேன்.
இப்படித் தமிழ் மயமாக வாழ்ந்த மலேசியத் தமிழர்கள் பிற்காலத்தில் எப்படி தன்னிலை மறந்து இந்தியன் இந்து என்று தன்னை அடையாளப்படுத்திக் கொண்டனர்? இந்தியன் தமிழன் என்ற இரண்டிற்கும் வித்தியாசம் தெரியாமல் மூடனானான்! இந்நாட்டில் வாழும் ஏனைய இனத்தோரெல்லாம் (பூர்வீகக்குடியினர் உட்பட) தங்களின் இன சமயத்தை சரியாக தெளிவாக அடையாளப் படுத்திக் கொள்ளும் போது தமிழர்களுக்கு மட்டும் ஏன் இந்த தடுமாற்றம் அறியாமை!
முன்பு தோட்டப்புரத்தில், தெளிவான இன அடையாளத்தோடு வாழ்ந்த தமிழர்கள் பிற்காலத்தில் எவ்வாறு தன்னிலை மறந்து இந்தியன் இந்து ஆனான்? அவனது தமிழ் அடையாளத்தை யார் மறக்கச் செய்தது? அவனது சைவ சமயத்தை யார் இருட்டடிப்புச் செய்தது?
இதற்கும் குருமார் வழிபாட்டிற்கும் என்ன சம்மந்தம்? அது இந்து சமயத்திற்கு அச்சுறுத்தலாய் அமையப் போவது எப்படி?
அடுத்தக் கட்டுரையில் தொடரும்…
-கதிர்
________________________________________________________________________________________________________
22/07/2013 Article (Part – 1)
மலேசியாவில் சிறுபான்மையினராய் வாழும் தமிழர்கள் (இந்து(சைவசமயம்) சமயத்தை சார்ந்துள்ள தமிழர்களை மட்டுமே இக்கட்டுரை விவாதிக்கிறது) இந்நாட்டில் தங்கள் இன சமய அடையாளங்களை நிலைநிறுத்திக் கொள்ள பெரும் சவால்களை எதிர் நோக்குகின்றனர்.
அண்மைய காலமாக வேற்று மதத்தினரின் மதமாற்றத் தாக்குதல்கலால் பெரும் இக்கட்டை நம்மினம் சந்தித்து வருவது உண்மையே! இது பெரும் சர்ச்சைக்கும் கண்டனத்துக்கும் ஆளாகி வருவதும் நாம் அறிந்ததே.
அத்தோடு நம்மினத்தையும் சமயத்தையும் இழிந்தும் பழித்தும் பேசுவதும், நம் கோயில்களை ஆங்காங்கே இடித்துத் தள்ளுவதும் இந்நாட்டில் வாடிக்கையான நிகழ்வுகளே!
நம் இனத்தையும் சமயத்தையும் தற்காக்கும் பொறுப்பில் உள்ள நாம் சார்ந்துள்ள அரசியல் கட்சிகள் மற்றும் அரசு சாரா இயக்கங்களும் தங்கள் கடமையை சரிவரச் செய்யவில்லை என்பதை நாம் அனைவரும் அறிவோம்.
இது இவ்வாறு இருக்க, நம்மிடையே சமீப காலமாகத் தோன்றி; (இந்தியாவிலிருந்து இறக்குமதியானவை) அசுரவேக வளர்ச்சி கண்டுவரும் குருமார் வழிபாட்டு இயக்கங்கள், பல்வேறு யோகா மற்றும் ஆன்மீகம் சார்ந்த இயக்கங்கள் இந்து(சைவசமயம்) சமயத்திற்கும் தமிழர் அடையாளத்திற்கும் அச்சுறுத்தலாய் மாறிவருகிறது!
ஆண்டாண்டு காலமாய் நம் மலேசியத் தமிழர்கள் முருகனையும் மாரியம்மனையும் வழிபட்டு தேவார திருவாசக திருமுறைகளை ஓதி நம் தமிழ் சைவ சமய அடையாளங்களை பேனி வந்த நிலை மாறி இன்று ஊர் தோரும் புற்றீசல்களைப் போல் தோன்றியுள்ள குருமார் வழிபாட்டு இயக்கங்கள், பல்வேறு யோகா மற்றும் ஆன்மீகம் சார்ந்த இயக்கங்களில் போய் சேர்ந்துக் கொண்டு பஜனைகளிலும்(இது பெரும்பாலும் சமஸ்கிருதம் மற்றும் இந்தி மொழியில் பாடப்படுகிறது) யோகாவிலும் தியானத்திலும் மூழ்கி நம் இன அடையாளத்தையும் சைவ சமய போதனைகளையும் இழந்து வருகிறார்கள்!
நம் சைவ சமய போதனைகள் சமயத்தோடு நம் தமிழையும் வழியுறுத்தி நம் அடையாளத்தை காத்தது. தேவார திருவாசக திருமுறைகளை ஓதும் போது நம்முள் ஆன்மீகத்தோடு தமிழும் தமிழ்ப் பற்றும் வளர்ந்தது! முருகக் கடவுளை நாம் வணங்கி வந்த போது, முருகன் தமிழ்க் கடவுள் என்ற அடையாளமும் திருப்புகழ், கந்த சஷ்டி கவசம் போன்ற தெய்வீகப் பாடல்களை நாம் ஓதும் போது தெய்வீகமும் தமிழும் நம்மோடு பேனிக் காக்கப்பட்டது.
ஆனால் இன்று ஊர் தோரும் புற்றீசல்களைப் போல் தோன்றியுள்ள குருமார் வழிபாட்டு இயக்கங்கள், பல்வேறு யோகா மற்றும் ஆன்மீகம் சார்ந்த இயக்கங்கள் அறுசமய கூட்டான வைதீக சமயத்தில் (ஆதிசங்கரரால் ஒருங்கினைக்கப்பட்டு வகுக்கப்பட்டது. இதையே பிற்காலத்தில் இந்து சமயம் என்று பொதுவாக ஏற்றுக் கொள்ளப் பட்டது. நம் தமிழர்கள் இந்த அறுசமயக் கூட்டில் சைவ சமயத்தை சார்ந்தவர்கள்.) எந்தப் பிரிவை சார்ந்தவர்கள்? இவர்களால் நம் தமிழர் மற்றும் சைவ சமய அடையாளத்தை வளர்க்க முடியுமா? வளர்த்தார்களா?
இன்று இந்நாட்டில் வாழும் பெரும்பான்மையான இந்துத் தமிழர்கள் ஊர் தோரும் புற்றீசல்களைப் போல் தோன்றியுள்ள இந்த குருமார் வழிபாட்டு இயக்கங்கள், பல்வேறு யோகா மற்றும் ஆன்மீகம் சார்ந்த இயக்கங்களால் ஈர்க்கப்பட்டு அதன் பக்தகோடிகளாய் மாறியுள்ளனர்!
இது மாதிரியான இயக்கங்களில் சைவசமய கோட்பாடுகளோ தமிழ் இன மற்றும் மொழியை அடையாளப்படுத்தும் சயல்களோ கிடையாது! இது மாதிரியான இயக்கங்களில் மயக்கம் கொண்டு சேரும் இந்தத் தலைமுறையினர் நமது அடுத்த சந்ததியினருக்கு எப்படி நம் இன மொழி அடையாளத்தோடு சேர்த்து ஆன்ம கடைத்தேற்றத்திற்கு திறவுகோலாய் அமைந்துள்ள சைவசமயத்தை விட்டுச் செல்வது?
இது மாதிரியான இயக்கங்களை வழிநடத்துபவர்கள் பல இடங்களில் தமிழ் இன மற்றும் மொழி முக்கியத்துவத்தை பின்தள்ளி ஆங்கில மற்றும் சமஸ்கிருத மொழி ஆளுமையை நம் மேல் தினிக்கின்றனர்! நம்மை தமிழர் என்று சிந்திக்க விடாமல் இந்தியர் இந்தியர் என்றச் சிந்தனையை நம் மேல் தினித்து நம் பிறப்புரிமையை மறக்கச் செய்கின்றனர். நம்மைத் தமிழராய் சிந்தித்து தமிழர் அடையாளத்தில் செயல்பட விடாமல் தடுத்து நிறுத்தும் புல்லுருவிக் கூட்டம் நம்முடனேயே இருப்பதை அப்பாவித் தமிழர்கள் உனர்வதில்லை!
சரி நம் கதைக்கு வருவோம், இது மாதிரியான இயக்கங்களை வழிநடத்துபவர்கள் பெரும்பாலோர் தமிழர் அல்லாதவரே! இவர்களை நம்பி இன்று இந்நாட்டில் வாழும் பெரும்பான்மையான இந்துத் தமிழர்கள் ஊர் தோரும் தெருவுக்குத் தெரு தோன்றியுள்ள இந்த குருமார் வழிபாட்டு இயக்கங்கள், பல்வேறு யோகா மற்றும் ஆன்மீகம் சார்ந்த இயக்கங்களால் ஈர்க்கப்பட்டு அதன் பக்தகோடிகளாய் சரனடைந்துள்ளனர்! இதனால் நாமும் நம் எதிர்காலத் தலைமுறையினரும் இழக்கப்போவது நாம் தமிழர் என்ற இன அடையாளத்தையும் நம் இன மொழி அடையாளத்தோடு சேர்த்து ஆன்ம கடைத்தேற்றத்திற்கு திறவு கோலாய் அமைந்துள்ள சைவசமயத்தையும்!
நம்மை தமிழர் என்று சிந்திக்க விடாமல், ஒருங்கினைய விடாமல், அடையாளப்படுத்த விடாமல் பல காலமும் நம் மூளையை மழுங்கடித்து வைத்திருக்கும் புல்லுருவிக்கூட்டம் இப்போது தமிழர்கள் தங்களை சைவ சமயிகள் என்று சிந்திக்க விடாமல், ஒருங்கினைய விடாமல், அடையாளப்படுத்த விடாமல் தடுத்திட கிளம்பிவிட்டனர்!
– கதிர்
ஐயா, குருமார்கள் நமக்கு வழிகாட்ட அவசியம் அவர்கள் மதிக்கப்பட வேண்டியவர்கள்… கடவுளாக கும்பிடப்பட வேண்டியர்கள் அல்ல. அக்காலத்திலும் சரி பல குருமார்கள் தோன்றி மறைந்துள்ளனர், அனால் எந்த ஒரு குருவும் என்னை வழிபட்டால்தான் உனக்கு மோட்சம் உண்டு அல்ல நன்மை உண்டு என்று சொல்லவில்லை. இது எத்தனை பேருக்கு தெரிகிறது. இறுதியாக ஒரு பழமொழியோடு முடிக்கிறேன் “If we realise ourselve we are the great temple”; இதுதான் ஆ லயத்தின் (கோவில்) உண்மை தத்துவம்.
சமய பற்றுகொண்ட அன்பர்களே, உங்கள் சிந்தனைக்கு ஒரு கேள்வியை முன் வைக்கின்றேன். ஒருவர் இந்து சமயத்தை தரக்குறைவாய் விமர்சனம் செய்கிறார் என்று வைத்துகொள்வோம், அதன் பின்னர் அவரை நீதியின்முன் நிறுத்துகிறோம் என்றுகொள்வோம். எதிர்தரப்பு வக்கில் சரமாரியாக சமயத்தை பற்றிய கேள்விகள் கேட்டால் அதற்கு தக்க சரியான பதில் கூரக்கூடிய பெரியோர்கள் யாரும் உள்ளனரா? நீங்கள் கூறும் அந்தபதிலை இன்னொரு இந்து வேறு விதமாக கூறுவார்,உங்கள் கூற்றை மறுதலிப்பார். யார் கடவுள் என்ற ஒரு கேள்விக்கு அந்த ஒரு பிரம்மத்தை, பரம்பொருளை வெவ்வேறான பதில்கள் கூறி திணறடித்து விடுவார். கேஸ் குளோஸ்.
உலகம் கடவுளுக்குக் கட்டுப் பட்டது கடவுள் பிராமணனுக்கு கட்டுபட்டது. அப்படியென்றால் கடவுள் பெரியவரா பிராமணன் பெரியவனா..? நான் சொல்லவில்லை சமஸ்கிருத மந்திரம் சொல்கிறது. தமிழா நீ ஒரு ஏமாந்த சோணகிரி… நீ என்றுதான் தமிழனாய் சிந்தித்தாய்…? என்றுதான் நீ தமிழனாய் வாழ்ந்தாய்…? நீதான் ஹிந்துவாக, கிருத்தவனாக, இஸ்லாமியனாக… மத அடிப்படையிலேயே வாழ்கிறாய்…! நீ எப்பொழுது தமிழனாய் வாழ போகிறாய்?
அன்பே சிவம் அறிவன் அவர்களே .உங்கள் கருத்தை சொல்லவும். இறைவனின் நீதிப்படி, நமது சமயம் ஒரு தமிழனாய் வாழ வழிமுறை என்ன, எப்படி ?
“சிந்தனை” அவர்களே, “யார் கடவுள் என்ற ஒரு கேள்விக்கு அந்த ஒரு பிரம்மத்தை, பரம்பொருளை வௌ;வேறான பதில்கள் கூறி திணறடித்து விடுவார்”. சமய அறிஞர்களை வைத்து வழக்காடினால் சரியான முடிவை நீதிபதி செய்ய முடியும். சைவ சித்தாந்த செல்வர் முனைவர் ஆறு. நாகப்பன் ஒரு புறமும், மறுபுறம் வேதாந்த அறிஞர் ஒருவரும் வழக்காடினால் கேட்பதற்கு நன்றாக இருக்கும். ஆசை நிறைவேருகின்றதா என்று பாப்போம்!
இந்து சங்கத்தின் தலைவராக முனைவர் நாகப்பன் ஆறுமுகம் அவர்கள் இருந்தபோது இது போன்ற பிரச்சனைகள் வந்ததில்லை. வந்த பிரச்சனைகளும் முளையிலேயே ஒடுக்கப் பட்டன. ஆனால் இன்று நாட்டில் இந்து சமய காவலன் என்று கூறிக்கொள்ளும் இந்து சங்கம், தர்ம மாமன்றம் போன்றவை இது பற்றி கவலைப் படுவதாகக் கூட தெரியவில்லை.. டத்தோ ஸ்ரீ குருஜி 36 மண்டைகளை வைத்து போட்டுவிடுவார் என்ற பயமோ???
சாத்தானை வைத்து ஆட்டம் போடுகிறான் இந்த குருஜி தமிழ் மக்கள் அனைவரும் ஒன்றாக சேர்ந்து இவனை உதைக்க வேண்டும் .
வணக்கம். கருத்துக்கள் ஒரு குருஜி மட்டுமே சம்பந்தப்பட்டதாக இருக்கிறது. குரு வழிபாடு மட்டும் இல்லம்மால் பல சாமியார்களிடம் பணத்தை வாரி கொடுக்கிறார்கள். Melaka – வில் இருக்கும் ஒரு போலி சாமியாரை express சர்வீஸ்சில் பார்பதற்கு RM 100. மாமியார் மருமகள் சண்டைக்கும் இங்கே வருகிறார்கள். உடம்பில் வாயு அதிகமாகிவிட்டாலும் வருகிறார்கள். என்ன சொல்ல? நம் மதம் ஒரு அதிகமாக பணம் செலவு செய்யக்கூடிய மதமாக மாறி உள்ளது.
கோவிலில் இருக்கும் அர்ச்சகர் வரை பணம் செலவு உண்டு. அதிகமான விசேஷங்கள் உண்டு பண்ணி பணம் சம்பாதிப்பது எப்படி என்று ஆரியர்கள் திராவிடர்களை முட்டாளாக்கி உள்ளனர். ரேடியோ வில் பேசும் dr. க்கு தன் கடை எரிந்து போகப்போஹிறது என்று தெரியாமல் போனது எப்படி?
மக்கள் நன்றாக யோசிக்க வேண்டும். கடவுள் எங்கே? உன்னை கடந்து உள்ளே செல்… உன்னை நீ நம்பு…உனக்குள்ளே இருக்கும் ஆன்மாவை தேடு. வழிபாட்டில் பக்தி மார்க்கம் மற்றும் ஞான மார்க்கம் உண்டு. உருவ வழிபாடு பக்தி மார்க்கம். கடவுளை தேடுவது என்பது நமது உள்ளுணர்வு. ஞானத்தினால் மட்டுமே இறைஅருளை நாம் காண முடியும். அதுதான் பவர்/energy. நல்ல சக்தி உடையவன் நன்றாக யோசிப்பான் நல்ல முடிவுகளை எடுப்பன் நன்றாக வாழ்வான்.நம் வழிபாடு இயற்க்கை சார்ந்தது. ஹிந்து என்ற அடையாளாம் இரவல் வாங்கியது. தர்மத்தின் அடிப்படையே தான் திராவிடர்களின் நம்பிக்கையாக இருந்தது. ஹிந்துவாக மாறினோம். பல இறைவனின் திருவுருவங்களை உருவாக்கி பணம் சம்பாதிக்க பல திருநாட்களையும் உருவாக்கினார்கள். தீபாவளி மராட்டியர்களின் பெஸ்டிவல். கேரளாவில் தீபாவளி கொண்டாடுவதில்லை. அனால் நாம் இங்கே எத்தனையோ பெஸ்டிவல் கொண்டாடவேண்டும். எவ்வளவு பணம் செலவு செய்ய வேண்டும். இவ்வளவு கொண்டாடியும் நமது பொருளாதாரம் மோசமாக தான் இருக்கிறது.
மலேசியாவில் நாம் எப்படி பிரிந்து கிடக்கிறோம்? இந்தியனாக, தமிழனாக, மலையாளியாக, தெலுங்கன், அதன் பிறகு ஜாதி வாரியாக, பின் மதம் வரியாக. இப்படி இருந்தால் பலரும் நம்மை பிரித்து அவன் அவன் லாபத்திற்கு பயன் படுதிக்குவான்.
நமக்கு தேவை. நல்ல கல்வி, நல்ல ஆன்மீக சிந்தனைகள், சம்பாதிக்கும் பணத்தை சேமிக்கும் பழக்கம் (அனாவசியமாக இந்த மாதிரி குருமர்களிடமும் கோவில் அய்யனிடமும் போலி சாமியார்களிடமும் தேவை இல்லாத மூட நம்பிக்கைகளுக்கும் செலவு செய்யாமல்) இருந்தால் போதுமே. சிந்திப்போம் செயல் படுவோம். வாழ்க வழமுடன். நன்றி.
குருமார்கள் நமக்கு ஒரு நல்ல வழிகாட்டியாக இருக்கவேண்டும். இப்போ இருக்கிற குருமார்கள் நான் டான் கடவுள் என்று சொல்லி மக்களிடம் பணம் வாங்கி இவர்கள் மிக சொகுசாக வாழ்கிறார்கள். படிபரிவில்லாடவர்களும், சமயத்தை சரிவர தெரியாதவர்களும் இவர்களது மோக பேச்சால் கவரப்பட்டு சிக்கிகொல்கிரார்கள். காலம் தொட்டு நம் முன்னோர்கள் கோயில் வழிபாடு மாறி இப்போ சென்டர் போஹ்க்கொண்டிருக்கார்கள். முன்பு எங்கே இருண்டு குருமார்கள். இப்போ கோயில் பொய் சென்டர் வந்துவிட்டது. இப்படியே போனால் வரும் காலத்தில் கோயில் இருக்காது. இப்பவே நம்மவர் கோயில் போவது குறைந்துவிட்டது. எவன் ஒருவன் தன்னை வணங்கு, நான்தான் கடவுள் என்று சொல்கிறானோ அவனை குருவாக ஏற்றுக்கொள்ள கூடாது. யாரவது ஒருவர் மக்கள் திருந்தவேண்டும் என்ற எண்ணத்தில் சொன்னால் உடனே அவர்களை குறை குறுவது டான் நம் வழக்கமாகிவிட்டது. தானும் செய்யமாட்டார்கள் அடுத்தவரையும் செய்யவிடமாட்டார்கள். இப்படி பேசியே நம் இனம் பாலாகி விட்டது. மற்ற மதத்தவர்கள் நம் மதத்தை கேலி செய்கிறார்கள். கேவலமாக இருக்கிறது. காரணம், நம் சமயத்தை பற்றி தெரியாததே. இன்ட மாதிரி சில குருமார்களும் சாமியார்களும் இருப்பதாலும் அவர்களி ன்தப்பான போதனையும் தான். நல்ல குருமார்கள் வேண்டும். நல்ல சமய போதனை வேண்டும், பணத்துக்காக வேஷம் போட்டு ஏமாற்றுபவன் வேண்டாம். பலர் இப்பொழுது சமயம் கற்றுகொடுகின்றார்கள். நம் சமயத்தை தெரிந்துகொள்வோம். தவறு இருந்தால் மன்னிகவும்.
யோகசாலை காட்டுவார் உயரவும் எழும்புவார்
வேகமாக அட்டசித்து வித்தைகற்று நெட்டுவார்
மோஹம்கொண்டு மாதரின் மூத்திரப்பை சிக்கிபின்
பேயது பிடித்தவர்போல் பேருலகில் சாவாரே.
சிவவாக்கியர் சித்தர் சொன்ன உண்மை தத்துவம்
இதைத்தான் கடந்த முப்பது ஆண்டுகளாகச் சொல்லியும் எழுதியும் வருகிறேன். தமிழன் இந்துவல்லன். சைவன். அவன் போற்றும் பரம்பொருள் சிவன். திருமுறைகளையும் மெய்கண்ட சாத்திரங்களையும் பயின்றால் சமயத்தில் நமக்கோர் செல்நெறி வாய்க்கும். சைவ சித்தாந்தம் நமது ஐயங்கள் அனைத்தையும் தெளிவிக்கும். மூட நம்பிக்கைகள் அனைத்தையும் ஓட்டும். இங்கும் ஆரியச் சேறு படிந்துள்ளது. நமது ஆய்வுத் திறத்தால் அதனைக் கண்டு நீக்கி உண்மையை உணரலாம். வாரத்தில் ஏழு நாட்களும் சித்தாந்தப் பயிற்சி வகுப்புகள் உண்டு. இளையர் கூட்டம் தேனீக்களெனப் பறந்து வந்தால் பத்து ஆண்டுகளில் நீங்கள் குறிப்பிட்ட குழப்பங்கள் அனைத்தையும் ஒழித்து விடலாம். தமிழும் சைவமும் தழைத்தினிதோங்கும். தமிழன் தன்மானத்தோடு தலை நிமிர்வான். தொடர்புக்கு 0169691090. [email protected]
ஐயன் ஆறு நாகப்பன் கூறுவது உண்மையே. அதற்கு தேவையான ஆன்மீகப் பசி மனிதரிடம் குன்றி விட்டது அல்லது அதற்கு தேவையற்ற நிலையை இந்த திடீர் குருமார்கள் தங்கள் சுய விளம்பரத்தினாலும், வெவ்வேறு வியாபார யுத்திகளாலும் உருவாக்கி விட்டனர். விரைந்து விரைந்து பொருள் தேடும் உந்துதலே மனிதனின் மனதை ஆதிக்கம் கொண்டுள்ளதால், அதனை சாதகமாக்கிக் கொள்ளும் திறமை வாய்ந்த ‘வியாபாரிகளே’ மலிந்து விட்டனர். இந்த பூசை செய்தால் அது கிட்டும், இந்த தியானம் வழி எதுவும் கிட்டும் என்கிற மாயையை மக்கள் மனதில் (படித்தவர்கள் மத்தியிலும்) ஊடுருவச் செய்வதில் இவர்கள் கில்லாடிகள். இவர்கள் முன் சிவமாவது, அன்பாவது, நெறியாவது? அதுவும் மாயை ஆகிப் போனதுதுதான் விந்தையிலும் விந்தை.
குரு வழிபாடு என்பது எனக்கு தெரியாது….ஆனால் சித்தர்கள் அல்லது குருமார்கள் வழியை பின்பற்றி இறைவனை அடையலாம். ஆனால் நம்மவர்கள் நேரடியாக இறைவனை அடைவதை தவிர்த்து குருக்களை அடைந்து விடலாம் என்று நினைக்கின்றனர்.
ஆனால் இன்று இந்த பக்கத்தில் எழுதி இருப்பவர்கள் பெரும்பாலோர் மொழி இனத்தின் மேல் அக்கறை கொண்டவர்கள்.. ஆனால் இதற்கு வெளியில் உள்ளவர்களை திருத்த போவது யார்
சொன்னால் யாரும் கேட்கப் போவதில்லை. தமிழனை நம்பி எத்தனையோ பேர் வயிறு வளர்க்கிறான். இவர்களும் இருந்து விட்டுப் போகட்டுமே!
சிறம்பானில் இன்னொரு அக்கப்போர். சாய்பாபா மையத்தை வழிபாட்டு தலமாக கருதினால் அது அமைதியான இடத்தில் அமைக்கப் பட வேண்டும். ஆனால் அதிக மக்கள் நடமாட்டம் உள்ள மதுரா, (MAP)(தமிழில் பெயர் இல்லாத முட்டாள்) கடைகளுக்கு முன்பாக ஒரு கடையை வாடகைக்கு எடுத்து சாய்பாபா மையம் அமைக்கிறார்கள். இது சமயமா அல்லது பணம் பண்ணும் சந்தர்ப்பவாதமா? இந்து சங்கம் தூங்குகிறதா?
நேத்ரா, நிச்சயமாக இது பணம் பண்ண நல்ல வழி! அதற்கெல்லாம் ஒரு திறமை வேண்டும்! சாமியே கும்பிடாதவர்கள் நம்மிடையே எத்தனையோ பேர் இருக்கிறார்கள்.அவர்கள் சாய்பாபாவையும் கும்பிடுவார்கள், சாமிவேலுவையும் கும்பிடுவார்கள். அப்படியாவது அவர்களுக்கு மோட்சம் கிடைக்கட்டும்!
போதிவர்மர் சொன்னார் சரிதான்… நாம் கூவி பொழுது விடிந்துவிடப் போகிறதா என்ன.. நல்லது நடக்கட்டும்..
கண்டவர் விண்டதில்லை ,
விண்டவர் கண்டதில்லை
காணவே நோன்பிருப்போர்
கணக்கின்னும் குறையவில்லை -சித்தர் பாடல்
விளக்கம் : கடவுளை பார்த்தவன் சொன்னதில்லை சொன்னவன் பார்த்ததில்லை -வெங்காயங்கலா!
இந்துக்கள் தங்கள் அறிவை இழந்து தங்கள் இனத்திற்கும் மதத்திற்கும் கேடு விளைவித்துக் கொண்டிருக்கின்றனர். கடவுளுக்காக வழிபடுவது போய்;வேண்டுதல்களுக்காக வழிபடுவதற்கு (இன்றைய)இந்துக்களுக்குக் குருமார்கள் மற்றும் சிறுதெய்வங்களின் உதவி தேவைபடுகின்றது போலும்?!..கடவுள் என்று அந்நியமாக நினைக்கும் வரை நம் சமயத்தின் உண்மை கருத்துகள் யாருக்கும் புலப்பட்டு சமயத்தை வளர்க்கப் போவதில்லை!மாறாக குருமார்களின் வழிபாட்டுத் தலத்திற்கும்(தேவையற்ற சடங்குகள் நிரம்பி வழியும் இடம்);பலி கொடுத்து அட்டூழியம் புரியும் இடத்திற்கும் சென்று நம் மதத்தையும் இனத்தையும் ஆன்ம கடைததேற்றத்தையும் அழிக்கவும் ஒடுக்கவும் வழி வகுத்துக் கொண்டிருக்கின்றனர்.
மதம் சார்ந்த பின்னடைவைப் பற்றிப் பேசும்போது;சமுதாய சீர்கேடுகளைப் பற்றிப் பேசி குருட்டுத் தனமான குரு வழிபாடுகளை ஆதரிப்பது இவ்விடத்தில் தர்க்கமாகப் புலப்படவில்லை..
உண்மையிலேயே குரு வழிபாடு ஏமாற்றும் வகையில் இருக்கிறது என்றால் vallalar என்ற மகா ஞான குரு என்ன ஏமாற்ற வந்தவரா ? முருகனை குருவாக ஏற்றுக் கொண்ட சமயம் நமதாகும். வள்ளுவர் காலத்திலேயே குருமார்கள் இருந்திருக்கிறார்கள் என்பதை ஞானவெட்டியான் நூல் உரைக்கிறது.போலி சாமியார்கள் இருப்பதை ஏற்றுக் கொள்கிறேன் ஆனால் அனைவரும் போலிகள் என்பதை ஏற்றுக் கொள்ள முடியாது. நமது சமயம் முட்டாள்எனவும்
அதை ஏற்றுக் கொள்பவர்கள் மூடர்கள் எனவும் கூறியிருப்பது திருகதிரின் அறியாமையை காட்டுகிறது. இங்கு எழுந்துள்ள இந்தப் குரு பிரட்சனை இருப்பதை ஒப்புக் கொள்கிறேன். ஆனால் நமது சமயத்தை முழுமையாக புரிந்து கொண்டு எழுதவும்..
லிட்டல் இந்தியா brickfields சென்று அங்கு விற்கும் ருத்ராட்ஷை கொட்டைகளை வாங்கி அணிந்து கொண்டால் நானும் குருதான்.
hi………….!!!!
எனக்கென்னவோ, இக்கட்டுரையில் அனைத்து குருமார்களையும் சாடியிருப்பது போன்று தோன்றவில்லை.மாறாக, போலி குருமார்களையும்,ஆடம்பர குருமார்களையும்,குரு வழிபாட்டையே முதன்மை வழிபாடாகக் கொண்ட நம் சமயப் பற்று அற்றவர்களையும் மட்டுமே சாடியிருப்பது போன்று தோன்றுகின்றது.ஆகவே,வள்ளலல் பெருமானை இங்குக் கூறுவதாக எனக்குப் புலப்படவில்லை.திருவருள் பெறுவதற்காகவே குரு அருள் தேவை.ஆனால்,இப்போது பலருக்குக் குரு அருளே;திருவருளாகத் தோன்றியிருப்பதை சாடும் வண்ணமே இக்கட்டுரை இருக்கின்றது. ஆகவே,கட்டுரையின் சாரத்தைப் புரிந்து கொள்ள வேண்டியது அவசியம்.யார் வந்தாலும், என்ன சொன்னாலும் நாங்கள் அவர்களைக் கும்பிடுவோம் எனபதுதான் சமயமா? இப்படிப் போனால் சமயம் நிலைத்து நிற்குமா?
தேவாதீனம் ஜெகத் சர்வம்
மந்த்ராதீனம் துதேவதா
தன்மந்த்ரம் பிரமணாதீனம் பிராமணா மமதேவதா
(இருக்குவேதம் 62ஆவது பிரிவு 10ஆவது சுலோகம்)
இந்தவுலகம் கடவுளுக்குக் கட்டுப்பட்டது;
கடவுள் மந்திரங்களுக்குக் கட்டுப்பட்டவர்;
மந்திரங்கள் பிராமணர்களுக்குக் கட்டுப்பட்டவை; பிராமணர்களே, நமது கடவுள்; அவர்களைத் தான் நாம் வணங்க வேண்டும் என்பது தான் இந்த வேத சுலோகத்தின் பொருள்.
இதன் அடித்தளத்தில் கட்டப்பட்டவைதான் இந்து மதத்தின் எல்லா சமாச்சாரங்களும்.
எது நடந்தாலும் அவாளின் கஜானாவை நிரப்புவதாகத்தான் இருக்கும்.
ஐயா கதிர் அவர்களே, நீங்கள் எழுதும் கட்டுரை முரண்பாடக உள்ளது, குரு வழிபாடு உங்களுக்கு உடன்பாடு இல்லை என்றால் என்ன, ஏன் மற்றவர்களை குழப்பத்தில் ஆளகிரிர்கள். எதோ ஒன்று தெரிந்ததை செய்கிறார்கள், தப்பான வழியில் செல்லாமல் இது எவ்வளவோ மேல்.
“குரு” எனும் வடமொழி (சமஸ்கிரத) சொல்லுக்கு சரியான பொருள் என்ன என்று விவரம் தெரிந்தவர்கள் சொல்லுங்களேன்?
“குரு” என்பதற்கு இருளை நீக்குபவர் என்று பொருளாகும். “இருள்” என்பது சைவ நெறியில் “ஆணவ மலத்தை” – குறிக்கும்.
நன்றி தேனீ. அப்படியென்றால் இருளை போக்குகின்ற அல்லது இருளை நீக்கும், அல்லது அகற்றும் அந்த ஒருவர் யார்? (மாதா பிதா, (குரு என்றல் இங்கும் ஆணவ மலமா?)
அட கடவுளே என்ன கோலம் இது………இப்படி தமிழன் ..தமிழன் என்று வார்த்தைக்கு வார்த்தை சொல்றிங்களே …..ஏன் மலையாளி தெலுங்கன் இவுக எல்லாம் குரு வழிபாடு பண்ணவில்லைய???ஹிந்து என்று பொதுவாக சொல்லலாமே ….என்ன கொடுமை இது……..தமிழன் செய்த பாவம் என்ன???நீங்க எல்லாம் நல்லா வருவிங்க சார் ………கடவுளை நாம் குருவின் மூலம் தான் தேட முடியும் ………ஏதோ எனக்கு தெரிஞ்சதே சொல்லிபுதேன் அப்புறம் அவுக அவுக விருப்பம் …….மீண்டும் சந்திப்போம் …..வணக்கம்
கடவுளை குரு மூலகதான் தேடமுடியும் என்றால், குருவுக்கு குரு எப்படி தேடி இருப்பான்?? அதெல்லாம் சுத்த பொய். கட உள்ள்ளே . அதுதான் கடவுள். நம் மனத்தை கடந்தாலே கடவுளை காணலாம். எல்லோரும் ஒரு நாள் கடவுள் கிட்ட போகத்தான் போறோம். போகுறதுக்கு முன்பு கொஞ்ச நல்ல காரியம் பண்ணனும். ஆனா இந்த மாதிரி ஏமாத்துற குருவே நம்பி சமுதயத்த பாலக்க வேணாம்.
நாமெல்லாம் ராஜா வே பாக்க போறோம். உதவி கேட்க. அப்போ ராஜா அரண்மனை எங்க இருக்குனு தெரில. ஒரு வழி போக்கன் கிட்ட வழி கேக்குறோம். அவனும் சொல்லுறான். அப்போ அங்க அரண்மனைக்கு போய், ராஜா கிட்ட வே பேசிக்கலாமே. எதுக்கு அந்த வழி போக்கன் கால்லே விழனும்?
அம்மா அப்பா நம்மை பெத்தாங்க,செக்ஸ் தானே காரணம்,அப்போ செக்ஸ் புணிதமா?,புணிதம்னா ஏன் ரூம் குல்லே மறைந்து செய்யனும்.ஓய் நோட் இன் பப்லிக்.பெத்தாச்சு வளர்ப்பது அவர்கள் கடமை,ஏன் நாம் அவர்களை மதிக்க வேண்டும்,அற்ப காமத்தால் சுமந்தவர்கள் தானே இவர்கள். குரு அற்றவர் கல்வி கற்காதவருக்கு சமம்.கல்வி என்றால் என்னவ் வென்று தெரியும்?தெரிந்துக்கொள். கற்றோர் இயல்பு: கல்லாதாரின் இயல்பு: ஆரியனை பற்றி என்னதெரியும் வுமக்கு.பிராமணன் யார் தெரியுமா.அதிகாலை 4 ஏ.எம்க்கு எழுந்து படையல் தயார் செய்து,ஆலயத்தை தூய்மை செயவது,விக்ரகத்துக்கு அபிஷேகம்,அலங்காரம் செய்வது,சூரிய வுதயத்தில் மணியடித்து பூசை நிகழ்த்துவது,சுயமாக பிரார்தனை செய்ய தெரியாத சோம்பேரிகளுக்கு அர்ச்சனை செய்வது,வந்தவர்க்கு கடலை,பெங்கல் கொடுப்பது காலை 0900,க்கு திருக்காப்பு செய்து,தேனீர் பருகி மதியம் சமயலை துவங்கி,மதிய வுணவுக்கு பின் சற்றே ஓய்விற்கு பின் மீண்டும் 0400 க்கு பூசைக்கு தயாராகி இரவு 0900,திருக்காப்பிற்கு பின் ஓய்வு.அதை தவிர்த்து பஞ்ஜாங்கம்,ஜாதகம் எழுதுவது இப்படியே காலம் காலமாய் தெய்வ சேவை செய்யும் பிராமணரை குரையா சொல்குறீர்.நீங்கள் யாராவது கோவில் வேளையை செய்யலாமே லீவு,எம் சி,வருஷ லீவு,மெடிக்கள் லீவு,ஸ்ரைக்,யூனியன் போனஸ் எல்லாம் தலைவிரித்தாடும்.இதற்கு தானய்யா இந்தியாவிலிறுந்து பிராமணர்களை செலவு செய்து இறக்குமதி செய்றாங்க.இந்த ஜாதி அந்த ஜாதி, பூசை செய்யும் கோவிலுக்கு நான் வரமாட்டேன்,நீ வரகூடாது இதெல்லாம் தெரிஞ்சு தான் பிராமணரை அழைக்கின்றனர் புரியிதா,இவன் எவ்வளவு சம்பாரிக்கிறான்/அவன் எவ்ளோ சம்பாரிக்கிறான் இதைத்தான் இவ்ளோ நேரம் விவாதம் கருத்து நடக்குது.நீ குருஜியாகு,கோயில் தட்டுலே காசு வாங்கு செய்யும்யா,கோடி கோடியா சம்பாரிங்க.1000/2000 ம் பேருக்கு தீட்சை கொடுக்கும் மணிதரை விமர்சிக்குறீர்,குண்டலினி வேளை செய்யுதுப்பா,விமர்சனத்தை வாசித்து நானும் செலவு செய்து போய் கலந்து கொண்டு வந்தேன்.தியானம்,கவசம்,கார்யசித்தி,நோய் நீக்கம்,வாழ்த்த பெற வேண்டிய மாமணிதர்.மீசை வெச்சவனெல்லாம் பாரதியில்லை கோவணம் கட்டியவனெல்லாம் காந்தியுமில்லை,மூக்கு பொடி போட்டவனெல்லாம் பெரியாறுமில்லை,தங்க பஸ்ப்பம் தின்னவனெல்லாம் எம்.ஜி.ஆருமில்லை.தமிழ் நாட்டை இன்று வறை எந்த ஒரு தமிழனும் ஆண்டதில்லை அதை முதலில் கவணியுங்கள்,பரமேஸ்வரா வந்தான் போனான் இஸ்லாத்துக்கு,தேனீ மாமா மகள் இருவர் சமஸ்கிரதம் படித்து பட்டம் பெற்றார்.ஈசனுக்கு முருகன் குரு சிஸ்யன் முரையே வுபதேசம் செய்தார்,நவக்கிரகம் இல்லை என்கிறார் நடராஜர் பத்தில் பாடியது எதற்கோ,சிவத்திற்கு வுருவம் என்கிறார் ஆனால் வுருவ வழிபாட்டு ஸ்தலத்தில் தமிழ் கேட்கிறார், என்ன விரன்டாவாதம்,நாராயண நாராண.
ஆதியை மறப்பது,வேத,சாஸ்திரம்,புராணம்,இதிகாசங்களை விவாதிப்பது கூடாது.சிவன் எப்படி முருகனிடமிருந்து பிரணவம் வுபதேசம் பெற்றது போல் ஏற்க வேண்டும்.குரு சிஸ்ய முறையே வுபதேசத்திற்கு சிரந்த வழி,ஒவ்வொறுவருக்கும் ஆத்மானந்த குரு தேவை.குருவற்றவர் கல்லாதோரே.கல்வி கற்காதவனுக்கு இயற்கையாகவே அறிவு இருந்தாலும்கூட,அவனை கல்வியில் சிரந்தோன் என்று அறிவுடையோர் ஒப்புக் கொள்ள மாட்டார்கள்.வாழ்க நாராயண நாமம்.
Latest Indian news headlines updated regularly in Tamil for the people of Tamil Nadu click here